امي تريدني اتطلق عشان شي سخيف

صار سوء فهم بيني و بين زوجي عشان شي سخيف انا حاطه حاله بالسناب ايه قرآنية ( قل موتوا بغيضكم ان الله عليم بذات الصدور ) رجع زوجي من الدوام كنت رايقه و هاديه و سالته عن يومه و هو كان هادي و رايق فجأه فتح السناب و هو يتابعني طبعا بسناب و لقى الايه زوجي عقله صغير جلس يقولي من تقصدي و من تقصدي تقريبا ربع ساعه و هو يحقق معاي قلت له اقصد بنت خالك هذي البنت انا متمشكله معاها من قبل فهو عصب يقول انتي دايما تفشليني عند اهلي و انتي خبيثه و انتي كذا و اكيد انتي الغلطانه زوجتي و اعرفش المهم قمت انا راددته قلي يلا بيت اهلج و قلت انا تفكرني خايفه يلا بيت اهلي و رحنا و فهمناهم المشكله و قالوا هذي سالفه سخيفه و امي عصبت قالت له انا غلطانه اني وافقت عليك و انتوا ناس مو زينين و المره الجايه بس تجيبها بطردك من الباب و مالك حريم عندي شو كل يوم عنزه جارها و جايبها بيت اهلها و ليش تدافع عن البنات و توقف ضدها انت مو سند لو صارت اي مشكله بينها و بين الحريم هناك بتوقف ضدها اذا انت على حاله بالسناب مسوي مشكله انت تدور مشاكل و بعدين رجعت انا و زوجي بيتنا و رسلت لي امي تسجيلات صوتيه انه انتي بعدج ببداية الطريق و ما عندج غير بنت وحده اتطلقي منه و ادرسي و اشتغلي و كوني حياه احسن من هالحياه و لا تعيشي ذليله عنده طبعا انا رفضت لعدة اسباب الاولى و الاهم انه الحياه ف بيت زوجي احسن بكثير من بيت اهلي تللي كان كل شي ممنوع و كل شي شك و ظن سووء و امي تتهاوش مع ابوي ع الكلمه و كانت تقريبا شبه تكرهني بسبب معاملتها القاسيه لي و كانت كل ما تصير كشكلة بيني و بين زوجي تقولي انا اكرهش و ما اطيقش و بس تتطلقي ما اريدش معاي بنفس البيت اخلي ابوش يستأجر لش شقه انا ما صدقت متى تتزوجي و تنقلعي من عندي بالمقابل زوجي موفر لي كل شي و طيب و حنون و متحمل نكد اهلي لكن صار عقله صغير و اتوقع كثرة المشاكل الحين قولوا لي كيف اواجه هالمشكله لان حتى زوجي اللي كان متمسك فيني الحين يقولي اذا تريدي تطلقي خبريني بطلقش لان صار ما فارقه معه و ما يهمه