امهات يا خبيرات ولدي سنة ونص.. اتعبني مو راضي ياخذ الدواء

ضعي الدواء في قليل من العصير
حاولي تسلينة اذا اعطيتية لاتجبرينه على الشرب
ضعي البرواز في فمه وامسكي حلاوة بيدك واسالية يبي حلاوة او لا تلاقيه شرب الدواء ويبي يلحق على الحلاوة
حاولي بالتفاهم واذا اجبرتية مستحيل يشربه

الله يشفي ابنك ويجعله قرة عينك

ختي الغالية اكليل البنفسج
يا حليلك ولدي ما شا الله علية يعرف اذا شاف البرواز يصيح يعرف انه دواء
ولما احاول اعطية من دون لا يشوفه برضوة يطلع الدواء بسم الله علية يميز الطعم

واذا اعطيتة الدواء مع العصير ما يروح مفعولة خاصة ان اللي اعطية دواء كحة

مايروح مفعول الدواء مع العصير حسب كلام الدكتور لي
جربي صبي له الدواء بفنجان القهوة
خلي الولد يتقهوى ...........

ما أدري... أنا أشوف عيالي بهالسن ما يجون بالطيب...



جهزي العلاج بالأبرة... أو الملعقة بنهايتها أنبوب تجي مع بعض المضادات... وتلقين زيها بسيتي بلازا...
وجيبي منشفة صغيرة...

حطي راس ولدك بحجرك... وكتفيه بالطريقة اللي تعجبك..أنا أستعمل يديني ورجولي وأحياناً أطلب مساعدة :)... صبي الدواء علي دفعات في حلقه عشان ما يشرق...وإذا عيا لا يبلعه سدي خشمه إلين يبلعه... مرة عن مرة بيصير يستسلم للأمر الواقع وياخذ الدواء من غير مصارعة:)


شوفي عاد ولدك وش ينفع معه... الحلول السلمية ولا المصارعة الحرة!


:)


الله يعينك ويشفي لك وليدك!

اشتري الابره من الصيدليه اسهل للاستخدام واضغطي عليها بفمه وسكري خشمه وشجعيه يبلع
ولا تسوين له جو ترهيب وخوف بيتعقد زياده من الدوا

والله يشفيه ويعينك