ابدعتي يا بلبونه

وداااايم كلامك في الصميم ما شاء الله

الله يحفظك :)

عزيزتي أنتِ قلتِ أمي كان تعاملها مع أبوي مشاكل مفروض ماتعيدين الموضوع مع زوجكـ وأذا والله هو محترمكـ واجب عليك أحترامهـ وحاولي بنفسكـ تدارين بعض المشاكل معهـ وتحلينها بعيد عن أهلكـ ومو كل شيء تقولينهـ لهم والله ماتسوى هذي الحفله اللي بتزعل أمك

أمك أكيد فيها شيء مضايقها كلميها بهدوء وراضيها وشوفي وش اللي مضايقها ويمكن فاهمهـ غلط وحتى لو رجعت علاقتكم باإذن الله تمام لاتشكين لهم من زوجكـ ولاتسمعين كلام أحد في زوجكـ

وبالنسبهـ لهذي العبارهـ

وبيني وبينكم احنا مو زي قرايبنا وجماعتنا امي اجنبيه وافكراها وماعرفت تربينا على السنع

مهما كان هذي أمك ومو كل بنت أمها أجنبيهـ ماتعرف السنع

وأنتي وأخواتك أذا قصدكـ تبين تعلمينهم السنع باأسلوب حلو وأنتم تسولفون أصلا هم يشوفون سلامك ويقلدونهـ وبعدين السلام سهل ياأختي عودي نفسك مو ضروري أن الأهل يعلمونكـ كيف تسلمين


راضي أمك يرضى عليك ربك الله يرضا عليك ويوفقك ويسعدك ويسخر لك زوجكـ أن شاءالله

ومافي أم ماتغار من بنتها أبدا حطي نفسكـ مكانها وفكري هل ممكن تغارين من بنتك لو كانت مبسوطهـ

لاتزعلين بس ممكن أنتي سويتي تصرف فيهـ أحتقار لأهلك

جزاكم الله خير يابنات وماقصرتوا ..

وعادي اللي تكلموا بالعكس خوات واتقبل منكم

يوم اقول امي اجنبيه يعني مو من قبيلتنا امي من الجنوب وابي نجدي .. وهي صحيح كنا بعيدين عن خوالي بس الحين بينهم وعندهم يعني مو غربه ..

انا صحيح اخطات ولابد اعترف بخطأي بس اللي كنت حابه اسمعه هل انا موقفي الصح او الغلط..

بالعكس يابنات انا ماهموني اهل زوجي قد اني ابي لخواتي الزين تعرفون الناس هاليومين يحكمون على المظاهر

يعني لو بيخطبون وحده بيقولون نبيها ظفره وشاطره وماشاء الله عليها حركه وسنعه تعرف وتسوي

وخاصة مجتمعنا البدوي يعني يبون وحده سنعه في البيت تقدر المواقف جديه ..

مو تجي وتجلس وتقعد كانها ضيفه..

انا ما احس بالنقص بالعكس الكل يقول فيك ثقه زايده .. انا اسمع كلام الناس واشوف الفرق اللي بيننا وبين بنات اعمامي وعماتي .. سنعات في البيت وعند ازواجهم ولا يطلع حسهم ..

اختي كانت اقرب شخص لي وعشان كمبيوتر اعطيتها وخرب وباعته قلبت علي 180 درجه باي عقليه اتقرب لها .. تقول انك مو زي اول تسددين فاتورتي وتصلحين جهازي ..

اول ماتزوجت كنت غبيه احبها واموت فيها ومابي الا سعادتها لو بغت شيء ومامعي رحت وبعت من ذهبي لعيونها ..

وفي الاخير صارت هي اللي تحشى امي علي ..

خواتي باردااااات لو يجي عندهم اكبر اكبر عزيمه ماحركوا ساكن واذا جاء احد يزورنا قعدوا يسولفون وامي هي اللي تصلح العشا والقهوه وتقهوي ..

مهملات في البيت يوم راحت امي معنا لمكه 3 ايام بس رجعنا والبيت يفشلللل من الوصاااخه غير ان ابوي سهران يحتري امي الين الساعه 1 باليل عشان تصلح له عشا ..

والاخت اللي عمرها 19 قاعده معهم كانها ولد تتفرج..

هذا اللي قاهرني مابي خواتي كذا .. اذا جاهم احد على غفله فشيييله وش بيقولون بيقولون من امهم ..

ابيكم تفهمون قصدي بس ..مو كله عشان زوجي او اهله ..

صحيح اذا سووا شيء غير معتاد عندنا اقولهم بس مو عشان اقهرهم بالعكس عشان نسوي مثلهم او نصير احسن منهم .. عشان اذا اختلطنا بنااس وتزوجوا اخواني لاننا نعرف الحركات والاشياء الجديده..

يعني بمعنى نحتك بالعالم الخارجي ونستكشف .. قبل لا اتزوج ماعرف شيء ولا نطلع من البيت ومنغلقين ويوم جيت اجهز ماعرفت وماعرفنا وش الاساسي من الثانوي في التجهيز والاستعداد..
بس بعد ماتزوجت وشفت الناس اتعلمت وفيه اشياء قلت بسويها على زواج خواتي ..



ويوم ذكرت امي بتصرف ابوي القاسي والله ثم والله صحيح اني ندمت اشد الندم .. بس ابي افهمها انه مو سهل اني اسوي مشكله او افترق عن زوجي ..

واني بصبر مثل صبرها .. يعني ابوي دفها وش صااار ..

زوجي طقني بس ولو بيراضيني وهذا هو حاشمني واعتذر مني ..

مو اني اقهرها او اهينها .. لا والله ..

