امي💔💔💔

السلام عليكم ورحمه الله وبركاته
يارب اشفي امي ... كل شي الا انك تشوفين امك سجينه وماتقدرين تسوين شي ..
الموضوع ان امي اخذت اليود المشع عشان نشاط الغده الدرقيه وخرجوها من المستشفي ماخلوها عندهم تحت المراقبه لين يخف الاشعاع ومن امس محبوسه بغرفه لاتشوف احد وهيا مريضه سكر وضغط وماحد عندها ومانقدر نوصلها وعندهااختى كبيرره مو متزوجه تسوي لها فطور وغداء وعشاء وشاهي وقهوه بس تحطها عند البابوتروح وتفتح امي بعد ماتروح بشوي وتاخذ الاغراض وتكلمها من بعيد كل شوي تطمن انها مو تعبانه 😦 ونادتها مرا ماردت عليها واتصلت علينا وتقول امي ماترد ماادري ايش فيها كيف اعرف قلت لها يمكن نايمه او في الحمام تقول تعبت وانا انادي ماترد توترنا وصرت ماادري ايش اسوي وجلست تنادي لين ردت بعد فتره وتقول نمت الحمدلله انا خفت انها داخت او انخفض السكر ياربي لك الحمد .. وانا عندي ولد صغير ممنوع يقرب منها ومااقدر اروح لهم خطر عليه 😓
بسأل مين تعرف متى ينتهي الاشعاع او يخف من الجسم عشان نقدر نروح لها ونكلمها
ياقلبي عليها محبوسه بين اربع جدران وماتشوف احد الحمدلله على كل حال والله محزنتني وماني عارفه كيف اسوي حتى تفكيري كله عندها تاركه بيتي وزوجي وعيالي ماني يمهم والنفسيه لكم عليها قافله اليوم كلمتها على الجوال بس عشانها ماتقربه منها بعيد الصوت ودي اسولف معها واطول عشان ماتطفش وتتعب نفسيتها وهيا مشغله القران الحمدلله وتقرى بعد بس مشغول بالي عليها تقول معاي دوخه يمكن من كثر السدحه وغثيان كيف اسوي وخفف عنها 😢😢يارب تخليها لنا وتشفيها شفاء تاااااام يارب وتصبرها😢😢💔💔💔