انا اتذكرك اختي والله اول ما قريت معرف اختك على طول عرفتك قلت ان شاء الله انها جت تطمنا عليها وعلى اخبارها .. حبيبتي كلنا اذا جلسنا فتره بعيدين عن ازواجنا نشتاق لهم ونشتاق لضمهم .. انا اذا تزاعلت مع زوجي اشتاق له رغم اطباعه الشينه لانه للأمانه مرات يكون مافي احن منه علي ..عشان كذا اشتاق له واسوي زيك اجلس انتظره اول ما اسمع باب الشقه انفتح استانس بس اسوي نفسي انه مو هامني وكل ما امر من جمبه ودي يضمني وابوسه ..هذا حالنا كلنا سواء ازواجنا باقي ما تزوجو علينا او تزوجو علينا احنا بطبعنا نشتاق لهم وهم بعد يشتاقون لهم .. واقولك على شي هو بعد مشتاق لضمك ومشتاق لمشاعرك الاولى ومشااق لحياته معك قبل الزواج والدليل كل كلامه اللي يقوله والدليل بعد انك تقولين ما تغير هو هو نفسه ..هذا ايش معناته ؟؟ معناته الزواج الثاني ما اثر فيه ولا فرح ولا حبها مثلك ولا زادته شي في حياته مثلك .. لا تزعلين ولا تنهارين ولا شي .. دام هذي حياتك معه زي ماهي ودام انه مازال على حنيته خليك انتي الراكزه وخليك انتي اللي ثابته في قلبه .. واذا للحين ما نفسك تضمينه ولا نفسك تبينين له الشوق انا اقول استمري فتره بسيطه زياده .. لا تضغطين على نفسك وتقولين راح ابين له اني مازلت احبه واني اغار عليه لا خليك بارده لين انتي من قرارة نفسك تقتنعين .. وغير كذا يالغاليه انتي تقولين انه قد جابها عندك للبين وانها طلعت عااااديه .. واختك قالت لنا انك جميله ومدحتك .. هذا يكفي ان زوجته اللي تغار منك مو انتي تغارين منها .. انتي الحين ما تعرفين كيف مشاعرها تجاه زواجها من شخص متزوج تلقينها تحس بالنقص وتلقينها تلاحظ اهتمامه فيك وفي عياله اكثر وتلقينها عرفت انها ما تزوجها إلا عشان العيال مو حب ولا اعجاب ولا تقصير منك وهالاشياء اكيد بتخليها تغار منك لا انتي الاساس هي مجرد جت تزيد عياله بس اكيد لها حقوق كزوجه وانتي وزوجك ما تبون تظلمونها ..الله يهدي بالك ويزيح همك ويخفف من غيرتك على زوجك .. استمتعي بحياتك وبشبابك واستمتعي وانتي بين عيالك واستمتعي بعطف وحنية وحب زوجك لان والله والله كثيييير من اخواتنا تفقدها بعد زواج زوجها والبعض تفقدها حتى لو ما تزوج عليها

الله يفرجها عليك ويشيل الغيره من قلبك 😟 فضفضي لزوجك لاتجلسين كتومه بقلبك

احمدي ربك على هالزوج
والله انه عملة ناااااااادرة
حافظي عليه وعامليه أحسن معاملة
زوجي مو متزوج علي مافيه ربع رومانسية زوجك وحنيته عليك
ما يوديني المستشفى الا اذا قريب اموت .. ويروح العمل ما يسأل عني
واذا رجع ما يهمه مريضة مو مريضة سيدة يقول حطوا الغدا هههههه
والله زوجك يحبك وشاريك وأحسن من ألف رجال مو متزوج على زوجته
بالحمد تستديم النعم .. الله يخليه لك ولعيالك ويخليكم له

الله يقوي قلبك ويخليكم لبعض ويسعدكم ☺️

حبيبتي الحياه مرا وحده راح تعشينها
وش فيها اذا قلتي له (احبك) واعترفتي ب مشاعرك له
وتفرحين قلبه ب شغلات يحبها هو
خلاص هالمشاعر والكلام والحب والغزل ووووو ... الخ
اااذا ماقلتيها له راح تقولينها لمين
استمتعي ب حياتك وخليها حلوه بعيونك مافي شي يستاهل 💕
وربي يوفقك ويسهل امرك ❤