امي تهددني انها تدمرني 💔

السلام عليكم ورحمه الله وبركاته


كيفكم حوائيات ( انا صديقه صاحبه هالمعرف الله يجزاها خير اعطتني حسابها عشان اكتب لكم مشكلتي لعلا الله يرشدني للطريق الصحيح ) وراح يكون معي المعرف هالفتره عشان اتابع ردودكم ..


انا مشكلتي مع امي من وانا صغيره دايم تستحقرني وتتنمر علي انا عارفه ان الاغلبيه راح تستنكر وربي عارفه ان مافيه امهات كذا وانكم م شفتو لاكن اني صادقه لدرجه شكيت اني مو بنتها ياعالم عمرها ماوقفت معي مااذكر ولا موقف نفس باقي الامهات
المهم حتى تعليمي لثالث ابتدائي وبعدها قالت ادرسي من نفسك حتى مره قلت لها تعالي اسالي عني مثل ام صديقتي قالت خليها هي تسال عنك تقصد امها اشياء كثير بتقولون ليه مانسيتيها لانها حزت بخاطري هذا غير الضرب والعقاب الي ماله نهايه خلتني انسانه ثقتها بنفسها صفر
كانت تغار مني ع ابوي بدون مزاح دايم تشوهه صورتي وتعيب فيني عنده والا الان
بعد هالمرحله تمادت اكثر وصارت تهددني انها تدمرني وسوت شيء مااقدر اذكره من بشاعته كسرت داخلي الثقه فيها
بعدها طول فتره دراستي الجامعيه تحاول تطفشني من البيت وتجبرني اجلس بفرفتي ومااخالط اخواني وكانت تمنعهم يكلموني وكلمت خطابه تخيلو والحمدلله ربي رزقني ع نيتي بزوج باذن الله انه صالح وتزوجت وطول فتره الملكه بعد تهددني انها تنهي كل شيء وانها بتفضحني عند امه ووووو مع اني الحمدلله ماعندي شيء انفضح فيه قصدها تتبلاني
انتم مستوعبين اني عروس اروح اقضي لحالي وكثير نصبو علي ولا اهتمت فيني بالمره حتى لما كان يزورني زوجي في فتره الملكه تخليني انا انظف مع وجود خادمه لاكن تقول انتي نضفي وجهزي كل شيء


ومره نزلت حصلت وصخت لي المجلس وكبكبت ضيافتي والله صرت ابكي مثل المجنونه ليش كذا الرجال ع وصول
وماصدقت اني رحت بيتي اخذت غرفتي وقلبتها مخزن عناد فيني مع ان بالسطح ٣ مخازن وقالت تبين تنامين عندك المجلس تحت مو ام والله وصبرت وتحملت
وخلفت بعد والا الان مرات تطردني وتضرب عيالي مع انهم م يسوون شيء بس تقولهم ولا نفس صارو يخافون وبمجرد مااجي عند باب اهلي يجلسون يبكون
الي يقهرني انها تقدر وتخاف من حريم اخواني وتهزئني قدامهم وصارت تناديني بس لما يجتمعون عندها عشان اخدمهم واشيل واحط واجيب معي الطلبات والله يابنات اني اتفشل من زوجي ترسل لي قائمه طلبات من كذا محل ومريحه اخواني ومع العلم عندها سواق والماده ولله الحمد ممتازه يعني مو عذر
تعبتني نفسيا وتمادا الوضع وصارت تتصل ع زوجي وتدخله في مشاكلنا وانا مابيه يعرف وقدر الله مره تعبت واحتاج عمليه وقرروها الساعه ٩ اتصلت علي ٧ تهاوشني عيالك مابيهم خربو علي نومتي عشان زوجي نزلهم عندها وهو مايدري انها ماتطيقهم وضربتهم ذاك اليوم ولا قدرت وضعي وجلست اترجاها ورفضت واضطريت اكلم زوجي وارسل اخوه ياخذهم وعلمه انهم طلعو معه وهم مفروشين من امي اقسم بالله انصدمت وكرهتها ولا عاد فيني ذره حب لها
برمضان بعد م فتحو الحظر رحت لها وسوتلي مشكله وتبلتني عند ابوي اني بدخل رجال عليها ياعالم والله ظلم ايش هالكلام هذا انا هينا طلعت ابكي وحلفت ماعاد لي ام اوصلها والا الان انا هاجرتها بس خوفي من ربي يعاقبني في نفسي وذريتي بالله عليكم قولو لي وش اسوي


واسفه كثير لو طولت عليكم بالله هل علي ذنب بمقاطعتي لها