امي

الله يشفيها ويعاافيه يفيدونك الاخوات باذن الله بس حبيت ارفع موضوعك💚🌸

يا روح قلبي والله احس بشعورك الام بس تمرض نفسية البيت تتعب ربي يرزقكم برها ويسخركم لها ويشفيها يارب

خالة امي جاها خرف ووذكرياتها وايامها اللي بالماضي ابدا م نستها بس تنسى بأشياء بسيطة بحياتها اليومية زي الاسماء وبعض الاحداث وتخربط بين احفادها بس هم اتعاملو معاها بصبر كبيييير ويجاوبو على تساؤلاتها بهدوء وما يحاولو يخلوها تتوتر
وكان لها نظام وساعات محددة في النوم والاكل

اهم شيء الاكل الصحي و ماتسهر واذا عندكم حوش خلي الفطور دائما برا عشان تتجدد نفسيتها والله يعينكم على الناس اللي تتدخل بأشياء ماتخصها و ياليت هذا الموضوع ما يعرفه عنها الا المقرب فقط عشان ماتكون تحت ضغط المجتمع وتخاف تطلع او تسولف

بعد عمري الله يشافيها ويحفظها لكم وكل امهاتنا يارب ، وبارك الله فيكن انتي واختك على تبارون امكم . بالنسبة للخرف والله اعرف وحدة مسنة ٧١ سنة بس كذا مرة وحدة مسكينة خرفت درجة قوية حتى انا استغربت لأنها قبل كانت طبيعية ربي يحفظ غوالينا

عليكم بالرقيه الشريعه. وسوره البقره. الله يطفي ضرها

الله يشفي أمك ويعافيها يارب.

الزهايمر مرض مؤلم جدًا ويحسس الإنسان بمدى عجزه عن فعل أي شي.

فجأه تشوفين أحب الناس لك ينسى كل شي بالتدريج حتى ينساك انت بنفسك
وينسى الكلام والحروف وتركيب الجمل .


جدتي الله يرحمها كانت عندنا وأصيبت فيه.
وكانت أمي تهتم فيها وترعاها .
يبيله بال طويل وصبر عظيم وضبط أعصاب.
لأن شوي شوي يبدأ المريض يزعل يخاصم يعصب
لو تكلمنا مع بعض زعلت علينا على بالها نتكلم عنها.
ولو تكلمنا بصوت عالي تنفجع على بالها إنا نتهاوش.
لأنها توصل لمرحله ماتفهم حتى الكلام الي تسمعه
زي الأطفال بالضبط وزي ما ذكره الله في القرآن.

وسيلتها الوحيده للتعبير عن الألم بتكون الهواش والزعل لأنها مابتعرف تقول هذا الشي يعورني.طبعا هذا مع تقدم الحاله..




ماعليكم من الناس ولا كلامهم
عليكم منها هي
ومن الي يريحها.

فيه علاج يبطي من تقدم هذا المرض لكن مايوقفه.
عباره عن لزقات دائريه تنحط ع الظهر مره في اليوم.


عليك بالقرع اسلقيه وأعطيها.
وعليك بزيت جوز الهند اخلطي معه زيت زيتون عشان يخف من حدة طعمه وإن تقبلت طعمه ملعقه الصباح. أو حطيه لها على القرص.

المكسرات بالذات عين الجمل جدًا مفيده.

والماء ثم الماء ثم الماء
نقص شرب الماء له سبب في تلف خلايا المخ
وللأسف كلنا نهمل هذا الشي.


ونصيحه إذا جلستها مع الأقارب أو الجيران فيها قلق لكم أو لها فبلاش منها.

بمرحله من مراحل مرض جدتي جانا شعور إن بعض الناس يجون يزرورنها كأنهم يبون يتفرجون!
فمنعت أمي أي أحد من زيارتها لأنها أصلا معد تعرف أحد ولاتفهم أحد.
وكنا حنا فقط حولها ومعها على طول.

الله يشفيها ويكتب أجرك ويسهلها عليها يارب.