امي تريد طلاقي خلال هاليومين ساعدوووووني قبل ؟؟؟؟؟

السلام عليكم


كيف حالكم ياحلوات بادهل في الموضوع على طول واتمنى الاقي منكم سعة الصدر والوقوف الى جانبي في هذه المحنة لعل الله يفرج عني والله اني ما كتبت لكم ولا اخترت هذا المنتدى بالذات الالثقتي في عضوات هذا المنتدى ارجوكم وقفو معاي وساعدووووووووووووني مشكلتي امي وزوجي انا متزوجة من ثلاث سنوات وعندي ولدين صغار والحمد لله مشكلتي اول زواجنا امي كانت دايم تطلب مني اني ازورها مع اني كنت ازورها اسبوعيا لكن ما كانت تقتنع وكانت تبيني اسهر عندها الى الفجر مع انو زوجي كان عنده دوام وكنت كل مرة احاول مرة اسهر ومرة لا ومرة سوت عملية وجلست عندها في البيت ثلاث ايام مع انو ما كانت في حاجتي والحمدلله قامت بالسلامة المهم من يومها وانا في مشاكل الى الان صارلنا ثلاث سنوات وامي تكره زوجي وكم مرة اتصلت على ام زوجي واخت زوجي الكبيرة وسبت زوجي وتكلمت فيه ودعت عليه لانو ما يخليني اسهر عندها ولا ازورها لان امي ما هي مقتنعة اني ازورها عكل اسبوع وبس تبيني اروح معاها لكل مكان الزواجات والحفلات والطلعات وانا موظفة وعندي اولاد الي اقدر عليه اروح

وزوجي ما يطلع من البيت ويقول لي شلون تطلعين وانا اقعد بالبيت لوحدي يقول اذا انا موجود ما تطلعين وطبعا زوجي صار يكره امي وايد بسب عمايلها وامي لما حست بهالشئ صارت تكره زوجي زيادة


واليومين هذي زادت حدة المشاكل لان امي تبغاني اروح معاها بالسواق وزوجي رافض فكرة السواقين وبالذات مع امي لانو صار يكرها يقول انا اوديكي و امي زعلت تقول ليش مو انا الي اوديكي وقالت لي امي يا انا يازوجك واعطتني فرصة الى يوم الاربعاء اما اخذ اغراضي واطلب الطلاق:icon33: واجلس عندها واما خلاص انسى اهلي واخواتي مع العلم اني هذي مو المرة الاولى الي تطردني فيها من البيت سبق وطردتني وجلست اكثر من سنه محرومة من اخواتي


وعيالي الاثنين ولدت فيهم ولا سالت عني وكنت اروح المستشفى لوحدي وارجع بيتي وما عندي احد يخدمني غير ام زوجي وزوجي :44:بحجة انها زعلانة مني مع اني ما قصرت معاها اعطيها كل شهر مبلغ من راتبي وكل ما رحت السوق شريت لها هدية وما ادخل عليهم باليت الا ومعاي افخم الحلويات والهديا لهم

ومع العلم انو خواتي وايد يحبوني وانا مرة متعلقة فيهم
ارجوووووووووووووكم عطوني الحل اترك امي واخواتي والا اترك زوجي وبيتي واحمل لقب مطلقة
وعلى فكرة ابوي شخصيته وايد ضعيفة الي تقول عليه امي هو الي يمشي
ارجوكم سااااااااااااااااعدوووووووووووووني بحل قبل لا يطيح الفاس بالراس انا شبه منهارة ونفسيتي مررررررررررة تعبانه
وعلة فكرة كلمت كل الي يعزون على امي حتى جدي وجدتي بس امي معاندة وراكبة راسها رغم ان خدتي زعلت منها وقالت لها غلط الي تسوينه بس هي عنيدة الله يهديها
وزوجي الحمدلله طيب معاي ودايم يخرجنا انا والعيال ما يمر اسبوع الا ويدينا مكان ننبسط فيه ونرجع بس ما يبغى سيرة امي

باختصار امي تكره زوجي من اول يوم وهي تحاول تكرهني فيه وتحاول تخلق المشاكل بيننا حتى انها كل شئ اقوله لها تروح تقول لاخت زوجي الكبيرة انو اخوها كذا وكذا بالله يه ام تسوي كذا وهي عارفه انو زوجي راح يزعل مني لو عرف وكم مرة زعل زوجي مني بسبب هالشئ بعدها حرمت اقول لها شئ
ومشكوررررررررررررررررررررررين على قرات الموضوع والي عندها حل لاتبخل علي لو بالدعاء