انا بصراحه فخورة بامي الله يحفضها ويلبسها ثوب الصحه ويطول بعمرها واتمنى كل وحدة عندها ام مكافحه وقلبه مليان حنان تسجله في هالموضوع عشان تكون قدوة لنا
امي تحملت اشياء كثيرة من يوم تزوجت ابوي تقول ما عاملني ابوكي مثل اي رجال تزوج ثانيه كان يراعي الزوجه الاولى بكل شي اشتغلت خادمه لهم بلبيت وبالمزرعه على فكرة ابوي تزوج امي بعد ماهملته زوجته الاولى كانت ماتخليه ينام عندها ولا تغسل ملابسه كان اذا تيبست من الوسخ رماها وشرى جديد
والله ومع كذا كان يحبه ولايبي يزعلها مع انها مقصره
وبعد ماتزوج امي بدى يلبس النظيف واذا رجع لقى القهوة وغيره وتقول بعد ماشافتني انضفه بدت تسوي مثلي واكثر
(الغيرة وماتسوى)
وبعد ماجابتناوعددنا5بنات وولد واحد
كان بالمناسبات مايعطي امي الا 500ريال له ولناكانت الحياه شقى بشقى الظيوف عنده وكل
شي هي مسؤله عنه
والله اشياء كثيرة تحملتهابس مابي اطول عليكن
مرت السنين وقال ابتزوج وحده ثانيه احلى منك قالت بكيفك وجرعة الحرة بقلبه وسكتت ويوم جابه زينت عشاهم وعشتهم ونومت ام العروس عندها ومن بكرى فطرتهم وبدت رحلت العذاب الثانيه
زوجة ابوي الثانيه ظالمه وماتخاف الله ورت امي الويل كانت كل يوم تشيش ابوي علينا كان يجي يهاوش ويرجع له وموقف ما نسيته للحين من ابوي الله يسامحه ويشفيه مره كذبت على امي وراحت امي تواجهها قام ابوي سكت امي وقعديسحبها لين دخلهاعلينا وقعدناطول اليل نبكي من القهر
ومع كذا والله كانت امي تستقبلها وتسلم عليها وان ومي هواش كل ماقوله خلي لك شخصيه وقفيها عند حده ترد علي برد واحد؟ الله يعطيني على قد نيتي وينصرني
والله لو اكتب عن الي شافته كان تخلص كل الصفحات
كذب ,ونفاق , وتفريق,
اذكر مرة كانت هي حامل ومي تعبانه هي راحت
على السيارة والله مرو من جنب امي ولاركبها عشان مايزعلهاوكملت امي على رجوله
وبعد ماجابت زوجت ابوي بنته البكر كانت امي هي الي توديها للمستشفى تطعمها والله مابالغ امي مشاالله عليهاقلبه
مافيه حقد كلن يهوشها بس ماعليها منا كل كلمها ابي الاجر من الله
وجابت زوجت ابوي منه اربعه ولدين وبنتين
وكبر ابوي وانقلب السحر على الساحر
وصارت كل يوم هي وياه مناقر ومشاكل اذابغت شبي زانت له وا ا خلصت قلبت عليه وكانت دايم تطردة
واذا جبنا شي للبيت امي قالت ابي مثله وبالاخير صار ابوي ومايبينا نشري شي او نجيب شي عشان ماتزعل زوجته
وبنفس الفترة زوجت ابوي الكبيره جت وعاشت عندنا بعد ماتزوجو عياله وطبعا تعرفون الحريم مايبن امهات العيال جلست عندنا لين توفت رحمه الله عليها ماتت وهي تدعي لامي وتحللت منها وكنا مانديها الا امي ....
مرت السنين كبرنا وتزوجت انا واختي توظفت وعوضت امي كل شي وصارت هي الي تصرف عليه وعلى خواتي
ومن سنتين عاشت امي معانات اقسى واقسى مرض ابوي الغالي فجاءة بمرض الزهايمر وشفناالويل من هالمرض كان يوسوس ويشك وبيتنا عافه وذالقى الباب مفتوح هرب لشارع يعني فقد عقله وصار يظرب امي وكنا نحرسه هي بنهار وحنابليل سبحان الله هالمرضى عذا بللمريض وللي معه مكان عندنا الا اخو واحد من امي واخواني الصغار
من زوجته الثالثه واخواني الكبارمن الاولى من شوفهم الابالاعياد فقط
بعد مامرض ابوي صارت امي هي المساؤله عن الي بلبيت هي وخوي عمره 25سنه تشتري اغراض البيت تشري فسحت عيال ابوي واغراض المدرسه كانه هي امهم طبعا زوجت ابوي ماتنفع ماتعرف تدبر شي ابوي كان هو الي يدبرله كل شي
وبعد مازاد مرض ابوي طردته من بيته وكذبت على امي قالت مجوعتني وظالمتني وطلبت الطلاق وطلقها طبعا تعرفون الزهايمر اول مايصيب الانسان كان فترة يصحى وفتر ة ينجن
وجت امها واخذتها ودعت على امي وقالت عساك تشقين ثيابك على وحيدك تعني اخوي
جرحت هالكلمه امي كثير بس قالت الله حسيبه
بنته الي هي اختي رفضت تروح مع امه وجلست عندن اهلي
وبعد ست شهور اهل زوجت ابوي ماتحملو عياله رسلتهم عند امي والحين كانهم عياله ينادونه امي مطيرة والي هي
امي وافتخر فيها
تنومهم عنده تغسل ملابسهم وحنانه عليهم مثل امهم واكثر
واختي مع باقي خواتي والصغيرة عند امه بس يقولون تبي ترسلها لنا عشان تدرس السنه الجايه
اما ابوي الغالي صار مثل الطفل فقدذاكرته وامي توكله وتلبس وصارت ام له سبحان الله مانفعه غير امي الله يخليها لنا
واسفه على الاطاله وعلى السلوبي في الطرح
بس حبيت اكتب عن امي انا مستغربه من قلبه مافيه حقد سبحان الله كل من يسىئ له ترد الاسائة بالاحسان استغرب اذا شفته شاقيه بعيال ابوي وامهم مستريحه
اليوم كلمتني امي وتقول مرة ابوك دقت وتسلم وتشكرني وتدعي لي علشان قومتي بعياله تقول
قلتله انا ابي الاجزى والشكر من الله
وسبحان الله عشان قلبه طيب ماكرهتنا بابوي
ومع انه ماكان يعدل بس كان مايظرب
:26::26::26::26:
اتمنى من الي تقرى موضوعي تفرحني بدعوه لامي بطولت العمر والشفى من الربو الي متعبها
:26::26:
الخويلديه @alkhoyldyh
عضوة فعالة
يلزم عليك تسجيل الدخول أولًا لكتابة تعليق.
الله يخليلي امي وابوي ولايحرمني منهم ولامن كل غالي
الله يخليلك امك ويشفي ابوكي اللهم امين
الله يخليلك امك ويشفي ابوكي اللهم امين
الله يبارك فيها ويطول في عمرها ويعوضها خير بصبرها ويرزقها الفردوس الاعلى من الجنة.. والله الله في امكم وأبوكم فرصة لا تعوض في برهم..
الصفحة الأخيرة
ويشفي أبوك يارب
سبحان الله سو خير وقطه بالبحر