اهم شي في التربيه الدعاء..
ادعيلهم ربي يهديهم ََويجعلهم قرة عين احنا بدون الدعاء وبدون عون الله ولا شي..


وبذكر نقاط لعلها تفيدك او تفيد بعض الأمهات وانا مقصرره كثير لكن هذا اللي قدرني الله عليه..


اولا احب العب معاهم وأجرى معاهم وادغدغهم، هذا الشي احس يقربهم لي كثير وينبسطون ولو كانو معاندين في شي يفكون بعدها..


ثاني شي احب اربط كل شي يصيرلهم برب العالمين، مثلا اكلو اكله انبسطو منها اقولهم قولو الحمدالله هذي نعمة الله علينا،


اي شي حلو في حياتهم اقولهم هذي نعم الله علينا لازم نشكر الله عليها..


اذا قال واحد منهم انا خايف اقوله كيف تخاف والله موجود؟ الله معانا في كل مكان مافي شي يخوف واذا خفت اقرا قرآن وادعي الله بكل شي في قلبك..


اردد معاهم أركان الإسلام ومن ربك ومادينك ومن نبيك دائماً، وغالباً في السياره اردد معاهم القرآن اللي حافظينه..


واحد من أولادي عصبي مره وجاته فتره يكسر اذا عصب صرت اعاقب عقاب بسيط واقوله شوف ماما إذا عصبت اش تسوي؟ قال تجلسين وتقولين لاحول ولا قوة الا بالله..


قلت خلاص نسوي زي ماما إذا عصبنا نستغفر او نقول لاحول ولاقوة الا بالله بعدها نهدأ..


اعلمهم ايام الاسبوع وعيد الفطر متى يجي وعيد الأضحى، امزح معاهم كثير واحاول ابني معاهم علاقة صداقة..


قاعده احاول اعلقهم بالدعاء وصرت اذا بغي ولدي اي شي اقوله ادعي ومرات يدعي يقول ربي مااستجاب قمت شرحتله الحديث أحوال الدعاء انه في دعاء يبقى للاخره ودعاء يدفع به بلاء في ا لدنيا او دعاء يستجاب فعادي لو مااُجيبت دعوتك الان..


اذا عاند ولدي الكبير لانه مرا متعب وعنيد اروح ادغدغه واقوله تسويه غصب عنك بمزح احيانا يغير رأيه..


طبعا مثل ماقلت انا مقصره مره وهذا شي بسيط وانا صرت عصبيه مؤخرا بس جالسه اضغط على نفسي يعني قاعده اقولك الجانب الجيد ودايما ادعي انه ربي يرزقني الحكمه في تربيتهم..


اللي تمر على كلامي وتستفيد تدعي لي دعوة بظهر الغيب ان الله يهدي أولادي وييسر اموري 🌱🌧️

سبحان الله و بحمده