امهات واباء اخر زمن

اهلين اخواتي
حبيت اكتب هالموضوع لاني بصراحه استغربه واستنكره
قبل كم يوم وديت عيالي احد المولات اللي فيها سوبرماركت واسوق وملاهي عشان يلعبون وطبعا الملاهي فل مليانه بزارين مع اهاليهم
لكن لقيت عيال اثنين اخوان اعمارهم يمكن خمسه واربعه سنوات جاين يلعبون بس مع مين ؟
مين تتوقعون؟
شكله سواقهم ياهو هندي او سرلنكي والله مدري
ومن لعبه للثانيه يلعبهم
يعني هذولي وين امهم وين ابوهم
انا مدري شلون قوه قلوبهم يخلون اجانب يتولون عيالهم المفروض هم اللي يلعبونهم
لاتقولون يمكن اهاليهم معهم بس جالسين بمكان يشوفونهم لان لو كذا كان شفتهم يترددون عليهم لان مكان الملاهي مو كبير مره
هالايام الناس صارت ترمي عيالها على الخدم
انا لو ايش يصير مااحط عيالي عند غرب
من كثر اللي اسمعه من بلاوي هالايام الله لايبلانا
اصلا فرحتي يوم العب عيالي بنفسي او ابوهم
حتى اذا كبرو يكون لنا ذكرياتنا اللي عشناها سوا مو بكرا يذكرها ولدي او بنتي يقول مع الشغاله والا السواق وانا مالي خانه بذكرياته:44:
ادري بتقولون احيانا تضطر بعض الاسر انها تجيب خدم مو مشكله نجيبهم بس مو عشان يربون عيالنا عنا هم للشغل وبس:angry::cook:
والا وش رايكم