امي تكره صديقتي ..:(

السلام عليكم انا بنت عمري 23 سنه هالفتره صايره مشاكل حيل بيني وبين امي والسبب اقرب صديقاتي انا من سنتين تعرفت ع صديقه وصارت حيل قريبه مني كنت اشوفها يوميا بالكليه واروح وارجع معاها ويوميا اكلمها وتكلمني بالتليفونوتخرجت من الكليه وتوظفت وصرنا مانشوف بعض صارت تجيني البيت بين فتره وفتره مرات بالاسبوع تجيني مرتين انا ابوي مايرضى اطلع اتمشى مع رفيجاتي او ازورهم كل شوي الا اذا في مناسبه وصديقتي حابه تغير جوي وتسعدني فصارت تجيني اكثر من مره وكل مره تجي فيها تجيب معاها هديه او حلا او اكل او ورد تبي تسعدني باي شي طبعا امي مو مستوعبه علاقتي فيها امي من مبادئها ان الصداقه لازم تكون بحدود ولازم مو كل يوم اكلمها تليفون ولازم ما اشوفها كل يوم وامي مستغربه ان صديقتي تجيب لي هدايا تقول ليه تجيب لج هدايا واجد وليه تزورج واجد وليه تكلمج تليفون كل يوم وليه تبديج ع رفيجاتها كلهم وليه انتي قربتيها منج حيل مو مستوعبه اني اعتبرها اختي واهي بعد تعتبرني اقرب من خواتها مره من المرات تهاوشت معاي امي وقالت اقطعي علاقتج فيها وانا مستحيل اقطع علاقتي فيها البنت ماسوت شي لانها تحبني وتعزني تبيني اهدها وصارت بيني وبين امي هوشه كبيرا قلت مستحيل اهد رفيجتي الا اذا شفتي عليها شي لو البنت مو زينه او فيها شي مو زين انا بخليها لكن البنت مافيها شي ومع كثره المشاكل صارت امي تكرهها حيل وتتهمني اني انا مو طبيعيه معاها تقول اكيد انتم تسوون شي غلط ( تقصد الحرام ) والله العظيم ان علاقتي برفيجتي هذي مثل اختي والله ماعندنا هالخرابيط اللي تفكر فيها امي وامي الله يهديها حيل تقط كلام عن البنت وتتهمها بشرفها وتتهمها بعفتها بس لانها تجيني البيت تقول هذي مالها والي ولا احد رباها تقول كلام كبير وحيل تغلط كلمت امي اكثر من مره وبكيت عندها قلت لها مو زين لج جذي كلامج عنها يعتبر قذف وربي بيحاسبج ع كلامج عنهاوامي ما همها اللي اقوله انا حيل تعبت من امي مستحيل ارضى ع اللي تطلبه ولا راح امشي ع كيفها انا مو قاعده اسوي شي غلط او حرام ماني قادره افهم امي وليش تسوي جذي معاي تخيلوا طقتني طق الموت عشان رفيجتي تقريبا هوشاتنا شبه يوميا امي حيل صايره تتضايق وانا احس حييييييييل مضايقتها انا ما ابي ربي يعاقبني لاني مزعله امي بس ما اقدر اسمع كلامها بهالشي والله خايفه من عقاب ربي كلمت امي اكثر من مره كلمتها بهدوء وحاولت افهمها ان اللي تفكر فيه مو صح بس اهي ماكانت تعطيني مجال اتكلم واذا تكلمت ماترد علي وتحقرني واذا جا طاري هالبنت امي تتنرفز وحيل تعصب مادري شنو اسوي مع امي انا مابي اضايق امي بنفس الوقت ما ابي اخلي صديقتي