اموت من الحسره لاشفت نظافة وترتيب بيوتكم\ اخذ حقة من النقاش

ياعمري يانزف حبيبتى ترا بعض الحريم الى تعودو في بيوت اهلهم ع الخدم يعانون مثلك

بس انتى توكلي على الله ولاتجلسين تحطمين نفسك بهالكلام

شدى الهمه وقولي ابد من اليون ببدا


فكري ان هالحال ترا بتخسرك زوجك


ابد قولي اليوم ببدا وخوذي شغالت اهلك وروحى بيتك

وابدى ترتيب دقيق لكل شي


ترتيب صح كل شي الدواليب المطبخ الحمامات الغرف الملابس كوي غسيل تعزيل وكل شي

ثم ارجعى انتى وزوجك وطفل

ولاتهملين وتقولين هالصحن اجيه شوي واغسله لا هالشي يراكمهم عليك


اول باول صحن انحاس اغسليه الملابس حددي يومين بالاسبوع غسيل وكوي

ورتبي جدولك

مثلا

السبت ترتيب لدولايب ترتيب عام تعزيل وتطبيق ملابس وتوزيعها (والافضل يكون بعد يوم الغسيل والكوي )

الاحد يوم نظافه يعنى كنس البيت بشكل دقيق ومسح الجدران والشبابيك والطاولات والمكتبه

الاثنين الحمامات بشكل دقيق مطهرات وتمسيح مرايا وتعزيل وكلش

الثلاثاء المطبخ ترتيب دواليب وغسل الفرن وتوزيع كل شي

الاربعاء غرفة النوم _التسريحه السرير

الخميس(روحى لهلك خخخخخخخخخخخ

الجمعه سوي الحلا اربع او خمس صيانى وغلفيه بثلاجه لقهوتكم

(طبعا مو تتركين الكنس لين يجى يوم الاحد لا اكنسي ورتبي بس اقصد التعمق بالتنضيف


واهم شي رتبي وقتك ولاتراكمين يعنى اترك هالشي شوي اجيه ترا هو الى يحوس عليك


والطبخ مالك عذر ونختك عندك قسم الطبخ هنا اي شي يعجبك طبقيه


واتركى اكل المطاعم ترا يجيب لكم الفقر وقلة الصحه يالغاليه


وعليك بالصبر والاستغفار ربي يسر امرك يارب

حاولي تتمتعين بالشغل واتذكري انه هذي مملكتك انتي اللي متصرفة فيها انتي لوحدك بس يعني اذا تركتي الشي على حاله مافي غير انتي اللي بتتعبين لما تتذكرن هذي الاشياء غصب عنك تتحركين وعودي نفسك على الحركة ثم الحركة ثم الحركة ترا والله اللي قال الحركة فيها بركة ما كذب بولا حرف عن تجربة يعني اذا عودتي نفسك تتحركين بالبيت كثير كثير والله ماتحسين بالشغل بالعكس تسوينه وانتي مستمتعة و بتجي اوقات عليك ودورين الشغل من تحت الارض من كثر ماتعودتي على الحركة ولا تنسي الاستغفار اثناء الشغل واحتسا ب الاجر بس انتي حسب كلامك ما عندك خلفية عن التنظيف والطبخ بس نصيحتي لك اول شي تسوينه جرررررررد وبعدين التنظيف وبعدين التنظيم والترتيب وان شاء الله البنات يساعدونك بالجداول بس قبل كل شي الجرد والتنظيف العميق لانه مايجيلنا نفس نرتب وننظم الا والمكان نظييف عشان مايروح تعبنا على الفاضي وبعدين في مواضيع بالقسم حلوووووووووووة مرة لكل شي يخص البيت واشياء ماتخطر على بالك وتابعي الحملات اللي يسووها البنات والله من جد تحمس وتذكري يا اختي انك بصحتك الحمد الله يعني ماينقصك شي عن الحريم والكسل كلنا يمر علينا بس يجي وقت ونقول عيالنا وازواجنا مالهم غيرنا لازم نتعبلهم ونتعب لنفسنا بعد هذي بيوتنا اذا ما اهتمينا فيه نهتم بايش وبالتوفيق

بلا رتوش............ دلع جده........وفن وكفن ما ازيد على كلامهن سوي الي قالو عليه وبتشوفين التغيرات وبتحبين بيتك ونظافته توكلي على الله وأبدي الله يعينك

اهلين عزيزتي

ياقلبي مشكلتك هو عدم استيعابك للمسؤولية اللي انتي فيها وحاسة انها مسؤولية كبيرة

ومثل ماقلتي متعودة على السهر ومو متعودة على النظام ، الحين اتغير الوضع ، الآن انتي

سيدة المنزل هذه مملكتك وانتي المسؤولة عنها :27:، ماشاء الله والحمد لله عندك زوج يقدر لك

لكن الحال هذا ماراح يستمر انتبهي ، و ممكن تكوني حاسة ان الشغل ممل ويطفش بالعكس

خلي شغل بيتك هو متعتك مثل ماقالو الاخوات ، ولاتجلسي تفكري ياربي متى الحق اكنس

او متى الحق اغسل لا بالعكس اتوكلي على الله وابدئي بالتدريج قسمي العمل على الايام

مثلا يوم للكوي ويوم للغسيل ، وحاولي في الوقت اللي ينام فيه ابنك الله يحفظه:04: نامي انتي معاه

واتركي السهر :40:لجل تاخذي قسط من الراحة وتقدري تقومي بواجبات البيت والزوج وتحافظي على صحتك

صحتك وبيتك اهم من كل شي ، وصدقيني كل ماعملتي شي وانجزتي عمل في بيتك راح تنبسطي

وتتحسن نفسيتك ، ومو شرط وانتي تشتغلي تلبسي ثياب مبهدلة لا ممكن تتشيكي و بعدين تبدئي مثلا

ترتيب او كوي وهكذا..،وعشان تتسهل الامور حاولي عند استخدامك للاشياء تستخدميها بترتيب يعني مثلا لمن

تاخذي شي من دولابك او ملابس لابنك خذيها بشويش لجل مايخر ب الترتيب ، مو تاخذيها بقوة وبكذا تخف عليكي الفوضى

كمان مممكن تشتري غسالة صحون حطيها في المطبخ تساعد في غسيل الاواني ، وفي غسالات ملابس اوتوماتك

يعني تغسل وتصفي وتنشف هذي ممكن تساعدك برضو ، اهم شي انتي لاتحبطي نفسك وحاولي تبدئي بالتدريج

وخذي بنصايح امك او احدى اخواتك المقربات لك ولو احتجتي شي ممكن تستشيريها فيه ، وماشاء الله اغلب عضوات

المنتدى هنا مبدعات ماراح يقصروا معاكي ، واذا اتصفحتي المنتدى بتلاقي مواضيع كثير تفيدك ، اهم شي طمنينا عنك

وشلون صارت اموك ، وان شاء الله انها للاحسن ..

اسفة للاطالة

اختك ( المحبة للخير )

على فكرة نسيت اقلك العبارات الايجابية ترفع من المعنويات وتساعدك في تغيير وضعك

يعني مثلا تقولي بينك وبين نفسك الحمد لله انا تحسنت عن اول ، ماشاء الله سرت اعرف

اعمل حاجات كثير في البيت وهكذا وانتبهي تجلسي تذمي في نفسك بالعكس شجعي حالك

دمت بخير