في سبب بالموضوع اكيد

ورب البيت في امهات اشد من كذا صحيح احنا تعودنا ان الام هي القلب الحنون
والله العظيم في امهات تفرق وتكره مهما قدمتي لها وتلاقي الي يسوون كذاا
يامريضة نفسيا يافيها شي يامعقدة من بنتها انا لومكان اختك ازورها قليل ولااطول
عشان قطيعة الرحم ...

فيه امهات اقسى من الحجر قلوبهم انا اتكلم عن تجربه ولا زلت عايشتها

امي قاسيه جدآ لأن ابوي الله يرحمه كان حابسها بالبيت ومقصر عليها كثير ويهينها ودايم يسب ويشتم لأنها ماتعرف تسوي شي لاطبخ ولا تنظيف ولا لبس لانها يتيمه وغريبه في ديرة ابوي ...... لما كبرنا زادت وحشيتها بعد وفاة ابوي انا تزوجت وماتركتني مع اني عشت معاها حياه قاسيه مرعبه وانا من النوع الي ماتكلم ماعرف ارد هي اضعفت شخصيتي ....ازورها اسبوعيآ ولازم اودي لها شي ملابس شيلات عطور فلوس بخور وعود وبالاعياد ذهب لأني الحمدلله توظفت بعد الزواج ونفعتها كثير ....هي اول ماطلع من عندها تخلي الشغاله تتصل لجارتنا وتتكلم عني والشغاله انا جايبتها وانا اعطيها راتبها وجبت لها الثانيه ووديتها الحج والعمره كم مره واول ماتزوجت اول شي سويته وديتها معاي اوروبا اعالج عينها ودمرت حياتي هناك وفشلتني جدام زوجي سب وشتيم واتهامات تجي فجأه لأني مثل ماقلت انا من النوع الي مايتكلم .... شوهت صورتي تشويه عند الناس

انا الحين جده عيالي كبار وامي عايشه ولا زالت تهيني وتتحين فرصة وجود الناس واحيان كثيره تحرجني انها تسب الضيوف تقولهم لاتسألون عن بنتي اسألوا عني لاتقولون شلونها .... طيب ايش فيها ان سألوا عني ؟ عادي جيران وانا احترمهم وابيهم يجونا لاني وحيدة امي من البنات وقايمه فيها لكن مافيه مقابل حتى كلمه طيبه مافيه

انا على حياتي الكئيبه ابتعاد الناس عني واهل زوجي احس مايحبوني لاني بدون ام بدون سند الاحظ الي امها قويه يحترمونها ويحسبون لها حساب ويكفون شرهم عنها اما الي مثلي مالي غير الله

امي تفرح ان طحت بمشكله لدرجة تضحك وهي نادر ماتضحك ....صار لي اسبوع اجهز للعيد عندها شريت الحلويات ورحت البنك جبت لها خردة العيد واشتريت البرادات الجديده وجبت جلابياتها من الخياط من اجود الاقمشه القطنيه لاني مابي جلدها يحسس ( مع انها عمرها مالبستني جديد مثل البنات من وانا صغيره لين كبرت وانا محرومه من اللبس ) وملابس شغالتها وراتبها وحتى البخور والعود عمري مانسيته قصرت على روحي ووديته لها وانا فرحانه لأنه لها على قسوتها معاي اعتبره بر والله بيوفيني اجري ..... وذبيحة العيد اجيبها عندها حتى اغديها هي قبل اوزع الباقي ....اكسرتني اليوم جدام بناتي ولا كلمه تبرد القلب ولا حتى كلمة شكر ولا شي يوحي انها تبيني اطول بالزياره وتتكلم لحالها بصوت عالي وبعصبيه احسها تبي تستفزني وانا اجاريها بالكلام وكل كلمه اطيب من الثانيه

فشلتني جدام اخوي تقولي لاتتكلمين معاه هو جايني مو جايك .... كسرتني كسر وعيال اخوي يشوفون ردة فعلي وانا ساكته

انا بعد هالعمر اظن ان امي مريضه نفسيآ واول مره اكتب هالشي لأن فكرة هالمرض تخوفني ..... امي مش طبيعيه

كل ماشوف بنات عمي كيف امهم معاهم عطف وحنيه ودلع و مرتبه حياتهم ونافعتهم ومشرفتهم جدام ازواجهم وضيوفهم مع ان عيالها ماسووا لها ربع الي سويته لامي ...... وشماتتهم فيني تطعني في قلبي احس بالنقص وبالظلم وبالضعف

لكن الله سبحانه ألا ان له حكمه في كل امور حياتنا .....الحمدلله على كل حال

اعذروني اخواتي انا جايه من شوي من عند امي اول يوم عيد وقلبي مليان والموضوع طلع الي بقلبي

اعذروني غصبن عني