امي تنسى كثيييير وتعيد السالفة ويمل منها الناس !!/ قديم

السلام عليكم
اخواتي انا اعاني من مشكلة تؤرقني
تتعلق بامي الحنوووون الحبيبة الحساسة
عمرها في السبعين
صارت تنسى كثير لدرجة انها تصلي احيانا 3 مرات اقول لها يمه انت صليتِ !!

تعيد الكلام عدة مرات في الجلسة الواحدة !!
مجرد ما يصير استطراد في الكلام ترجع وتعيد الكلام الاول ..

او مثلا لبس احد من عيال اخواني ما اعجبها اذا شافته نصحت امه واذا طلع خلاص ينتهي الموضوع ومجرد ما يدخل مرة ثانية لو بعد دقيقة ترجع امي تتكلم
يتكرر هالشي عدة مرات ونفول لها يمه انت تكلمت واديت ماعليك !
تقول ما ادري اني تكلمت نسبت ..!

قبل ايام تقولي لي ابي اشتري هدية لفلانه لانها جت من الديرة
وجلست الخمس والجمعة محد وداني وانا ما احب اطلع السوق بالذات يوم الجمعة وكنت اوعدها السبت بروح ان شاء الله واشتري لك الهدية
كانت طول الخميس والجمعة تقول ابغى هدية لفلانة ..! واعيد عليها وعدي ..
واقول لها يمه مو انا قلت لك السبت اجيب لك الهدية ؟! تقول نسيت اذا انت قلت لي ما اذكر ..

وبعد ما شريت لها الهدية جبتها ووريتها وعجبتها ورفعتها انا لان امي بتخبيها وبتنسى وين حطتها ..
فكانت في اليوم الثاني تقول ابغى هدية لفلانة ..
اقول لها يمه مو انا شريتها لك ؟! واروح اطلع الهدية واوريها ..
ترجع تقول لي بعد كم ساعة ابغى هدية لفلانة !! قلت لها يمه انا وريتك الهدية ؟! قالت يعني شريتيها ؟! واطلعها لها واوريها ..

اذا صار لها موقف تقصه علينا بس مع تغيير كبير فيه ..

تفكر احيانا في اشخاص نختلط بهم تفكير سلبي فتقوم وتعتقد انه حقيقة وتقول شفتي فلانه وش سوت فيني !! مع انه ما حصل !!

اذا جلسنا الشباب عندها ، سوالفنا ما تعجبها والمفروض نركز عليها .. عشان ما تحس بالتجاهل ..

بس المشكلة الوحدة من الشابات تمل لان السالفة لازم يبسطوها لها .. ومو الكل عنده سعة صدر .. فاجلس اكلمها واوضح لها السالفة. عشان ما تزعل ..

من اسبوعين تقريبا صرت اعطيها لبان الذكر انقع ملعقه منه في كأس ماء لمدة 3 ساعات .. بس مالاحظت اي تحسن ..

ما الحل ؟! وكيف نخرجها من الحالة اللي هي فيها وهل فيه ناس كبار في السن تحسنت ذاكرتهم ؟!

يااارب تشفي امي وتعافيها ..
ما اصلي صلاة او وقت اجابة الا وادعي لها وعذا واجبي ولست مشكورة عليه ..