ممكن يجيب نتيجة عكسية

لأن بعض الناس ما يقدر يطلع عاطفته من الأساس

أو . إذا غلط ما يعرف يتراجع عن غطلته

اذكر وحدة كانت تدعي على ولدها اذا جاها من الشارع طايح و كله دم

اما ليش ..؟؟ من الحسرة لما تشوفه طايح و الدم طالع منه فتفش قهرها فيه

الموضوع اخيتي محتاج طبيب نفسي لو بالتلفون .. و ما اوصيك اذا اعطاك حبوب تااااااكلينها

لأنها مفيدة اول شي في مسح القلق و التفكير و الوساوس

و كل شي بمرور الوقت بيتغير .. لا تقولين يا رب مشكلتي كبيرة .. لكن قولي :

يا مشكلتي ربي كبير ..

تقبلوا تحياتي

حبيبتي انا مع رجل لهذا الزمن اقلبي الادوار وكوني انتي الام وشوفي وش يصير
كوني حنونه عليها وتفهمي سبب حزنها والمسي الجرح في داخلها واتعاملي معه بما يرضي الله سبحانه وتعالى
وصدقيني لازم تحلين الامور بينكم اما علاقتها مع ابوك معليش مالك دخل فيها .....
وانتي تكتبين عيالها يعني عيالها اخوانك ولا لا ؟؟؟
حاولي تكسبين قلب امك باي شكل من الاشكال والله قادر انه يجعلك مخرج
واطلبي لها الهدايه ولك الزوج الصالح بأذن الله

عورتي قلبي
الله يفرج همج ويحنن قلب أمج عليج

-1-
لازم اتعرفين ان هذا ابتلاء (( وجعلنا بعضكم لبعض فتنة اتصبرون وكان ربك بصيرا )) و (( ولنبلونكم حتى نعلم المجاهدين منكم والصابرين ونبلو أخباركم ))
هذي اهي الدنيا لازم فيها آلام وابتلاءات . قال صلى الله عليه وسلم: "عجبا لأمر المؤمن إن أمره كله خير وليس ذلك لأحد إلا للمؤمن إن أصابته سراء شكر، فكان خيرا له، وإن أصابته ضراء صبر فكان خيرا له"

حبيبتي تعلقي بالله واصبري (( واصبر وماصبرك إلا بالله ))
وياااااااحظج عاد وياسعدج لو صبرتي على البلاء . تدرين شنو أعلى مراتب الصبر؟؟
(( فاصبر صبرا جميلا )) الصبر الجميل
(( فاصفح الصفح الجميل )) و الصفح الجميل
مالج الا تصبرين وتصفحين وتتغاضين عن أذاها لج اذا كان مو لها لله .

تدرين الصابر على البلاء وعلى الأذى شنو حاله ؟؟
(( يا أيها الذين آمنوا استعينوا بالصبر والصلاة إن الله مع الصابرين )) الله معاج يا الصابرة
(( إنما يوفى الصابرون أجرهم بغير حساب )) يااااااحظج وياسعدج . تخيلي من غير حساب !

أدري موسهلة حاسة فيج الله يعينج توجهي لله وادعي وكثري دعاء وكل ما أذتج تذكري أجر الصابرين


-2-
كلنا مطالبين في الدين بالبر مهما آذونا والدينا الا طبعا ان يمنعونج عن الصلاة أو يامرونج بمعصية الخالق فاصبري على أذاها ولاتخلين أذاها لج يدفعج انج تردين عليها بعصبية مثلا أو تردين الأذى بأذى بالعكس كلما آذتج حاولي تردين هلأذى بشي أحسن منه واذا ماقدرتي علأقل سكتي .

-3-
خطبي لروحج مافيها شي خديجة رضي الله عنها خطبت النبي صلى الله عليه وسلم لنفسها لما شافت منه الأمانة والخلق الحسن . جان تعرفين وحدة من النوع اللي يختلط بالناس وايد رشحي نفسج لها وقوليلها ترشحج للحريم اللي يدورون لاخوانهم أو لعيالهم أتوقع الزواج بيبعدج عنها شوي وهم بيعوضج وبتلاقين فيه الحنان ان شاء الله يكفي انه بتكون لج أسرة جديدة وعيال وزوج يعني حياة جديدة ان شاء الله وزيارتج لأمج بتكون أسبوعية +تلفونات يعني ماراح تحتكين فيها وايد وبيقل أذاها لج وحتى لوحاشج منها أذى بيكون عندج عيالج وزوجج وجاراتج وعلاقاتج الاجتماعية الجديدة بتفرغين فيه الشعور السلبي اللي سببته لج بانشغالج فيهم

-4-
تفاءلوا بالخير تجدوه انتي لاتفاولين على نفسج وتقولين بتأذي عيالي وكيت وكيت وتفكرين ليبعدين وتوسوسين انتي بس اجتهدي وخلي الباجي على ربج و حطي فبالج انها ممكن تتغير وممكن تتوب وادعيلها بالهداية ولاتملين ولاتيئسين من رحمة ربج

-5-
لبين ما الله يوفقج مع ولد الحلال حاولي كثر ماتقدرين تكسبينها دزيلها هدايا واذا ماكنتي تقدرين عليج بالكلام الحلو والله انه الكلام وحسن العشرة تلين قلوب صخر بس شدي حيلج حطي في بالج انها صارلها مدة واهي جذي فصعبة بين يوم وليلة تتغير التغيير يبيله وقت .

-6-
هم تروالي في أمهات يغارون من بناتهم لاتستغربين أكو شكثر أمهات جذي خصوصا اذا كانت الأم من النوع الي متعلق بماضيه ماتبي تكبر وتبي تضل على طول شابة وحلوة وتبي المدح دايما لها فتموت حرة من بنتها اذا كانت البنت جميلة وسنعة والناس يتحجون عن جمالها وسنعها . فانتي دايما حاولي تمدحينها مثلا قوليلها التسريحة هذي شحلاتها عليج.. اللون هذا مطلع ملامحج .. رفيجاتي يقولون ما شاء الله أمج جنها اختج مو أم .. عطيها من هلحجي وهللسان الحلو وهم لاتنسين ان امج تعاني من زوجها اللي هاملها وتاركها يعني حاولي كثر ماتقدرين تهدمين الحاجز اللي انبنى بينج وبينها طول هلسنين وحاولي انتي تتقربين منها وتكونين صداقة معاها شوي بشوي لاتتوقعين بتقبلج من أول يوم لا يبيله وقت

-7- مادري انتي ماقلتي اذا انتي متوظفة أو تدرسين أو قاعدة في البيت . اذا قاعدة في البيت قدمي على وظيفة لو بمرتب صغير عشان تلهين شوي برا البيت وتوفرين مصروفج عشان تستقلين بنفسج وتوفرين لنفسج حاجاتج من مأكل وملبس ومستلزمات البنات وغيره

صدقيني اختي ربي ما ابتلاك الا لانه يحبك .. اصبري يا اختي وادعي ربك

انه يهديها وان ربك يرزقك بالزوج الصالح ..

الله يهديها ويفرج همك ويرزقك الرجل الصالح اللي يسعدك ويهنيك ويريح

قلبك يااااا رب .. اللهم آمييييين ..

الله يفرج كربتك
ويهدي امك
ويرزقك بابن حلال يطلعك من هالهم
ويسعد ايامك يارب

ولك مودتي