اموت في الشعر الطويل بس ..!! ،، والحنة ؟؟ .. ومعاناتي :( /قديم

اهلا .. السلام عليكم ورحمة الله وبركاته ..

هلا بنات / صبايا / حريم / امهات / عازبات / مخطوبات >> كله كله ..

المهم ..

انا اموووت في الشعر الطويل الحرير .. بس عندي مشكلة انو شعري زي ده :

XXXX

(( و الحمد لله والشكر له حتى يرضى ))

مطعج مررررة ((مجعد)) .. و خشششن .. و ما يتمشط بسهوولة .. وقصييير ..

والمشكلة انو ما شاء الله لا حول ولا قوة الا بالله .

صحباتي في المدرسة وحدة شعرها لآخر ضهرها ووحدة شعرها يطول مررة بسرعة و هم الاثنين كل يوم تسريحة ويفتحو شعورهم و شعورهم مرة حلوة ماا شاء الله .. ولمن اسألهم ايش يستخدوموا يقسموا انهم اتولدوا كذا ..

وانا المسكينه البنات دائما معاهم لجمال شعورهم وانهم يقدروا يتحكموا بشعرهم وانا في الزاوية شعري بس المه واذا لميته شديته ..

سار يتسااقط و عندي صلع بالمقدمة رغم صغر سني :( .. وفي فراغات ..

والحمد لله على كل حال ..

واانا اموووت في الشعر الطويل .. بس ما اقدر اطوله لازم انعمه اول .. واطريه بعدين اخفف الطعجات وبعديين افكر اطوله ..

ومرة تتخيلوا رحت اسوي كيراتين قالتلي الحرمة شعري جدا جاف ومستححيل الكيراتين يرضى معاه ..

الله اعلم اذا نمت ليلتها ولا لأ من البكا :06: .. وحالتي النفسية من سيء لأسوأ

فأتمنا تساعدوني ابغا حل ينعم شعري اقلها بس يخليه طبيعي يعني ابغاه ناعم وطري واقدر افتحه زي اي بنت ثانية .. الحمد لله كثيرا حتى يرضى ..

ما اتوقع في احد راح يفهم معاناتي لانه ما في احد جربها ..

بس كلهم مدحولي الحنة فهل الحنة تنعم الشعر ؟؟ و تخليه طري وهل في طريقة ؟؟

ادوني جداولكم ونصايحكم واقل شي دعوة قد يستجيب الله لها فينعم شعري .. . .. . وشكرا