كيفكم ؟! عسآكم بخير ياوجه الخير ؟
اليوم جتني انا و وخيتي تونآ شطحه السوق والمقاضي
وقمنآ نتذكر ايام زمان معاناة أي بزر في الذهاب مع مويمته السوق > آبد انواع الذل والاهانات
عآد وشش خلآاني اتذكر ونفتح ذا السالفه
من يوم جت خالتي نوير حفظها الله وصقع راسها في بلكه > اللي مايعرف البلكه يطلع برا
و أنا اقزهآ منذو بعيد وهي تعدل بذا البرق عند المرايه الطويله اللي فيها زخارف غاليه بالحيل > آبد مآودها تعلم
الموهيم ولا أجي مسرعه بكل قواي العلقليه والبدنيه وازحلط بشرابي لويس فيتون الزين
جيتهآ قللت على وين
قآلت رآيحه ع آلسوق
قلت آستني بروح معتس
قآلت لآآنآرآيحه وآلله بس بآخذ غرض و آطلع > بدآيه نصب
قلت معليه معليه آبي آروح حتى لو آبقعد بآلسيآره > نشبه
قآلت لاااا أنثبري بيودينيآأسامه هوعآد أسامه م ودآني إلا ب الترجي و قصصم
قلت طيب طيب خلآص روحي >آدري فيه آسآمه لآآخذنآ من ورى خشمه يسوق ويطفي آلمكيف ويشغل آذآعه آلريآض مع مذيعها ذك آللي كنه يتكلم وهو رآققد > نذذل
و اروح انا واوزي راسي وراى المخده وافحط وابتسي وابتسي وابتسي > لا امزح امزح لا تصدقون
رحت المطبخ وقمت آكل من عشآء آمسس
قمت آنآظر آلسآعه آلآآلسآعه 8 آفآ رآيحه 3 آلعصر و وللحين مآجـت
جاء في بالي ع طول انهم صار لهم حادث وارتسمت على شفتاي الضحكه التي منذو مبطي ماسيرت على فيسي
قلت وناسه اسامه ونوير اححلى ششي
يوم جت , لآآلعمه شآفطه آلمقآضي آللي بالسوق مشفوحآ ضعوف آلحريم يجون يبون يقضون للورآعيهم مآيلقون شئ من آلحريم آللي زي نوير آلمتوحشآت
أنا , مَ شاء الله هذي أغراضسس ؟
نوير /لآبآلله تعآلي آكفخيني > بغت تآكلني آلمتوحشه
عآد متعوده دايمن الحريم لا جو من آلسوق تدخل وتبطح لتس آلمقآضي بنص آلصآله حتى الشغالات يقزنها
وورآعينها ورآهآ شآيلين نص آلمقآضي وبآليد آلثآنيه آلحلآو آلمطاط بو كيسه شفآفه >يآزينه
وتقوم آمهم تنآفخ : آسدحههم هينآعشآن خلآتكم يشوفونهآ
ويجيك اللورع يتصآفق كمآ آلركبه
ويحط آلآغرآض ويسألها بكل دفاشه وآلسعآبيل تتطآير من فمه : يومه وين ملآبس أبي أقيسها >مستآنس بهآ آلضعيف
وآلآم بعد مآشآلت آلنقآب وشعرهآلآصق بجبهتها وشآلت آلعبآيه وقميص آلروز الأصفر بأخضر بأحمر ب بنفسجي وفيه شق صغير منآك > يقال للإغراء مثلاً
: أركد جعلك آلرآكود آنثبر أطلعها وناد عبادي آلدلخ عشان أقيس عليه أخلص علي
عآد آللي حوليهآ مقرطين في بعض من الخوف
ويروح آلورع وينادي بأرجاء البيت على الضعيف ( ضحية الملابس للتقليدية والرخيصه )
اللي رآح يكون ضحيه لذوق الام آلخنفشاري يجيك البس احمر بابيض وجكيت وجزمه طقم وشراب مختلف تقول مشي حالك كل ذا عشان ماتشري تقول محد بيشوفه
وتقوم الام وتبطح الاشياء اللي شرتها بكل فخر :/ ذي الجلابيه من السلمياني اللي جمب محل الروان مخرج 4 يهههبل عنده جلابيات تاخذ العقل وبعدين يقطع حديثها وهي تقول للشغاله : جيبي القهوة راسي بينفجر وجيبي معها حلا >ماشاء الله هذا اللي راسها بينفجر
