آآآه يابنات وش اتكلم وش اخلي عن امي الله يسامحها بكل وقت تدعي علي بسبب وبدون سبب قدامي ومن وراي تعبت نفسيتي منها مالي الا ان ادخل غرفتي وابكي من القهر والحسره
اتمنى بيوم اسمع منها دعوه حلوه بالتوفيق بالسعاده لكن مااسمع منها الا كل دعوه شينه وكل الامراض
امي تكرهني من سنين اسمع دعاوي منها تضربني بدون سبب لما يجي ابوي ويفكني منها اكون جالسه بالصاله فجأه تضربني بالجزمه من بعيد تحبسني بالحوش بالساعات وتقفل علي وتطفي كل اللمبات علي
لما يجي ابوي ويطلعني تأزمت نفسيتي منها وعشت عند جدتي سنه كامله بعيده عنها
كرهت ابوي فيني تؤلف قصص علي عشان يكرهني كان يكذبها بالاول ويقول لي انه مايصدقها لكن مع الوقت صار يصدق كلامها علي
برغم كل اللي عشته بطفولتي ومراهقتي كنت قويه الكل يمدح بااخلاقي وشخصيتي وتفوقي بدراستي
تراكمات الذكريات هذي اثرت علي بعد سنين فقدت ثقتي بنفسي احبس حالي بالغرفه بالايام مااقابل اي شخص من اهلي عشان مااسمع دعاوي من امي او اتعرض للضرب طبعا الضرب صار حتى من ابوي واخوي بتحريض من امي
الحمدلله ان ماصابني مرض نفسي من اللي عيشتني فيه امي الله يسامحها
كل هذا ماضي حاولت انساه وافتح صفحه جديده بحياتي بعد زواجي تحسنت نفسيتي وبديت احط اهداف لي بحياتي احققها وابتعدت عن دعاوي امي
بفترة زواجي وسفري امي انقلبت على اختي اللي اصغر مني بالجامعه ومتفوقه وبقسم صعب محتاجه دعم من امي لكن مارست عليها نفس اللي كنت اعانيه منها
رجعت لبيت اهلي واسمع دعاوي طوال الوقت على اختي وحرمانها من كل شي وتحريض ابوي عليها
... بحكم وظيفة زوجي بعيد عن
مدينتي اعيش ايام عند اهلي وايام بشقتي
الايام اللي مااكون فيها ببيت اهلي تضغط على اختي ولما اكون موجوده تدعي علي دعاوي ولاعدوه تدعيها تعبت والله يابنات كرهت حالي ابكي ليل ونهار لحد اليوم الصباح انا بغرفتي اذاكر وتدعي علي
تركت مذاكرتي وابكي كنت اتمنى اسمع منها دعوه حلوه تفرح قلبي وتوفقني بحياتي
تعبت من دعاوي امي وتصرفاتها الاقي عبايتي مرميه بالحوش ملابس اي غرض لي مرمي برا
حتى قبل اسبوع جزم غاليه لي اخذتهم ورمتهم بالطين وكان فيه مطر مع ان كان فيه جزم محد يلبسها وقديمه لكن تركتهم
امور كثيره لو اتكلم عنها مااخلص والله تعبت نفسي ينقل زوجي واعيش بعيد عن امي ويرزقني الله بالذريه الصالحه لاني متأخره ماحملت اذا ربي رزقني ماراح
اعيشهم بنفس معاناتي بكون ام حنونه عليهم اعوض الننقص اللي عشته بحياتي
الله يجزاكم خير بنات ادعولي لعل الله يستجيب دعوتكن لي
واللي عانت من قسوة امها تساعدني بالحل لاني بديت انهار
walaken25 @walaken25
عضوة
يلزم عليك تسجيل الدخول أولًا لكتابة تعليق.
نا قبل عانيت من قسوة امي وكانت نفس الشيء على اتفه شيء تدعي علي وعلى خواتي لانها عصبيه بقولج مثال اذا مثلا كانت تمشي وتعثرت وانتي موجوده معاها في نفس المكان تدعي عليج كانج السبب بس هالعصبيه هي الي تخليهم يقسون على عيالهم المهم انا الحين حاول اكون ضيفه مفيفه عليها اذا لحتاجت مساعده اساعدها واحاول ادلعها اسويلها خلطات واذا اشتكتلي من خواتي اوقف بصفها وانصحها اذا دعت عليهم تعرفين دلعي امج شوي صدقيني بتتغير وبتفرح هم فاقدين حنان يعني مثلا اذا شفتيها قوليلها محلوه وصغرانه شوفي كيف تفرح وقوليلها تعالي بسويلج خلطه للشعر مساج اي شيء عشان تحس انج مهتمه فيها واذا قالت شيء قوليلها ان شاء الله من عيوني والزمي الاستغفار وادعي الله يسخرها لج وبعدين اتوقع امط ضغط الشغل الي عليها يخليها تعاملكم هالمعامله حاولوا تشلون الشغل عنها وتريحونها حتى امي يوم ما يكون عندها شغاله تحط حرتها وتدعي علينا
كذا بس
•
الله يفرج همك حاولي تسايسينها في بعض الامور مو كل شي غلط تقوليلها لاغلط يعني حاولي تهتمي فيها كثير وتدخلين السرور ع قلبها حاولي تضحكينها وتعطيها بعض الكلام اللي يسليها لو فيه شغل خلصوه عنها ساعدوها بكل شي العصرية سوو القهوة والحلا ونادوها شغلوTV ع اي برنامج يناسب عمرها او اي شي كوميدي وسلوها وادعو بكل وقت ان ربي يسخرها لكم اغلب الكبار كذا يكونو عصبيين ويرمون الخطأ على اولادهم اذا م تحملتوها مين يتحملها واحتسبو الاجر في برها وربنا بيعوضكم حبيبتي
والله امرها جدا غريب كذا بدون سبب شكل امك تعبانه من شي وتحط الحره فيكم طيب جربي اجلسي معاها ناقشيها قولي لها ليه انتي كذا توددي لها او جيبي لها هدايا جربو معاها كذا طريقه واذا مانفع اقطعيها مده يعني لمده شهرين 3 لا تروحين عندها نهائيا ولا تتصلين ولا تشوف وجهك واذا دقت عاتبيها قول يلها انتي ماتبينا ودايم تطقي ودايم تسبي وتعي علي ليه اجي عشان اسمع كلام يسمن البدن جربي سوي هالشي عل وعسي تحس وتوعي لنفسها والي يصير من حواليها
الصفحة الأخيرة
ويااختي مهما صار هذي تبقى أمك حاولي تتقربين منها وأيضا حاولي تكسبينها بالكلمة الحلوه والهدايا تري هذي الأشياء يمكن تخليها تحن عليك.
وعليك بكثرة الاستغفااااار ..الله يفرج همك