ماعلى امك شرهة فيك

حبيبتي شوفي عيوبك وشوفي ليش امك تزعل منك وايش اللي يضايقها وتجنبيه ومافيه ام تكره بنتها ابداً
وهي تعصب عليك لانها تحبك وتبيك تكونين احسن البنات ولانها ماتعرف الا هالطريقه او تعودت عليها سايريها وتوددي لها
واصبري لو أخطأت عليك لأنها أمك وادعي ربك انه يسخرها لك وان يسلل سخيمة قلبها وقلبك ترا الدعاء مفعوله عجييييب
وكثري من الاستغفار ومن لاحول ولا قوة الا بالله وصدقيني بتلاقين كل شيء تغير وبتفرحين وبعدين الشيطان جالس يوهمك انها تكرهك عشان يدفعك لتمني الموت وللحزن
ولكرهها لان الشيطان مفرغ نفسه للتفريق فلا تطاوعين الشيطان والله تتدهور حياتك .
طيعي ربك ورضى ربك من رضى والديك عليك واذا رضى ربك عليك وفقك في حياتك وحبك وخلا كل الناس تحبك يعني شوفي حبيبتي انت وش مقصره فيه من ناحية ربك ودينك وامك وكملي النقص والتقصير
وبتزين حياتك لان الانسان مايصيبه من سوء فبما عمل ومن نفسه اتمنى فهمتيني وياعيوني اللي تعرف عليك هذا نصاب في الغالب ومحتال
مافيه احد يتعرف على بنت بالشكل هذا ويوهمها بالزواج الا نطلها بعد مادمرها وخلا نفسيتها في الارض هذولي ذيابه بشر بلا قلوب
لايهمك كلامه ولا حنانه كلها طرق وشباك عشان يصيد ضحاياه ويرميهم بعد مايدمرهم ويسلبهم شرفهم أنتبهي ولا تكوني مغفله وتكون نهايتك الندم والفضيحه لاهلك

الله يهديك ويرزقك برها

الله يسخر لك امك ويحنن قلبها عليك وعلى خواتك ..
وهذي امكـ هي جنتكـ وناركـ ..
والله يسعدكـ يااارب..

(( وأخفض لهما جناح الذل من الرحمة وقل ربي أرحمهما كما ربياني صغيرا ))
خلك سهلة ولينة ومتفاهمة مع أمك وصدقيني بتغير وضعك .. ترى حياتك كذا أفضل بألف مرة بدون أم ..
أنتي تفهمي أمك وتقبليها .. وشوفيها مع خواتك عادي .. أذن صلحي من نفسك وترى الأم ضعيفة جدا قدام بناتها ..

بالنسبة للي تعرفتي عليه .. أتركي عنك الخربطة .. ما راح يخطبك ولا شيء .. بيتسلى ويتركك ..
ويقول ما يشرفني أرتبط بوحدة تكلم شباب والله العالم يمكن تطلع معهم .. أقطعي علاقتك فيه من قريب وبعيد ..
ولا تعطينه وجه .. ولو فيه خير .. دخل البيت من بابه ما جاك باللف والدوران ..

الله يصلحك ويسعدك ويوفقك ..