وتكمل الام الهذره عن الملابس اللي تهبل ولا تكش مع الغسيل >اهم شئ
ورخصها المذهل > بعد المكاسر طبعن
وجي الولد : يومه عبادي جاء يالله وين ملابسي
الام بغضب : انثبر هينا
وهي تتفتح الاكياس وتقول : لا مب ذا ذي حوايج
لا ذي قمصان الشغاله الكروهات
لا ذا لبان الحريم
ايه ذا امش
وتطلع البدله اللي مقرطه في بعض خايفه تتلامس جسم الورع المقزز
تقول : انت 8 امسك واخوك رقم 10 هاك قيس بسرعه ولاتفك القرطاس والله انادي العبده لا فكيته >> يقال لها تهدد
الورع الضعيف المعصقل راح يوزي ورى اي باب ولا اي ستاره >خايف احد يشوف الجسم مفارقه مير
و لبس وقام يرفع في ذا البنطولون لين راح لرقبته وآلفنيله آللي غدت منشفه ترويش من كثر مآهي ضآيعه على جسمه
ويطلع لامه يقول يومه كبير البنطلون وآلبلوزه تلعب علي
الام وهي تسحب خصر ولدها باقوى ماعندها : هات اشوف
ووتقوم ترفع بلوزه الورع وهو ينزلها مستحي وهي تنافخ : آنثبرعاد من زين البطن عاد اللي غادي بالظهر اقول فك بس > تحطيم
وتقوم تضيق تضيق تضيق لين الورع بينشدق
وترفع البنطلون من ورى > >كل ذا عشان ماترجعه
وتقول: خلاص كذا زينته ها رح افصخه يالله ولا يتوصخ والله لاجاه شئ لا اوريك الشغل > تكفين يآلبس اللي بآلف
وآلورع وهو بيغمى على وبنصرع من كثر الشد : يوما آلبلوزه كبيرة وش آسوي
آمه تنآفخ :/ آقول أردكد عني آصصلن آلحين آلعيآل كلهم يلبسون بلايز واسعه يآلمهبول هذي آلموضه >ايه افلقيني اذآ ماكآنت صدفه
ويروح الورع وهو يالله يمشي من المشد اللي على بطنه والبلوزه اللي من وسعهآ طايحه البلوزا لين آصآبعه
ويمشي وكله اعاقات الضعيف المسكين
ويفصخه وهو يتنافض المسكين خايف يجيه شئ ويطبقة بشويش تطبيقة آلسمبوسه وآلبزران متجمعين حوله
وكل واحد فاتح براطمه شبر تحت شبر فوق في قلوبهم ( ماشاء الله يا حظة لبسه جديد ) ويقوم واحد منهم ملقوف
يقول عبود هذي ملابسك ويرد بزر ثاني بكل وقاحه : وش رايك اجل يطبق ويقايس من اليوم ملابس شغالتهم مثلن
وعبود راسه منتفخ ماعد صار يشوف احد > من قده يتهآوشون على هدومه
ويرجعه لامه المتسلطه ويروح للحوش ويكم لعب بالتراب وهو يذبه على شعور البنيت الرقيقات
والبزران للحين يلحقونه > على اساس انه ولد الامير يوم شارين له لبس
وهو يتأفف مع خشته الممغطه : افف وراي وراي ياربي
و الام وهي بالصاله تبلع بذا الحلا وذا القهوه وراسه رافعته بالهواء وكلها فخر بذا الخلاقين اللي شاريتها
وتقوم تسدح الجلابيه الصفراء اللي فيها نقش اخضر مع خطوط زرقاء فيها لمعه بنفسجه مع كعب احمر وشنطه بني وربطه برتقاليه > لحد يسألني وش ذى آلألوآن
وتقوم آلآم تصصرف المراهقين اللي بالصاله وآلوراعين وآلشغآلات والرجال اكييد
وتقوم بكل وقاحححه وتنزع قميص الروز وتلبسس الجلابيه > يقآل لها تمون على خواتها
وآختهآ تقول : آلله يرجتس مآعندنآ غرف
وترد عليه بكل وقاحه ايضا : بالله عليس عندس غير اللي عندي !!!
