السلام عليكم
انا وحده عندي اخو متعبببب امي حيييييل
مدري اذا بس بيتنا الوحيدين يعاني من هذا الشيء او في امثالنا
طبعا امي فيها السكري الله يشفيها كلله من اخوي الكبير
هو متخرج من المتوسط وعمره تقريبا 27 سنه ومن كان عمره 18 يشتغل بمكان ويطلع مايعجبه شي
المفروض يحمد ربه انه يوضفونه هالايام حتى البكالرويس بلموت يحصلون وضيفه !
المهم
طبعا معاملته معانا زفت زففففت بما تعنيه الكلمة يعني يعاملنا مثل الخدامات بالضبط
ياكل ويترك اكله على الارض يشرب بالكاس ويتركه واحنا الي نشيله لما يزكم احنا الي نشيل وساخته
بتقولون لاترضون بهالاهانه وربي غصب عنا لان اذا ماشلنا من عقبه راح نحصل سب واهانات
صلاة مايصلي وفوق هذا يدخن وهامل شكله ونفسه
امي تعبانه حييل حييل منه ماأسس نفسه وابوي ماايقدر يخطب له ويزوجه ببنت الحلال
تخيلو يشتغل ويستلم راتب بس قليل تقريبا 3000 ريال
المهم من أول يوم يخرج فلوسه مايضل شي برصيده والله العظيم ثاني يوم من استلامه رصيده خااااالي مافيه شي يصرفهم على اكل غالي وآلات واجهزه بايخه ودخان ..
ابوي تعب معاه يقول يعني اذا انت الى الحين ماتجمع كيف بتكون نفسك وبتتزوج
للعلم هذا اخوي بيموت على شي اسمه زواج
وكل شهر يجيب طاري متى تخطبون لي ومتى تخطبوني لي
طيب كيف نخطب لك بدون فلوس كيف بتفتح بيت وانت اساسا ماتعرف تمسك نفسك وفلوسك
طول هالفتره يحسب ان ابوي هو الي بيبني له ويجمع له واصلا ابوي ماااايقدر على شي ...
عندي اخو اصغر منه ماشاء الله متوضف باحسن الوضايف ومتخرج من الجامعه ويبي يتزوج
اخوي الي اكبر منه من سمع انه راح يتزوج فتح مشكله كبيره يقول والله ماتزوجونه قبلي
طيب يعني ينحرم عشانه !!!
امي من النوع الي يفكر كثييييير جاها ضغط وسكر وآخر شي ضغط في العين يقولها الدكتور من الحاله النفسيه
وفقر دم وربي خايفه على امي :44: وبعض الاوقات تجيها دوخه وتطيح علينا من كثر الضغط والتفكير
يعني اذا من اولها كذا كيف بعدين وش رح يجيها ؟؟
مو بس تفكر باخوي تفكر فيني انا واخواتي وتقول ليش للحين ماجا نصيبهم ابي افرح وابي تدخل الفرحه في بيتي بس ماشفتها للحين بنات عمي وخالاتي وخوالي كللهم تزوجو ماشاء الله ومعيلين الا احنا
على فكره ماعمرها بيّنت لنا انها مهمومه من تأخر زواجنا بس مره سمعتها تشكي حق ابوي ) ماتجسست بس بالصدفه مريت بالصاله واسمعها تقول حق ابوي
امي وابوي الحمد لله متدينين مررره ومايتركون الاستغفار ولا قيام الليل بس متى ربي يفتحها علينا :44:
وربي اخوي اهو السبب الرئيسي في امراض امي
تخيلو تجيه بعض الايام يحارب امي مايكلمها على سبب تافه وغبي مثلا يقول حق امي سلفيني 40 ريال
بذمتكم بنات ماتحسون شي محرج واحد بالـ 27 يطلب امه سلف !!
تجي امي تقوله والله ماعندي اطلب من ابوك يروح يزعل ويحارب امي مايقارب شهر كامل
احسه يقول كلام غريب مثلا يقول الشهر الجاي اخطبو لي يعني من عقله هالكلام !!
كيف نخطب لك واصلا حتى مهر مااعنده ؟؟؟؟؟؟؟؟؟؟؟؟!!
مافي بنت راح ترضى بواحد ماعنده لاشقه ولامهر ولا ...ولا...............الخ
وفوق هذا بعد متشرط والله حاله !
