امهات نصائحكم وتجاربكم ، ، بنتي حبيبي وانا بعد ابي اتخخلص. . . . .

الوحيدهـ* :

فديت البنات انا ربي يحفظها لك شوفي يالغاليه اولا جيبي ورقه وقلم واكتبي عيوبها وعيوبك وبعد كذا بس ركزي على عيب او عيبين واشتغلي على تعديلها لما تتفل قولي خلاص انا زعلت ما احبك ومطي البوز ولا تكلميها قولي انا ما اشوف الا البنات المؤدبه انا ما اشوف البنات اللي يتفلون وووع عليهم وكرري هالشيئ مجرد ما تعتذر وتتاسف اقبلي لو زادت المشكله جلسيها على كرسي مدة دقيقتين نظمي وجباتها وقللي من اكل الحلويات واللاكل المقلي عشان تهدا شوي وكمان العصر اطلعوا من البيت وخليها تمشي كثير والله انا اذا كان عندي اطفال صغار اطلع بهم فتره العصر واكرفهم مشي او لعب وكثرة الحركه سبب الشقق الضيقه وقللي من التلفزيون اعطيها بس ساعتين واذا مافي شيئ طفي التلفزيون واشتري لها العاب تتركب والعبي معاها العبي لعبه العرايس معاها ونمي مهاراتها الكلاميه ومهارات الادب والتعامل والاعتذار العبي معاها مسرحيات مصغره واعطيها حصص تعليميه للاعداد للاشكال دفاتر تعليميه تناسب عمرها يعني با اختصار لازم توفرين لها الوقت للتعامل معاك والتدريب علىالحمام يحتاج منك صبر وتشجيعها ونظام مكآفآت بغير الاكل كأفئيها مثلا بالوان تنزليها ترسم فيها بعدين تشيليها لما ينتهي الوقت كوني اهدأ ولا تعصبي ولا تتلفظي عليها حافظي على الهدوء وحسن التعامل مع ابوها وانها تنظف وراها وترمي قراطيسها وتشتغل في الجمع والالتقاط سواء كان لالعابها او لقراطيسها شوي شوي بتتحسن وتلاقيها في احسن اخلاق واحلى ادب بس لازم صبر وتفريغ طاقات وتشغيل اوقات الفراغ وتنظيم النوم والعادات وضبط سلوكك قدامها ورح تشوفين نتيجه جدا جدا حلوه

فديت البنات انا ربي يحفظها لك شوفي يالغاليه اولا جيبي ورقه وقلم واكتبي عيوبها وعيوبك وبعد...