هلا فيكم
خواتي ...
زوجي كان عنده مؤتمر 3ايام في ديره كلها فساد المهم اقنعته اني اروح معه وبالقوه وافق وكله بسبب خوفي عليه وطبعا وافق بشرط اننا ماناخذ عيالنا قلت طيب بحطهم عند امي والحمد لله وافق ..
وانا عندي ولد وبنت الله يحميهم الكبيره11 سنه والصغير 8 سنوات
المهم انا قلت لأمي الغاليه ,,اني بروح شغل مع زوجي مابي اتركه لحاله وقلت لها بخلي عيالي عندكم
وعيالي ماشاءالله كببار يروشون نفسهم واكلهم بنفسهم وعاقلين وطبعا امي قالت لي اوكي جيبيهم وبنفس الفتره كان اخوي وزوجته مسافرين وحطو ولدهم عند امي هو ومربيته يعني الولد على المربيه اكثر شي بس وقت النوم امي تاخذه عندها
المهم ورحت انا وزوجي وسافرنا وتركنا العيال عند امي ,,اول ماوصلت دقيت اسأل عنها وعن عيالي وعسى ماغلبوها ,كانت تكلمني بدون نففففس تضايقت مره وماكنت ادري ايش السبب المهم اول يوم انبسطنا انا وزوجي والحمدلله على كل حال كان يوم حلووووو وآخر الليل قال زوجي اتصلي على امك ابغى اكلمها , قال بااشكرها انها مسكت العيال وباادعيلها وبطيّب خاطرها ,قلت طيب اتصلت وردت امي وكلمها زوجي وقالها انتي جدتنا الغاليه ومالنا احد غيرك استحملينا واستحملي عيالنا ووووووو المهم كلامه كان مره حلو معاها بس امي الله يهديه انفجرت فيه .. وقالت له انا اصلا لي يومين ماانام وانتو كملتو الناقص وحطيتو عيالكم عندي وولد ولدي هو اللي ماخلاني انام ومره ثانيه لاتحطون عيالكم عندي مع بعض ولاتتاخرون اكثر من يومين وووووو.....
المهم زوجي صار وجهه اسووووود وقالها اسفين على ازعاجك وطيّب خاطرها وسكر السماعه ,,وطبعا عصب فيني وقال كيف تحطين عيالي عند ناس مايبغونهم وكيف وكيف وكيف كان قعدتي مع عيالك وخليتيني اروح لوحدي وبس
انا رديت عليه اني امي يمكن متوتره عشان ولد اخوي عمره8 شهور عندها ومايخليها تنام يمكن عشان كذا وماادري وش اقول
يعني تمنيت انها مسكت نفسها شوي لين ارجع بعدين خير يعني هي كلها يومين والله زوجي عصصصصصصصصب مرره ووقال انا مصدووم من امك مره ماتوقعتها كذا بس انا طبعا ماسكت له يعني بينت له اني انا غلطانه وانه امي خلااص كبرت يعني عمرها يمكن 49 سنه والانسان يتغير واكيد قلة النوم هي اللي خلتها تكلمك بهالطريقه وانها تمون عليك وتشوفك مثل ولدها ومن هالكلام
المهم رجعنا وخذنا عيالنا وشكرت امي ومافتحت معها الموضوع ابد وهذي السالفه صارلها شهر بس زوجي مو قادر ينساها وشايل مره على امي بخاطره خصوصا انه مايقصر ابد ابد مع اهلي وربي امي تسافر لاهلها باابها وانا اترك زوجي واروح لابوي واخواني بطلب من امي 20 يوم واطبخ لهم واغسل ملابسهم وخاصه ابوي اهتم فيه وحتى زوجي يطلب مني هالشي لانه من النوع البار باهله وبهالفتره يتبهذل زوجي مسكين يطق مشوار لين بيت اهلي يتغدى معانا ويرجع بيته ينام وثيابه يغسلها بالمغسله وينام بدون عشى لين تجي امي وعمره ماتذمر ودايم يقولي لاتزعلين امك واهديها الهدايا ولاتنسين ابوك سلمي على راسه واطلبي منه يدعيلنا واذا سافرت مكان دايم يختار اغلى الهدايا لأمي وابوي وعمره وعمره مااغلط في اهلي عشان كذا انقهررر مره قال ليش مو قادرين يستحملون عيالي يومين وليش تقول جيبوهم وهي ماتقدر عليهم وكل شوي يذكر هالسالفه
بنات اسفه طولت عليكم بس دلوني كيف اخليه ينسى وكيف افتح الموضوع مع امي ولا وش رايكم اسكت منها يعني ماعاد اعلق عاللي سوته وقالته لزوجي ولا وش اسوي تكفون ابي مساعده منكم .
*مرجوجه بس رزّه* @mrgogh_bs_rzh
عضوة فعالة
يلزم عليك تسجيل الدخول أولًا لكتابة تعليق.
لا تلومين امك حياتي حرام تعرفين الكبار خلاص مايتحملون الاطفال وبعدين عيالك كبار ليش ماخذتيهم معك وريحتي بالك
انا براي اقعدي مع امك وافهمي منها السالفه وقوليلها انك تركتيها لين الحين عشان تهدا النفوس لان زوجك زعل من اسلوبها معاه
وانه دايما معتبرها زي امه عشان كذا حزت بنفسه وواجهيهم ببعض
والله يهدي النفوس وزي ما قلتي امك كبيره وما تنلام
وانه دايما معتبرها زي امه عشان كذا حزت بنفسه وواجهيهم ببعض
والله يهدي النفوس وزي ما قلتي امك كبيره وما تنلام
الصفحة الأخيرة
وخليها تكلمه وتطيب خاطره وتفهمه الوضع اللي كانت فيه
المشكله في ناس يخربوا على نفسهم الرجال بسم الله ماشاء الله معانا ومع بنتنا لازم نخربه وامك تراها غلطانه المفروض تمسك اعصابها