امي تاج راسي وخواتي كيف اتعامل معهم

اهلين خواتي والله اكتبلكم وانا مره ضايق صدري وابيكم تعطوني الحل
بنات انا اول شي اروح لاهلي دايم كل اسبوع الاربعاء متاخر وانام عندهم ورجع لبيتي الجمعه ادري بتقولون غلطانه بس بيت اهلي بعيد وامي بعد تزعل لو ماانام عندهم انا يابنات والله ماودي انام بس عشان امي والمشكله ومافيها ان امي بس تبيني اجيهم كذا يعني مايسولفون معي ولاشي خواتي على الانترنت وامي ياتطلع لصديقاتها ولا تناديهم عندها طبعا انا مااحب جمعت صديقات امي لانهم زي المراهقات بس والله يضيق صدري اذا رحت لاهلي بس قاعده بلحالي حتى بيت جدتي مانروحله علشان صديقات امي ياتروحلهم يايجونها تخيلو يابنات امي صحيح انبسطت مع صديقاتها وتغيرت نفسيتها وانا مبسوطه لها بس هاذا مايعني ان صديقاتها يكونون حياتها كلها والله يابنات انقطعنا عن الناس وعن جدتي وخالاتي علشان طلعات امي انا صرت امل والله جتني كئابه من الملل اذا جاء الاربعاء الناس يفرحون الا انا اروح لهلي علشان اقعد بلحالي والخميس والجمعه نفس الطريقه والله اني صرت انبسط بيتي اكثر مع ان بيتي ممل وزوجي اكثر وقته طالع بس على الاقل مااقابل ناس يسفهوني والمشكله ان امي تبيني اجي ليش ماادري
تخيلو اتصلت علي اليوم وقالتلي تعالي الاربعاء قلتلها بروح عزيمه عند حمولتي قالت مو لازم تروحين تعالي ودي خواتك للملاهي خواتتي الصغار مع عيالك وانا بروح لعزيمت عمي والخميس بتنادي صديقاتها والله يابنات انقهرت وقلتلها يمه انامو خدامه تنادوني عشان اودي بزارينكم للملاهي انا ماودي اني اقول لامي كذا بس والله مليت وطفشت وقالتلي اجل تعالي وماراح اناديهم بس ماتطلعون الجمعه لاي مكان يعني لاتتمشون ولاشي قلتلها ليش بتنادين صديقاتك قالت ليش يعني بتحكمني بعد بيتي قلتلها انا مااحكم بس انتم بعد لاتحكموني زي ماانتم تبون وناستكم انا بعد ابي وناستي خلاص ابدى اجيكم الجمعه بس والخميس اطلع مع زوجي وانتي براحتك اقعدي مع صديقاتك وبناتك خليهم ينامون على الانترنت
ادري كلامي ملخبط بس ياربي تكونون فهمتوني والله انا ماابي ازعل امي بس شسوي اذا فكرت اني اجيهم محد معبرني امي تبيني علشان اذا فضت تقعد معي ساعه وبعدين خلاص تتركني غير عن كذا ماتسولف معي بس تشغل المسجل وتقعد بلحالها واذا قعدت معي صارت تشكى من ابوي بس تسولف معي سواليف تجيب الهم وانا مااقول ماابيها تفضفض بلعكس عادي بس مو دايم انا ابيها تتونس معي بس انا مو جو امي امي جوها غير عن جوي
تكفون افهموني وقولولي وش اسوي وشلون اتعامل مع اهلي علشان يحترموني ويعبرون وجودي واسفه على الاطاله