امهات ياخبيرات في تعليم الاطفال عالحمااااااااام لاتبخلون عليه

ترانيم الدوحه :

السلام عليكم انا تقريبا بديت مع ولدي في عمر ثلاث سنوات في البدايه كنت اوديه كل ساعه او ساعتين واذا شرب عصير اوكل وجبه اوديه بعدها ب 20 دقيقه و بدا يستوعب الحمام وولدج لما قالج ابي الحمام مب صدفه لا بدا يفهم وبدا يسيطر على نفسه و حاولي تكافئينه اذا عملها في الحمام وانتي راقبي ولدج اذا حسيتي انه اهو بدا يفهم كملي معاه واذا تحسينه مب فاهم شسالفه اخريها كم شهر عشان انتي ما تتعبين واهو ما يتعب بس نصيحه خلي بالج طووويل ولا تستعجلين عليه يبيله وقت لين يسيطر على نفسه بشكل تام لان السالفه ممكن تاخذ اشهر وهاي شي طبيعي وبعد كوني مستعده انه اهو بتجي فترات مب قايل لج وبسويها على نفسه , بس نصيحه تحملللللي تهاوشينه ابدا لانها بتزيد المشكله وبيكره الحمام , خلج عادي وقوليله معليش مره ثانيه بتسويها في الحمام وانا كنت استخدم له هافات مذركير الخاصه بالتمرين عالحمام وااايد مريحه , تكون مبطنه والقماش اللي يلامس جلد الطفل نفس الفوطه , مب نايلون نفس اللي في البيبي شوب لانها تحسس وحتى لو عملها على نفسه ما توسخ المكان ولا يبلل نفسه وايد لانها تمتص البول وانتي لا تحاتين وايد مرده ان شاءلله بيتعلم عالحمام بالتوفيق ان شاءالله

السلام عليكم انا تقريبا بديت مع ولدي في عمر ثلاث سنوات في البدايه كنت اوديه كل ساعه او ساعتين...