بعدين زوجي مقتدر ومغتني لو يطلقني ثاني يوم بيعرس ومعارفه واجد وقرايبه واجد..

غير اني لو الف الدنيا ما القى مثله .. ومن جماعتنا ..

يعني فيه اشياااااء لابد لها من وقفه..

انا رحت لها اليوم وماحصلتهم في البيت ..

وجيت مالقيت الا اختي اللي اصغر مني في المطبخ وسلمت وماردت السلام ..

سالتها عنهم قالت مو فيه ..

وبعدها رحت..

والله وتالله اني رازه اهلي رزه غير طبييعيه وافتخر فيهم وحاطتهم فوق راسي ..

بس هم دوم يشككون في هالشيء .. بالعكس حتى اذا قال زوجي شيء قلت ابد اخواني عزوتي موجودين ..

وهم مايقصرووون وحبيبين .. بس الوحده ماينفعها الا زوجها ..

يمكن مشكلتي اني من كنت صغيره وامي تقول انتي صديقتي مو بنتي وتعلميني بكل شيء وتأتمنيني على اسرارك..
من يومها وانا مررره مع امي .. وكل يوم اكلمها وسوالف بالساااااااعات .

واسولف عادي وين رحتوا وين جيتوا وش صار عليكم .. وش سويتوا ..

ماتوقعت انها بتقلب كذا ..

هي دوم تخوفني تقول الوحده ماتعلم الناس باسرارها ومشاكلها لانه بيجي يوم ويقلبون عليها ...

وهي الحين قلبت علي عشان اختي ..

ويوم كلمت ابوي قال اتوقع انها معصبه عليك عشاني كلمتك استشيرك بولد خالتك يوم جا يخطب اختك..

""ةثم خواتك الي قاعده تتشرهين عليهم صغار ماعليهم شرهه
بالنسبه للعزيمه دام اهلي امبسطو الباقين بالطقاق
شكلك مسويه العزيمه مجاكر لهل زوجك يوم ماجت على ماتبين حطيتي حرتك في امك وخواتك
يا عزي عنهم ماتسوى عليهم هال عزيمه ""

بالعكسسس انا مسويتها لهم واخرتها كثيييييير الين يجتمعون .. وام زوجي ضاقت وسوت لنا سالفه لانها كان تبيني اعزم الجيران وحلفت ماتحضر الاستراحه وطنشتها ..بس انا كنت عازمه صديقاتي كلهم وفي ىخر لحظه كلهم اعتذروا انا قست الموقف لو ان صديقاتي جاااوا وصار نفس اللي صار فشيله والله ..

صديقتي سوت لنا حفله الاسبوع اللي راح خواتها هم اللي قايمين بكل شيء ومن خلف الستار حتى ماجاو يسلمون ..
والثانييه خواتها نفس عمر خواتي ونفس الشيء يدهرووون .. هذا اللي ابيهم وابيكم تفهمووونه ..

مو مجاكر لاحد ..

حتى اللبس قلت فررري ولبست على كيفي ولا اعجب اهل زوجي بس ماهموني .. يعني بالعكس ..

الصح صح والغلط غلط..

قرأت موضوعك و رددودك كلها و كونت فكرة عنك ومن خلال حروفك و كلماتك و طريقة تعبيرك

فارجوا أن تقبلي نصحي فوالله ما أردت إلا النصح

إنت( بارك الله فيك )اسلوبك مع أمك سئ للغاية و الله العظيم إنك بأسلوبك هذا عاااااااقة لأمك

اتق الله أختي هذه أمك مو زميلتك أو عدوتك بالله عليك هل يصح منك هالأسلوب و طريقة الكلام و قوة الرد على من حملتك ببطنها و تعبت في تربيتك بالله عليك هل يصح أن تعايريها بإهانة أبوك لها

ربك سبحانه و تعالى نهانا أن نقول لهم كلمة ( أف )

و لكي تتخلصي من أسلوبك الفظيع و الغير لائق مع أمك تذكري لو إن الله أعطاك أبناء سوف يفعلون بك ما تفعلينه بأمك و الله العظيم كله سلف و دين و الله عجل عقوبة العقوق خافي الله قبل أن تري سوء خلق من أبنائك و خافي الله قبل أن تبكي منهم و تذكري كلامي هذا و توبي لله و خافي الله في أمك و أمسكي لسانك عنها و لا تأذيها و سارعي باسترضائها

ثانيا : أمك مخطأة في تحريضها لك على زوجك و إنت فعلا بارك الله فيك أحسبك زوجة صالحة صابرة على زوجها فلا تسمعي منها و احفظي اسرارك و لا تعطينها لأحد لكنها مستحيييييييل تغير منك ممكن تغير من زوجك و أهله لإنك مهتمة به كما يبدو لي أكثر من اهتمامك بأهلك

ثالثا : أثارتي غيرة أهلك من زوجك هم الآن يشعرون بمدي حبك لزوجك و خوفك عليه و هذا خطأ كبير فتداركي الأمر

رابعا : خففي اللوم على أخواتك و لا تثقلي عليهم بالطلبات اشعريهم بإن الهدف من الحفل هو وناستهم و فرحتهم و بسسسسس مو مهم باقي الحريم و مو مهم تكون الحفلة حديث الحريم المهم اخواتك و رضاهم


خامسا : أختي وسعي صدرك و صدقيني الناس التقية تحترم التقي اللي يخاف الله و يعز والديه
مو تحترم الحفلة اللي سوا فيها كذا و كذا هالمظاهر الخداعة و المبالغة في الأمور بلاها



أسأل الله العظيم أن يصلح ما بينك و بين أمك و أخواتك و أن يسخر لك زوجك