السلام عليكم بنات
بكل اختصار بقولكم موضوعي انا عمري عديت ال30 بكثير و جاني كثيرين بس مو زينين لاتهقون اني اتشرط بس هذا حظي و الحمد لله على كل حال
عاد تقدم لي واحد من اقاربنا امه انعرفت بين الناس و فاحت ثومتها ( يعني الناس اعرفو خياسها)
عندها غيره شديده من حريم عيالها و تدخل بحياتهم
اثنين طلقتهم وهالي متقدم لي هبلت زوجته من تدخلاتها لين هجت من البيت و اقعدت تدور بالمحاكم لين طلقها
و هو مره يحبها و متعلق فيها لدرجة مرض يوم اتركته وما طلقها الا بعد ما ياس منها
هو مشكلته نفس اخوه الثاني اضعاف قدام امهم و الثاني اخوه تخيلو طلق زوجته و هي حامل من اول شهور الزواج
لاحظنا انها اذا شافت الولد متعلق بزوجته تنقهر و تخرب عليهم
ولدها الثالث ما اقدرت عليه هي ما قصرت حاولت بس الله خيب رجاها لانه رجال و شخصيته قوية
هم الرابع تذم بزوجته عند الناس
فامي تقول خلاص اخذت درس اي اخذت درس الله يهداك يا يمه لوكانت ماخذه درس ما طلقت الثاني بعد
اقعد معززة مكرمة بدون زواج ولا اطيح بفم الاسد و اتبهذل
الواحده يا تتزوج صح يا ما تتزوج وشرايكم؟؟
امي تقول بالله منو الزين الي جانا كلهم عيوبهم قوية
يعني هذا الي زين اللهم لا شماته؟؟؟؟
امي تقول زوجته تبي و تبي طلعات و سفرات
طيب الباقي الكنات ( حريم عيالها)هم العيب منهم حتى الي ما طلقتها الرابعه ماذيتها بعد
السالفه واضحه بس امي تقول الولد زين اشعليك من امه
و الصراحه الولد اخلاقه تمام مو مشكله عياله هو قال اذا تزوجت راح اخذهم منها
و انا محتاره و خوفي من الام مو من الولد شرايكم؟؟؟؟
انا قلت لامي خل يجي و يسهل الله تعالى
حاله حال الباقين اذا هو مو من نصيبي يرده الله عني نستقبل ليش لا ورانا شيبس بقلبي اقول شنو افكر ما افكر الكتاب باين من عنوانه؟؟؟؟
اخاف اخذه و امه تاذيني؟؟؟
المشكله اخطبت من كثير ناس و ردوها خايفين على بناتهم منها؟؟؟ و انا صابره و املي بالله عظيم شرايكم؟؟؟؟؟
و الانسان يتعلم من اغلاط غيره يعني بعيني شايفه بنات الحمايل تعذبو منها و ارجعو مطلقات لاهاليهم و معاهم نتا
يج الحظ العاثر
يعني لو اوقفت على انها شرية اوكي اتحملها اذا ضامنه ان معاي رجال لكن شرية و ضعيف شخصية وين الامان و الاستقرار ماراح احس اني بحماية رجل
و عمري مو مشكله اكبر مني بكثير و رزقهم الله تعالى باحسن الازواج ليه استعجل
الزواج مو مغامره الزواج قرار يجي بعد دراسة بالعقل مو بالعواطف
اذا اخذته و تعذبت ماراح الوم احد غيري لاني اخترت غلط
و قلبي كاره السالفه و قلب المؤمن دليله ماهو خوف موقف قلبي يقولي بجزم لا لاتغامرين
و انا ايماني بالله عظيم الي جاب لي كل الي اخطبوني يجيب لي احسن الرجال
بس الله يهدي سر امي و يطمنها ان لي رزق حالي حال غيري ولا احد بياخذه مني لانه مكتوب لي
سوري طولتها عليكم بس قلت ابي شوركم و منكم نستفيد:26:
اهمم ششي الاستخخاااره
وربي ييسسر لك الخخير ياااااااااااارب *)