امي انتي سبب تعاستي وحزني وذلي فالدنيا ,,

انا اقول في نفسي يمكن لانها جابتني وهي صغيره على كلامها
ونها ماتهنت فشبابها

زين انا ماقلتلها اتزوجي وجيبي عيال ( للعلم زواجها كان عن حب)

ودايما تقول انا لما يشوفوني بروحي يقولولي يابنتي لماا يشوفوك معي يقولولي ياختي .. تقصد العجايز لما يشوفونها

وتقصد اني انا مكبرتنها

مره كنت فالمحل وقالت هذا مو حلوا قلتلها بمزح بالعكس حلوا بس انتي تشوفيه مو حلوا لان جيلكم غير عن جيلنا

والله لا يراويكم مكروه شبت فينيييييييييييي وقامت تسبني قدام راعي المحل والناس ليش قلتلها ان جيلها غير عن جيلنا
وانها صغيره وانا وهي من نفس الجيل وهات ياصريخ باعلى صوت حتى السكيورتي جا يركض على باله
شي صار
وخلتني بقمه الاحراج وبعدها ماتسب وتسكت تتم طول الوقت تسب ويتم لسانها شغال علي وغير الحركات المهينه عالطاير

يحليلي مو شي يديد انا انهت قدام اهل المحلات وحتى البنوك والحدايق والمولات وقدام اصحابي واي مكان هي فيه هههه مو يديد علي

خلاص تعودت
الدمعه تحجرت فعيني ماقامت تنزلت ماقمت اتاثر نفس اول

واذا حد من صديقاتي يزورنا صوتها من بعيد يوصلنا وهي تسب وتلعن فيني وفاللي معي
وصرت مااحب ابدا استقبل حد عندي فالبيت
اصلا ماصار حد يجيني يخافوا منها ويخافوا لا شوي وتجي تتطردهم
وحتى لما اتكلم تلفون تجلس بدون اي مقدمات تسب وتسب عساس تسمع اللي يكلمني
وتحرجني وتخليني اقطع صلتي فالناس غصبا عني


ازيدكم
مره وبدون اي مقدمات قالت لي

ياليتي نزلتك دم ولا حملت فيك

هذي الجمله قالتها من كم سنه ولا قدرت انساها انا شو ذنبي شووووووووو ذنبي

بنات اي قلب اي انسان يتحمل هالكلام يابنات انا اتقطع من داخل

لييش هي جابتني للدنيا عشان تقتلني ببطئ وعشان تسوي كذا فيني

اللي تسويه العمات ماوصولوا له

انا شو ذنبي فهالعذاب كله

ومعلمه اخواني انهم يحاربوني ولا يحترموني وهم ماشالله عليهم حافضين الدرس

ودايما تتشرى لهم الاشياء الزينه والغاليه والماركات وانا ملابس عدله اقابل فيها الناس ماعندي

تصدقوا فصلت لها ولعيالها للعيد وانا لا

والله اني محتاجه نعال وانتوا بكرامه نعالي منقصه ولا رضت تشتريلي

الناس ينتظروا العيد عشان يفرحوا ويلبسوا جديد

وانا انتظره عشان اتحسر واشوف غيري فرحان

انا الفرحه مااعرف احساسها عمري مافرحت ودي احس او اعرف بس الواحد
لما يكون فرحان شو يحس فيه

اتابع التلفزيون واجلس اشوف الناس الفرحانه واتخيل شعورهم واتخيل اني مكانهم
ومحد يعرف هالشي

تخيلوا معي حالتي
في كثير من المرات البيت تخليه يصفر مافيه شي

ولا تسوي اكل وتروح تطلع مع عيالها وياكلوا من برى وانا اتم فترات يوعانه

حد منكم حس بالجوع انااااااااا حسيتبه وبكل مرارته

دايما تعلق علي وعلى شكلي مع اني وبشهاده الناس جميله ( قطعه مثل مايقولوا )

لكن هي تشبهني بالخنزير اكرمكم الله

وبعدني اسال نفسي ليش كل هذا انا شو سويتبها

الناس تمدحني وتحسدها علي
وهي تقولهم هذاااي ماتنفع ببيسه وماتسوي شي

والله حرام عليها انا دايما اساعد فاليت وارتبه واسوي كل اللي اقدر عليه
يوم حد يجي بيتنا تتعمد تهيني وتهزئني قدامهم

الناس لما اكون معهم بروحي قمت الاحترام والتقدير لي ولما توصل انواع التكشير وتتم ساكته فتره