( والله لو بنقعد نقول كذا كان ما لبسنا شئ قدام بعض ! )
وتقوم توقف وآلجلآبيه آلمفروض توصل لرجلها بس للآسف نشبت فوق ووصلت لركبتها
وتقوم الام تلعن وتهاوش في الجلابيه : الله يقلعه صاحب المحل قايل بتدخل فيتس الله يقلعه ليتني ماصدقت ليتني اخذت اكس لارج بدال السمول اللي اخذته > مآشآء آلله شكلها طموحه يوم انها ماخذتن سمول
وتقوم تنزله وهي بكامل غضبها على الجلابيه الزينه وتتحلف براعي المحل
( طيب يوم انتس ماخذه سمول وماودتس ترجعينه فيه بنات غيرتس يمكن يدخل فيهم يعني رجعيه آزين من يقعد فيذآ ) آلله يصلحتسس + يشفييتسس
ذي خولاصه كل ذآ آلقصه وآللويه
آلحريم آللي يشترون حاجات وهمم مايحتاجونهآ يعني يضيعون فلوسهم لاهم اللي استدفادوا ولا غيرهم اللي استفادوا > ماعادا راعي المحل اللي يشرون منه
وبعد آلبزرآرين وحنى بعد يومنآ كنآ صغآر كنآ نقدس شئ آسمه سوق على آننا نروح بس ندربي بروسنآ نتعين في علوم الحريم وليته عاد من زين الاسواق ولملاهي اللي كنا نروح لها
والله ياني كنت احببب السوق وقصصصم بالله اني كنت اعشق السوق بشككل على اني دايم لازم مآسي ب الأسواق
( آضيع ) > من منكم ماقد ضاع عاد ذي سنه الحياة
لأني من زود اللقافه اتلفت امشي وانظر في ذيك البنت كيف تمشي واقعد اناظر في السقف طاير فيه بلونه واتمنى اني اصير طويله واطلع اخذها و اقعد اوزي بين الملابس واضحك > حاله نفسيه !!
وآقعد آنآظر في بزر شايلته آمه وانآظر فيه واقعد ألعبه > يقأل لهآ آنتي كبيره
ولا أروح قدآم آي مراييه واتغطي وامشي ورى امي واسوي نفسي كبيره مادري الآ انا صآكه في عمود ولا في يماني
وآقوم اقيس ملابس آلحريم ويكون فوق رآسي !!!!! > ميه من ذول
لاشفت ملابس فاصخة وتسذا قمصان الحريم وذا يجي فوق راسي ( من يلبس تسذا يآويلي ويلأه > على نيآتي ) >> آختكم في آلله حدهآ سبيس ستون
وآلله ياني كنت دللللخه , وآلله يآني آتذكر موقف في آلسوق
مره رحنا انا وأختي تونا وخالي يوسف وامي زمان اتوقع كنت رابع ابتدائي وكان يوسف اتوقع سآدس وتونآ آولى
رحنا مع أمي الموهيم يوم وصصلنا و أمي مسرعععععه تبي تلحق على تلمحل قبل لت يقفل وآنت وتونآ ويوسف نمشي بشويش من كثر ما نتلفت
قآمت أمي تبي تقرصنا ماقدرت قدام الناس قامت قالت أنثبروا في محل الألعاب ذا وانا بروح وأرجع بسرعه
لاا تتحركون ياويلكم
قمنا ضعوف ندربي بروسنا و دخلنا المحل وقمنا نتفرج في الألعاب ويوسف غافص تونا اختي يشرح لها الاعاب القتاليه وانه يعرف يلعبها وانه وانه
