.
.
هلا وغلا فيكم جميعااااا
اخيرا بعد طول غيبه جيت وقررت اني انزل لكم وصفه جديده
في الايام الاخيره طحت بالكيكات اليوم جربت وصفه بس ايش طلعت خطيييره
زي ماعودتكم وصفات جديده حصريه مترجمه من مواقع اجنبيه ولكن ماتنزل الا بعد تطبيق مني شخصيا
خواتي الحين الساعه تقريبا بتدخل على 2 بعد منتصف الليل
ريحه البيت عجيبه والنتيجه روعه نصيحه مني لكم لاتمري من هنا الا بعد ماتسجلي الوصفه
بتحتاجيها في يوما مااااا
اليوم جربت طريقه التوست بالقرفه
اشرح بشكل بسيط النتيجه النهائيه والطعم
طبعا من غير مااشرح ريحه السينابون كيف بتكون
هي وصفه توست لكن ماراح يكون مثل طعم التوست عادي
يمكن تقولين سينابون ممكن لكن مو حالي في منه
يمكن تقولين كيكه اقولك يمكن بس مو هشه بالمره
يمكن تقولين مثل البان كيك اقولك يمكن بس مو طريه بالمره
يعني شي يحير ومميز بصراحه
طولنا بالفلسفه لكن وش نسوي لازم نحمسكم شوي :33:
انا سويتها بصحون القصدير زي ماانتم شايفين وطلعت صحنين
اعطيكم المقادير :
كوب حليب دافي
5 ملاعق كبار زبده ذايبه
بيضتان
ثلث كوب سكر
رشه ملح
3 ونص كوب طحين
ملعقه كبيره خميره
اول حاجه جيبي كوب الحليب الدافي وحطي عليه ملعقه الخميره حركيها واتركيها ربع ساعه او عشر دقايق لين ماتتكثف
المقادير الجافه حطيها مع بعض
بعدها ضيفي الزبده والبيض والحليب
اعجني وشوي شوي لان العجينه بتنتفخ مع الخميره اللي تخمرت
غطيها واتركيها 10 دقايق
جيبي العجينه قدامك ورشي الطاوله بالطحين اقسميها بشكل متساوي ان كنتي بتسوينها بصينيتين
افردي العجينه شوي وادهنيها دهنه بسيطه زبده
رشي عليها سكر بني مخلوط بدارسين نفس طريقه السينابون
انا استخدمت سكر ابيض مطحون
لفيها بشكل اسطوانه
وسكريها زين والجهه الاخيره من اللفه حطيها تحت يعني انقلي العجينه للصينيه وخلي سطحها متساوي
اتركيها بالصينيه تتخمر وتفرد انا تركتها ربع ساعه
دخليها الفرن لين ماتستوي وتتحمر
اخر شي
غطيها واتركيها تبرد وتطرى
قطعيها مثل التوست طبعا هي ماراح تكون حاليه
حطي معاها شيره البان كيك والصوره بتوضح للي تبي تعرف شكلو
سويها الصبح فطور شي راقي وعجيب مع كوب نسكافيه او عصير طازج وادعيلي
وبس هاااذي هي جربوها وان شاء الله تعجبكم
>
>