:26:بسم الله الرحمن الرحيم:26:
الى اخواتي الحبيبات ساتكلم عن عينه في مجتمعي
ام وهي ارمله عندها بنات واولاد وماشاء الله زوجت البنات والاولاد
مع انهم كلهم صغار بالسن
والاولاد ماشاء الله متفوقين وعلى طول تخرجو بسرعه وتوضفو وضايف كبيره مره ورواتبها عاليه
ومن معرفتي بهاذي العائله لاحظت الرقي بالمعامله بينهم وبين بعض
الام تنادي بنتها تعالي ياقلبي يا عمري والبنت ترد من عيوني يا امي
تصدقون لما تعطش الام وتقول ابي مويه بناتها يتسابقون عشان يجيبو المويه
واذ جابت بنتها المويه تبوسها وتجلس الام تشكر وتمدح بنتها
اذ دقو عيالها هلا ياحبيبي ياعمري الله يوفقك الله يفتحها بوجهك الله ينور دربك وهكذا
ودائما البنات وامهم يضمون بعض حتى قدام الناس
الام حتى تعاملها مع الناس دائماا ماتسمعي اللى الكلام اللي يقوطر عسل
فكرت في نفسي وفي غيري
كيف نبي عيالنا يتلفضون بكلام حلو واحنا نعصب عليهم وهاتك يا الفاظ اقلها
ياحيوانه ويا ويا ويا
ووجع ومدري ايش
هههههههههههه وبعدين اذ تلفظو عيالنا على بعض نقول عيب
ههههههههه تصدقون مره عصبت على بناتي وقلت كلمه من السابق؟؟
وردت بنتي قالت ماما انتي تقولين لاتقولون كلام وسخ وانتي تقولينه!!
والله تلعثمت وغيرت الموضوع
يعني بالمختصر لازم نسقيهم عذب الكلام عشان يزهرون باحلا الالوان
وتفوح ريحتهم باحلا العطووور
وتحياااتي
الشاطره حواء @alshatrh_hoaaa
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
فعلا لازم نغير من اسلوبنا معهم
حتي مايحاولون يدورون الكلام الحلو عند غيرنا
انا مشكلتي بنتي الكبيرة 10سنوات انفر منها
مااحبها تلمسني مع انها تموت بالضم والحركات هذي احيانااضغط علي نفسي واضمها
يؤؤؤؤؤؤؤؤؤؤؤؤؤؤؤؤؤة ماتخييلين فرحتها
مادري وش السبب