امي الله يسامحها عقدت حياتي/ قديم

والله ما كتبت موضوعي الا بعد ما حسيت اني خلاص على وشك الانهيار

امي تغيرت علي وصارت ليل نهار تدعي علي مع اني ما عملت شيء يستاهل واحاول ارضيها

ولها جزء كبير من راتبي كل شهر بس لها فترة وهي تمن علي وتقول تعبت عليك وربيتك ما ادري ايش سالفتها تغيرت

علي انا و وحدة من خواتي لدرجة انها تدعي علينا بنار جهنم وكل شوي الله لايوفقكم وحسبي الله عليكم واشتروا لي

بيت وبرفع عليكم قضية في المحكمة انكم ما تصرفون علي ياناس كفاية حياتي الله العالم بها مو ناقصة بعد امي تصير ضدي

انا غير متزوجة والحمد لله جميلة وبشهادة من حولي خلوقه وامي الله يسامحها كان لها دور كبير قطعت صلتنا حتى

باقرب الناس لنا كل ماجاء احد ما عجبها في نفسي حملت عليها بس في النهاية هذا نصيب وما منعني كل الي

سوت من برها مع اني كل يوم اشعر بالحسرة على نفسي غير سؤال من حولي ليه ما تزوجتي للان وين الناس عنك

بس امي ليه صارت ضدي ما ادري اشفيها صرت احسها مو طبيعية فيها شيء غريب ليه كل الحقد تصدقون تدعي

على اختي وتتهمها بسوء اخلاقها مع انها ولا ازكيها ملتزمة وباره بأمي وتحاول ترضيها بكل طريقة اليوم وصلت لحدي


ادعوا لي .