مره قلت له بخطب لك وحده دبه ماتدخل من الباب وربي ماتسوى علي يقول والله تخسين ولاعاد تقولين لي هالكلام لا وربي ادوسك
طيب امزح معك ليش كل هالكلام
ومره من زمان تقريبا قبل 5 سنين اقوله بخطب لك بنت عمي تجنن تمنيت والله اني ماقلت له هالكلام بدا يتمسخر عليها ويتطنز على خلقة ربي مع ان البنت مافيها شي بس ضعيفه حيييل
واخوي الي احسن منه واصغر مو متشرط بس يبيها قريبه من خواته يعني احنا يقول ابيها تكون صديقة امي وتعتبرها مثل امها على فكره اخوي هذا الصغير باااار بأمي مرررره من اول ماتوضف حجج أمي راحو مكه وحجو
استغفر الله العظيم وربي حتى ماشتهي اطالع في وجه اخوي الكبير كلما اشوفه واتذكر انه متعب امي مدري وش يصير فيني :44:
وهو ماعمره سولف معانا واخذ وعطى معانا
مره اتذكر توي صابغه شعري ومستانسه فيه اقوله وش رايك تدرون وش رد علي يقول روحي انقلعي واقلبي وجهك يعني وش المطلوب مني ياغبيه
آآآآآآآآآآآآآآه وربي تمنيت الارض تنشق وتبلعني اي والله من جد غبيه ليش اكلمه
حسبت ان كل الاخوان مثل البنات الي يسولفون عن خوانهم ماشاء الله وربي مو اخوان اصدقاااء لهم
واذا احتجنا له يودينا سوق لايحوشكم لاتقربون جنبه يخووووف وربي يصرخ من قمة راسه يعني ماكنه خواته الوضع عادي عنده لو يقطنا بوسط الشارع لانه معصب
يعني يهون عليه نركب مع سايق :44:
اقوله خلاص نأجر سايق يقول والله تخسون تقعدون بلبيت ولا تأجرون سايق طيب مين فاضي لنا !!!
الحين عرفت له لو اموت من الحاجه مستحيييييل اطلبه من شي الله لايحوجنا لحد
يابنات مين مثل حالتنا والله فرجها عليهم ؟
لاتهملون مووضعي ارجوكم ولاتنقلونه لانه هذا قسمي المفضل واكثر الناس في هالقسم..
يلزم عليك تسجيل الدخول أولًا لكتابة تعليق.
الله يعينكم عليه الصراحه
لان محد وقفه عن حده كذا يتكلم
خلوه يروح عند طبيب نفسي
ممكن يتظبط وضعه
ويمكن لانه ماكمل دراسته ومهمل نفسة يحس بنقص يكمله بكذا
ولله ماادري بس اذا قال اخطبو لي قولو فيه بنت بس الباقي عليك تجمع المهر
الله يهديه ويهدي شباب المسلمين
لان محد وقفه عن حده كذا يتكلم
خلوه يروح عند طبيب نفسي
ممكن يتظبط وضعه
ويمكن لانه ماكمل دراسته ومهمل نفسة يحس بنقص يكمله بكذا
ولله ماادري بس اذا قال اخطبو لي قولو فيه بنت بس الباقي عليك تجمع المهر
الله يهديه ويهدي شباب المسلمين
يااختي اخوك الله يصلحه ابتلاء اصبرو وادعي ماشاءلله امك وابوك متدينين يعني ابتلاء من ربي اذا احب الله عبدا ابتلاهـ
اصبرو وادعوله ادعي له بسجودك واكثري استغفار وتسبيح انتي وخواتك عسى ربي يفرجها عليكم الصدقه وانااختك
الله يفرج همكم
اصبرو وادعوله ادعي له بسجودك واكثري استغفار وتسبيح انتي وخواتك عسى ربي يفرجها عليكم الصدقه وانااختك
الله يفرج همكم
الصفحة الأخيرة
وصدقيني البيوت ملياااااااااااااااااااانه زي اخوك واخس كمان
واحد من اقاربي عمرة 40 والى الان لا وظيفة ولا زوجة ومايشوف امه وابوه الا كل 7 او 6 سنين بس هايت وضايع
لاتحزني عزيزتي وادعي الله بالهداية لاخوك