و انا قعدت اناظر بالعبة باربي اللي ينفك راسهآ وذا > كانت ع أيامي آقوى أنواع الألعاب
ولآ بنت تنآظر فيني وانآ مآسكتها جت اخذتها مني وراحت قمت اتلفت لها جرحت كبريائي كيف تاخذها وهي كانت في يدي !! > اللي يشوفني يقول كانك بتشرينها
واللى البنت عطت اللعبه اخوها وقام بيشري لها انا اناظر فيها ودميعاتي بتدحدر على خديداتي
ياحظها بتشريها وناظرت فيني وقمت سويت لها كش وقامت هي سوت لي كش ولفت وقامت تتدلع قدام اخوها
انا رحت وقمت انادي يوسف اللي لايزال يعطي دروس لاختي الضعيفة اللي بس تومي برآسها ع اسآس انها فاهمه لانها داريه لو مافهمت وش بيجيها انواع الكفوف منه
واجيه واعلمه ويجي معي الدوب ونروح لها قام يقول لها يوسف : لييش تكشين على اختي
قامت البنت ارتاعت > مآتنلآم دوب و وآسود : ماكشيت هي اللي قامت تشمق فيني وتكش
يوسف نآظر فيني وقام يصفق فيني انا انجرح كبريائي للمره الثانيه قمنا نتضارب وقآم آليمآني للحين اذكر شكله هزئنآ وطلعنآ برى
صرآ كل مآدخلنآ محل طردونآ > ع آسآس شحآذين
بس يمكن ذآ آليوم آخسس يوم مر علي
بس آسواق زمآن كآن لها طعم بشكل
مو الحين وربي البزران اللي مابينهم وبين الارض شبر معم بلاك بيري وكدش وحركات
والحين كل بزر عايش حياة رفاهيه ماقد صآرررت
مآيشريُ آلآ من مآركات ومو اي ماركات بعد ومايروح السوق الا بالبس حفله > عليه عنا مانروح السوق الا بشوشنا نافره قدام والبيجاماه كلها شخاميط ومقطعه حالتها حاله وفيه يقايا مكرونه
حتى نروح والوجيه معفصه من النوم مانروح السوق الا 8 ولا 9 > نلحق على المقاضي
الله يرحم ايام زمان
اما الحين اي بزر احد يشوفه بيجامه على طول يصور بلوتوث >> على اساس انه انسان غريب يمشي بينهم
هذى هو موضوعي آتمنى يكون خفيف على قلبوكم
وكل آلسآلفففه ذكريات زمان
صدق كانت ذكريات اليمه
بس مستحيل الحين ماتضحك اذا ذكرتها
ويلا كل وحده تقول لنا وش تتذكر من زمان وافتقدته بهالزمان
لكم ودي:27:
@أم سلومي@ @am_slomy_4
محررة
يلزم عليك تسجيل الدخول أولًا لكتابة تعليق.
@أم سلومي@
•
استغفرالله
ههههههههههههه بصراحه اللي ضحكني... شعرها لاصق بجبتها مادري ليه كذا مع اني والله امشط شعري عشان هالحركه ماتصير ففيني ارجع تقاااال متضااااربه بالسوق..هههههههههههههههههههههه
ايه دنيا قلبتي المواجع ... اتذكر واتذكر واتذكر وشلون انسى اه بس اه اتذكر لمتنا على الفطور والغدا والعشاء...اتذكر مسايير الصبح والظهريات ..مو اللحين اللي يسير قبل العشاء متخلف .... مدري كيف انقلبت الموازين
الصفحة الأخيرة