لين تلقالها خطه وتبدا تحبكها علي ويالله ياسب اشتغل وبدون سبب

وحتى الناس شكلهم يتغير وملامهم ويتموا مايحترموني ويسفهوني

قلبي ونفسي وكل شي فيني يموت فالدقيقه الفين مره

تصدقون محد تقدملي مع ان عمري 24 تدرون ليش لانها ماتحب حد ودوم مشاكل مع الناس الناس صارت تتحاشى

حتى السلام عليها اكيد بين نفسهم يقولوا( نحنا مانعق ولدنا مع عمه هالشكل

وبعدين اكيد البنت على امها نبلي ولدنا ليش)

اااااااه وانا اقول اذا تزوجت برتاح من عذابها .. وايد شكلي متفائله

تصدقون اني لما ادخل غرفتي القى الزباله كابتلي ياها بوصت الغرفه

(اكيد بتستغربون) ومره رمتها علي بدون ماانتبه لها كنت توني قايمه من النوم و جالسه اطالع تلفزيون

هذي يابنات الام اللي الجنه تحت اقدامها!!!!!

ودي اعرف كيف شعور الوحده اللي امها تحبها وهي تحب امها

زين فرمضان تصدقون انها ماتخليني اكل ....قويه صح
تدروا كيف تطبخ صنفين او تخلي الشغاله تطبخ صنفين واللي انا مااحبهم
وتحطهم قدامها وقدام اولادها ويكون بعييييد عني

فمره جيت انا قربت الصحن مني
وجيت ابي امد ايدي
اقسم ابالله العظيم وهذي ليله رمضان وانا اكتب هالموضوع وانا فالثلث الاخير

انها سحبت الصحن من تحت ايدي
وحطتها قدامه بطريقه فضيعه وهي متنرفزه وجالسه تنوفخ

قمت مااكل انتظر لما هم يخلصوا وبعدين اكل مثل الشحاتين
واذا بقى شي اكلته

وقبل كم اسبوع لما اذن جيت اخذت شويه تمره وماء
ورحت عشان تاكل هي وعيالها

تصدقوني جلست تدعي علي وتقول هذي ماصايمه هذي تاكل من ورانا وضامه اكل فالغرفه

ااااااااي تاكل من ورانا وتخيلوا الجلسه من فيها شباب واطفال

الناس تدعي ربها بالخير وتسبح وقت الافطار وهي تدعي علي بدون سبب

شفتوا فحياتكم مثل هالقسوه

والناس تتبرع للناس وتسوي افطار صائم عشان تكسب اجر وهي تحرمني من الاكل وانا صايمه
ياناااااااس الناس تطبخ مالذ وطاب وتعقه فالزباله وانا ابات جوعانه
والله حرام عليها هذا شهر الرحمه ليش ماترحمني هي تزيد بعذابها لي

تقولي دايما نهايتك على ايدي وشوفي ان ماقتلك


وتقول للناس الطريقه بعد تقولهم اذا ودكم تقتلون حد ببطي عليكم باللسان والاذى مافي مثله يقتل

هذى نقطه من بحر
وما خفي اعظم

يمكن افكاري مشوشه
وماكتبت هذا كله عشان تحلون مشكلتي لانها مالها حل
بس عشان تعرفوا اشكر انا متعذبه واشكثر ربي منعم عليكم

وعلى فكره ربي مايخلي الظالم فابتلاها في بدنها كاملا ( مااقدر احكي التفاصيل)
بس تدرون زادت في طغيانها

وقامت تدعي على الناس اللي عندهم خير وفلوس بالمرض والعجز والشلل

وانا دايما ادعي لها بالهدايه والصلاح ماقدر ادعي عليها لان الملائكه بتقولي ولكي بالمثل ودايما ادعي بالزوج الصالح عل وعسى

واصبر نفسي واقول ان شالله ربي بيدخلني الجنه
لاني ذقت العذاب فالدنيا

خاطري افرح

ارجوكم لاترودا بردود تجرحني ماناقصه هم

و اتحملوني يمكن ماارد عليكم الا بعد فتره

اختى استغلى هالايام المباركة وصلى القيام مع الدعاء لها بالهداية


وربي يوفقك بابن الحلال اللى يسعدك مدى الحياه

لااله الا انت سبحانك كنت من الظالمين
اختي عسى الله يهدي امج ووصلى القيام مع الدعاء لها بالهداية اسال الله رب العظيم ان يرزقك زوج صالح يرعاج ويسعدك يارب اميــــــــــــــــــــن..
وكثري الصلاة على النبي عليه الصلاة و السلام والاستغفار وووورددي (يا روؤف ياودود يا الكبير)

لاحول ولاقوة الا بالله

ادعي في هالايام الفضيله وان شاء الله يستجيب لدعائك

وحاولي ترضيها باي طريقه

بالتوفيق