امي تستخدمني كورقه رابحه .. وش اسوي :(

يابنات امي ماكانت راضية من يوم ماقبلوني ادرس في الجامعة وكانت تحبطني وتقولي ابوك مارح يدفع رسوم الجامعة وووو من هالكلام بس انا قلت في نفسي بحاول بقول لابوي ان كان وافق خير وبركة واذا كان لا يصير خير

المهم ابوي الله يخليه ليه ويطول في عمره وافق على طووول ..ومن يومها امي تضغط علي مثلا من البداية قالت مارح ادفع رسوم السكن مع انه المفروض تدفع وقالت اطلبي من ابوكي مالي شغل فيك بس انا استحيت من ابوي وقلت لها ادفعي نص وابوي بيدفع نص قالت اوووكي.. المهم طلبت من ابوي يدفع المبلغ الفلاني كل شهر وهو وااافق ..الشهر اللي فات هي قالت لابوي ادفع كذا_يعني مبلغ اكثر من المتفق عليه بمرتين_ وشكله ابوي عصب عليها .. دقت علي وهي تسبني وتقولي شفتي كيف ابوك يصارخ علي ويدعي علي بسبتك؟؟ اتركي الجامعه الحيييين .. هاللي ناقص انهان بسبتك .. بس بعدين اعترفت لي انه ابوي عصب عليها بعد مادبلت المبلغ .. طيب الغلط غلطك ليه كنتي تصارخين علي ؟؟ بلعت هالكلام طبعا قلته بقلبي.

. وبعدين ابوي طرشلي مبلغ عن شهرين يعني هالشهر اللي فات وهالشهر .. بس امي الله يهديها مي راضية تطرشلي تقولي الفلوس محتاجينها واذا تبين فلوس اطلبي من ابوك .. طيب الفلوس اللي طرشها لي وين وديتها قالت مالي شغل تفاهمي مع ابوك

يعني بالمختصر المفيد تستخدمني كورقه رابحة تباني اقول لابوي هات وهات.. تبي ابوي يطرش زيادة عشان هي تاخذ الزيادة..

ماابغاها تاخذ فلوس زيادة على حسابي انا.. ماابغى ابوي يكرهني ويقول عني مادية ودايما اطلب فلووس.. انا احب ابوي فووووق ماتتخيلون وماابيه يكرهني

وهي تدري اني مارح اطلب من ابوي الا اذا كنت محتاجة وهي الحين رافضة تعطيني فلوسي وانا فيني الصيحه وامتحاناتي قربت وماشريت شي لا كتب ولا غيره :44:

ودي اقول لابوي بس ادري بتصير مشاكل كفاية ابوي وامي مايطيقون بعض .. وامي ماتطيقني انا وادري انها بتدعي علي وبتسبني الين تكرهني في عمري ودايما تقول عني مشكلجية معنها هي اللي تسبب مشاكل
بس وش اسوي هي امي .. يعني مهما سوت لازم اسكت وآكل تراب.. عذرا عالكلمه .. بس الحين وش اسوي..
مرت ثلاث اسابيع وانا بدون فلوس وهي الله يهديها مااهتمت ولا فكرت اني اكون محتاجه فلوس؟؟

ابوي في مكان ثاني غير عن المكان اللي احنا عايشين فيه