امي الكبيرة بالسن, واخوي وزوجته..........ساعدوني

السلام عليكم ورحمة الله وبركاته

اخواتي.. هذي مشكلة صديقتي طلبت مني اكتبها لكم لأنها احتارت في هالمشكلة
وانا أحترت معها , مو عارفة بشنو أشور عليها..

المشكلة.. ان أمها كبيرة بالسن ومريضة بعدة أمراض الله يعافينا ويعافيكم ، واخوها متزوج وزوجته موظفة وعندهم طفل عمره سنه ونص ووبما ان مرت اخوها موظفة فكل يوم يجيبون الطفل عند جدته اللي هي ام الزوج بناء على طلبها
طيب.. ل هنا كل شي اوكي..

المشكلة انهم مصخوها.. اذا عندهم طلعة جابو الولد وخلوه عند جدته وطلعوا
4 او 5 ساعات....
وفي الويكند ( الخميس و الجمعه) يجيبونه ويطلعون ويتركونه لمدة 7 ساعات وطالع ..حتى انها مرة وصلت السالفة ل 11 ساعة من الظهر لنص الليل وياريت في شي مهم الا وين في البحرين؟؟!!!!
طبعا الاخت من يصير عندها عزومة او طلعة او زواج جابت الولد و......
والطفل ماشاء الله عليه حركي بزيادة ، فتخيلوا كيف حرمة كبيرة تجري وراه وتقوم بطلباته وو.........

المهم.. ان صديقتي واخواتها مو متحملة الوضع ومو عارفة شتسوي ولما كلمت امها وابوها بالسالفة بينوا انهم متضايقين من الوضع بس الام ماتقدر تقول لولدها شي.. لانه مايقصر معاهم وقايم بطلبات أمه وابوه ..

فهي محتارة فكرت انها تكلم اخوها بالموضوع.. بس اهي عارفة نوعيته انه ماراح يقبل منها أي نقد له أو لزوجته، وتتوقع ان كلامها معاه مارح يجيب أي نتيجة

وفكرت أنها تكلم مرت أخوها بطريقة لطيفة وتحاول انها تلفت نظرها للسالفة .. وترددت في الموضوع

اتمنى أخواتي انكم تساعدوها بهالمشكلة... وربي يجزاكم الف خير