😕


وشدعوه ياخيتي
يعني صرتي بالثلاثين تبي تنقطع عنك الدوره عشان تتغير هرموناتك؟؟؟!!
فاهمه الثلاثين غلط الله يصلحك
مافيه احد اذا صار بالثلاثين يتغير هرموناته
انا بالثلاثين وماتغير فيني شي
اللي تتغير اللي بالخمسين لاقربت دورتها تنقطع
الثلاثين تصير الوحده ناضحه وفاهمه وقويه ولا يغيرها شي تصير اكثر خبره من العشرين




وامك والله العظيم انها جددددداً عاديه وطبيعيه ولا قلتي فيها شي غريب يالغاليه نص امهات اللي بسن امك نفس نظام امك ويمكن امك ارحم من اللي عمتي اخت ابوي
عمتي اختي ابوي مثل امك ولا دعاوي على بناته بارايح والجاي وبناته عاااادي ماكانها تدعي واشتم متعودات وهن ثنتين وحده باواخر العشرينات والثانيه بالثلاثينات ووحده متزوجه وعندها كومت بزران على دعاوي امها لها يومياً تجي لامها من العصر وماتروح الا 11 بالليل ولا تغيب عن امها يوم وتتصل عليها لو جلست يوم بالبيت ليش ماجيتوني اليوم واذا جوها وصجوها بزران بنتها قامت تدعي على عيال بنتها وبنتها وتجي بنتها تادب عيالها تقوم تدعي عليها خليهم تقولها طيب وش تبين اذا خليتهم دعيتي علي وعليهم واذا ضربتهم دعيتي علي وتسكت امها
وعااااادي بنتها هذي امي تقول اللي تقوله ولا عمرها اشتكت من امها
وبرضو ام زوجي نفففس امممك وهي ماعندها الا بنت وخده جالسه معها بالبيت نفس الشي وبس لازم الدعاوي مره انكب شي قامت تدعي عليها واجي اقول خير ياعمره مايجوز تدعين ادعي لها وبنتها عادي عندها تقول متعوده على لسان امي ماعمره صار حلو وتضحك


وانتي مسببه لك امك كم كلمه نفسيه الله يصلحك هذي امك تعتبر الدرجه الخفيفه عند الامهات اللي حولي


والله امي لاعصبت علينا تقولنا كولن تبن 😂😂😂😂 ولا انلطسي وانا ام اذا قمت امزح معها شوي مزح ثقيل تقول نلطسي انطمي فارقي واضحك


هذي امي ناشفتي ابوي وف بس هههههههه لو تجربينه يمكن تجيك مو حاله نفسيه الا تقطعين البيت من عصبيته ورده ومتعودين ولا حكي كله تجديع وحنا دووووس معه بالمزح كلنا كذا معهم وعادي


والله اني اقول لبنات لو يضربني ابوي يمسين ضرب ويصبحني ضرب فدوته انا لو امي تتفل بوجهي بالرايح والجاي ماراح اقدر اكافئها بقعدتي ببطنها 9 شهور ولا اقدر اعوضها عن طلقها فيني بدون ابرة ظهر بدون مستشفيات منول انا وانتي عايشين برفاهيه عندنا ابرة ظهر تخفف عنا الطلق بس امي وامك ماخفف عنهم شي وتحملوا الولاده فينا تجرح كلامها الطبيعي والله انه عسل على القلب لو كل كلمه تقولها اجي وحب راسها بس ماتكفي
انا ام وجربت الولاده والحين حامل وبس مخي بس يفكر بامي وشلون تحملتني انا وهواتي انا ماتحملت حالتي والحين افكر بالولاده ومايمر ببالي الا امي
ومعقوله انجرح من كلام تقوله لي لا يالغاليه عساي انجرح وصب دم من كلامها بس ماشتكي ابد منها واشوفها هي صح
عاد سبها لاهل زوجك كل الكبار كذا الاغلبيه مايعرفون انه هالامور البسيطه تسمى غيبه وحرام
عاد من ينصح الحين اذا اللي اصغر منها يغتابون كيف تنصحين وحده كبيره بالسن
الغيبه لكل الناس مو بس اهل زوجك اكيد كلن تتكلم عنهم بس انتي ماجرحك الا انهم اهل زوجك لذا يالغاليه لاترضين عن الكلام عن حتى الغريب مو بس اللي قريب لقلبك حتى البعيد لاترضين عليهم لذا لاتكرهين امك عشان امور بسيطه
اغلب الامهات تغار من اهل ازواج بناتها فتلقينها تتكلم عليهم وتسبهم هذي غيره فقط

مالنا الا الصبر اغلب الامهات كذ

من جد ليش تقاطعينها 😂


يأختي أحسك تجاملين يعني الحين ما تعرفين أمك انتي اذا دقيتي عليها لا تقولين معليش صحيتك قولي ما شاء الله من متى صاحيه نشيطه اليوم
وإذا أخذت رأي اختك الي اصغر منك الحين انتي متزوجة ولَك قرارت تتخذينها ليش مستكثره على اختك شوي قرارت أمك تطلبها منها تقدرين انتي تأيدين القرار او تزيدين بدون ما تجرحين اختك بأنها ما تفهم لأن احينا الصغير عنده آراء جيده
والزبدة يا اختي لا تصيري حساسه انتي بكره بتصيري وبتفهمي

انتي حساسه بزيادة عادي لاتدققين ورضا الله اهم من كل شئ والله امك حبيبه وضعيفه الله يوفقك

حسبت عندك سالفهاحمدي ربك ماتسبك وتلعنك قدام الناس احمدي ربك ماتستهزء بمشيتك قدام الاجانب والاغراب وتضحك عليك وتصارخ عليك قدامهم الكل صار يتمسخر ويستهين احمدي ربك انها ماراحت تفشي أسرار البيت للقاصي والداني والا تضربك قدام الناس بنعال والا بيدهالا حول ولا قوة الا بالله العلي العظيمالله يصلح الحال يارب العالمين وترزقني برها ويكون بمعلومك انا عندي عيال وكبيرة بالعمر مو صغيرة لكن ما نقول الا لا حول و قوة الا بالله العلي العظيم