امومه اضطراريه الحقوني يامهات حواء

الله يكتب اجرك ويبلغك فيهم ويرزقك صلاحهم وبرهم

الله يعينك حاسه فيك كثير..
بس صدقيني ربي ماكتب لك هالعدد من الأطفال الا واعطاك القدره على تربيتهم..
وطبيعي فتره من الفترات تحسي بالشتات والتقصير هذا من حرصك جزاك الله خير وبلغك فيهم ماتتمنين..


نجي للتربيه، حاولت وجربت كل الطرق التربويه وغيره، واستشرت وطلعت ونزلت..
وعيالي عسرين سبحان الله من صغرهم باللفه وهم عسرين..


بعدين أيقنت انك لاتهدي من أحببت ولكن الله يهدي من يشاء..
صرت مكثفه الدعاء لهم ليل نهار، في عز قهري منهم وتعبي معاهم ادعي.
مازالت في نقاط متعبتني معاهم لكن ولله الحمد صار عندي توكل على الله ويقين انه ماراح يخيبني أبداً فخف تعبي وقلقي..


صرت مسلمه أمري لله معاهم،


وماابالغ لو اقولك انهم صارو سبب لقربي من الله، وصرت احمد الله واحتسب الأجر معاهم..


انت في جهاد معاهم،. حاولي يكون لك في كل سجده دعوه لهم..
واحتسبي الأجر في تعبك وتوجيهك وتوكلي على رب العالمين وبإذن الله ماتخيبين..


واخر شي خلي لك وقت لنفسك تستعيد فيه طاقتك كام وتسعدي نفسك فيه..
هالوقت ضروري علشان ماتصيرين عصبيه عليهم وتحسي انك مضيعه عمرك ويبدأ يجيك إحباط من كل شي..


وانت ابخص باللي يريحك، اذا كانت الخرجات لصديقات تريحك او ساعه قبل النوم تقرأين شي او تسوين جدول اهتمام بنفسك..


لازم توفرين لك وقت وحدك بدون زوجك و اطفالك تمارسين فيه شي يسعدك..


واخر شي تذكري انهم نعمه ولو صارلهم شي لاسمح الله مابترجع حياتك مثل ماكانت، وكلها فتره ويكبرون ويجونك ضيوف يونسونك باطفالهم..
حاولي تعيشين معاهم بحب ومرح، وادري هالنقطه صعبه بس غيري تفكيرك انها مسؤوليه لذيذه وجميله ونعمه الكثير يتمنى يكون مكانك..


اسأل الله ان يهدي أولادي واولادك وأولاد المسلمين وان يعيننا على تربيتهم وان يهديهم هدايه تقر اعيننا بها ❤️

وبالنسبه للمشاكل دائما ادعي اللهم ألف بين قلوبهم وأصلح ذات بينهم..


اقرأي سورة البقره في بيتك وخلي لك ورد من القرآن، سبحان الله القرآن يطرح البركه في بيتك وبين اولادك..


خلي على لسانك ذكر الله خصوصا لاحول ولاقوة الا بالله..


الله يهديهم ويفرحنا فيهم جميعاً..

امين الله يشرح صدرك ويريحك مثل ماريحتيني بكلامك... الله يعيننا يارب كنت احسب الزواج وانا صغيره ام واب واطفال لاني كنت اشوف بابا وماما كذا
طلعت الحياه اعمق واكبر واكثر اهتمام من السطحيات

مافات شي كملي دراستك واستمتعي بالحياة ومعاهم
جيبي لك مربيه تساعدك بالصغار وخدامه للتنظيف