امي تصوم وتصلي وحافظة القران لكن

سلام
بطرح المشكله جلست سنين عجزت القى لها حل
واخر شيء التزمت الصمت
لو اسمع شنو م اسمع خلاص مايحرك ساكن
لان اللي متعود ع شيء صعب يتركه
.
امي تصوم كل اثنين وخميس والايام البيض
وتقرا يوميا جزء كامل من القران وتختمه شهريا
وصلوات الضحى والوتر ماتتركها لو يوم
.
لكن فيه شيء احسه مو عاجبني فيها ويمكن هو اللي مسبب نفور اخواتي منها او بالاحرى عدم السوالف معها الا باشياء بسيطه
امي للاسف تحب تتكلم بفلان وعلان
تحب ان احد ينقلها كلام تجلس ساعات تتكلم وهي مستانسه
تحب تتكلم بالزواج والزوجه الثانيه للعلم ابوي كان متزوج عليها
تخب تخلي الغلط راكب النساء من راسهم لساسهم
وعندها تقديس للرجال
ولو تشوف اخوها مرتاح مع زوجته ويلبي لعيلته كل طلباتهم تجلس معه وتتكلم وتقول مايصير كذا لازم تجمع لك فلوس ومن هالكلام
ولو احد من اخوانها قالها ان عنده مشكله بالبيت تتدخل ومن كلامها تقسي الرجل ع عيلته تقوله ماهليك منهم ياخوي ترا عيالك مافكروا فيك ولا زوجتك ومرا كلام كثير يخلي الرجل يكره عيلته
واحسها تدخل فكرة الزواج بروسهم
وانا اشوف حريم خوالي اقسم بالله مافيه اطيب منهم مرا عسل وايجابيات ويستقبلون خواتي وامي احسن استقبال لكن مدري ليش امي كذا
لدرجة خلاص صرت احاول م اخلي امي تختلط فيهم كثير
ودايم انا واخواتي نرفض نسافر لهم لاننا عارفين الهرجه وشنو بتسوي امي
وامي تتهمنا اننا قاطعات صلة رحم
وانا اشوف خوالي كثير لكن مانبي نجيهم كثير عشان ماتصير مشاكل بسبب تدخلات امي
.
امي ماتتقبل ان احد يغلطها واخوانها يسلكو لها مره
لكن بعضهم يدخل براسهم هرجها
وواحد من خوالي خطب ع زوجته واحس امي السبب لانها حاطه الفكره براسه
لكن البنت رفضت
يابنات وش اسوي والله تعبنا انا وخواتي
ودنا نغير امي لكن ماقدرنا
اخر شيء صرت اقول لاخواتي خلاص احنا بنات فلان الفلاني
مالنا دخل بتصرفات امي يعني على نفسها
اهم شيء احنا مانصير مثلها ونعيش بحالنا ومانتدخل باحد


لكن م انكر لها اعمال خير كثير تتصدق وتتبرع وداخله تحفيظ قران
وباره بامها مره
لكن احنا لا معاملتها شوي قاسيه حتى عند الحريم يعني تقول الكلمه لناا عادي يعني تفشلنا
ويوم تمرض احسها تحسسنا انو احنا اللي مرضناها ، وعندها التربيه بالقسوه والكلام لاكن اعذرها يمكن لان بيئتهم مررا جافه لكن يوم احسبها فبالي احس لا
لان جدي كان مره طيب وايجابي وجدتي كمان مرره حنونه وترتاحي معها وماتتكلم باحد
.
يعني اعمال الخير هذي ماتشفع لامي يوم القيامه ؟