امي تكرهنا وماتحبنا

الأسرة والمجتمع

يابنات قصتي طويله وحزينه امي الله يحنن قلبها علينا مستغربه من كراهيتها لنا حتى كل من يعرفنا يقول ليش امكم تكرهكم وش مسوين لها هذا كره من ايام الطفوله اقسم بالله عمرها ماسهرت علينا ولاطبخت لنا ولاروشتنا لاتتكلمون عنا واحنا باقي بالمهاد اكيد مابتتركنا واحنا باقي لحمه باللفه اكلمكم مثلا عن نفسي من اول ابتدائي تضربني اروح المدرسه شعري موب مترتب ولاملابسي عمرها مافتحت شنطتي او شافت دروسي رسبت 3ابتدائي مافكرت تعرف وش المواد ولادرستني دور ثاني بس ابوي الله يرحمه كان يحن علينا ويرحمنا تصدقون عمري ماجيت من المدرسه لقيت غدا بس ابوي يروح يجيب خبز ويفتح علبه تونه ويأكلنا اذا مرضنا والله ماتفكر تمر علينا او تسهر علينا او تقوس حرارتنا بس ابوي الله يغفرله كانت دايم تسبه وتهينه وتتكلم عليه وسكت الين مامرض ومات كان اذا سافر ابوي تنام هي في الغرفه وتطردنا برا تقول ناموا هنا ونجلس انا واختي نايمين عند الباب كنا نخاف كانت تقطع كتب المدرسه بالمقص ودفاترنا اقسم بالله العلي العظيم عمر امي ماحضنتني ولا لمتني ولامسحت دمعه من عيني ولاتعرف انا باي صف شاطره او كسلانه نجحت او رسبت كان نظامها تسهر الى بعد الفجر وتنام الى المغرب او العشاء وتقوم تصارخ وتسب ابوي وتلعنه ولاحتى تطبخ لنا عشاء ابوي يسوي اي شيء يعرفه وكبرنا ومات ابوي انا تزوجت واختي عاشت تعاني تخيلوا امي تاكل وتشرب وبنتها جيعانه امي عندها فلوس ورثتها من جدي وشوي من ابوي فكرنا نشتري بيت احسن من الايجار والله يابنت ماكذب عليكم ناقصنا مبلغ وهو مع امي تقدر تساعنا ماراح يأثر فيها طلبناها وجبنا واسطات يكلمونها قالت لو تنامون تحت كبري ماعطيتكم ذنب من ذنوبي باقي فلوسي اختي تركت الثانوي تخيلوا ليش امي عندها سياره كبيره2015وسواق ع كفالتها يشتغل ع حسابها يعطيها 4000كل شهر وتاخذ راتب ابوي التقاعدي ماعلينا اختي تركت لان ماعندها احد يوديها ويجيبها امي مانعه سواقها يوصلها او يجيب لها شيء حتى من البقاله انا كنت بنفس المعاناه بس تزوجت تخيلوا مدرستها مافيها باص يوصل وكانت تروح مع هندي عرفته من طريق صديقتها والله يابنت انه كان بيخطفها وقت الاختبارات النهائيه قال بوديك مكان مره حلو بعد العصر يرجع بيت هي خافت ومامعها جوال قامت تصارخ وتصارخ قام خاف ونزلها قريب من البيت من يومها حلفت ماتطلع ولاتكمل وعرفت امي بالسالفه قالت احسن تستاهلين وش تبغين اسويلك والحين اختي في البيت تتمنى تروح السوق او السوبر ماتقدر صديقتعا دلتها ع هندي بس يوصل اغراضها عند الباب وتحاسبه ويروح والله العظيم يابنات اذا شافت عند اختي اكل او خبز او غرض تروح تدق ع سواقها تقول من قالك تجيب لها اكل والله اني لااسفرك بس يقولها ويحلف انه موب هو قالت ايوه لاعمرك توصلها ولاتجيب لهم شيء لو تشوفهم مقطعين بالشارع روح وخلهم قال طيب هو يخااااااف منها انا معي بنت اذا رحت عندها كم يوم ماقدر اطول مافي احد يجيب اغراضي وحليب لبنتي وبامبرز ولا حتى اكل ناكل صيااااام وهي تاكل وتسرب وتطلع مشاوير ولاخطرنا ع بالها وتجامل هذي وتدفع لهذي بس بناتها لا والله وربي يابنات تروح تتكلم فينا من بيت لبيت والله العظيم كله ظلم شوهت سمعتنا صاروا كل الناس مايبونا تصدقون والله تدعي علينا برمضان وقت المطر بيوم جمعه تدعي بالموت والمرض والحوادث ليش كذا يارب والله تعبنا ماقدر اكمل تعبت وانا اكتب ارجوكم زي ماهي ام احنا بنات ضعاف ماعندنا احد بالدنيا اقسم بالله العلي العظيم هذي معاملة امي لنا من يوم بدينا نفهم يعني لاتقولوا عقينها او عصينها هي تقول اكرهكم من كرهي لابوكم ارجوكم احكموا بالعدل
54
12K

يلزم عليك تسجيل الدخول أولًا لكتابة تعليق.

تسجيل دخول

اميــــــــــرة
في هالحال ابتعدو عنها يمكن هذي الطريقه اللي تحس انها فاقدتكم ، اتخذو موقف منها ناقشوها اذا مانفع خلو التواصل رسمي او اذا هي بغتكم الله يصلح حالكم
بوح المساء
بوح المساء
لا حول ولا قوة إلا بالله
طيب ياقلبي مالكم أعمام خوال يساعدون أختك
أذا أختك كبيرة وتتحمل مسؤولية زواج شوفي طريقة مناسبة تحصلين له عريس حتى لو بمساعدة زوجك
أهم شي مايكون فيه إهانة لاختك
الله يكون بعونكم ويسخر لكم امكم
جنوبيه gt
جنوبيه gt
وش نقولك لاحول ولاقوة الا بالله
خلاص اتركوها لاتطلبونها ولاتناقشونها ولاتنتظرون منها شي
يمكن سحر يمكن عندها حاله نفسيه اهلها زوجوها ابوك غصب مادري عن ظروفها


لكن عامليها بالمعروف سلمي عليها اعطيها انتي هدايا بادري بالعطيه
بيني لها اهتمامك فيها وبسسسسس


مهما صار هاذي امك ومصيرها يوم تحتاجكم
وصى الله تعالى بها


الله يكون بعونكم
وادعو دايم الله يحنن قلبها عليك
سعاد faisal
سعاد faisal
يمكن مريضه ولا ليش تسوي كذا
ماشا و🐻
ماشا و🐻
والله يابنات لا مريضه ولاشيء مع الناس بطله من عزا لعزا ومن زواج لزواج وترمي عليهم فلوس وتسلف وبالنسبه لاختي هي عمرها 20بس ماتبي تتزوج تعقدت من ظلم امي لابوي ومن تجربة زواجي الفاشل