السلام
والله اخر عيال ام زوجي عمره ٢٣ اكبر من اخوي واختي التؤام اخر العنقود
مدري وش سالفته هذا ولد غامض لي اعرفه انه كل فترة ابوه يهزه هز وحاليا طارده قبل كم يوم صارت مشكلة مع اخته بالبيت والاب فزع لها ضده مع انها السعلوة غلطانة مثل عادتها بس تبقى الدلوعة وقاله اذا مو عاجبك البيت مع السلامة والولد قاله جات منك ماجات مني وطلع
المشكلة ام زوجي تتلفن حق امي تخطب اختي له والله امي قالت لي ام زوجك كلمتني قلنا خير اللهم اجعله خير ام زوجي ماتجي الا بالمناسبات
انا قاعدة احسبها كيف تتصل على امي وهي كل شوي تنزل هواش معي وماطايقتني ومرت سنة مانكلم بعض ويوم رحت قالت لي وفاجئتني وصدمتني اكثر انها وافقت على طول وتقولها ياختي وين نحصل افضل من نسبكم ويكفينا ولدك زوج بنتي والله اعزه اكثر واحد من بين رجال بناتي
قلت حق امي ليه وافقتي قالت احسبيها اختك عمرها ٢٢ وياعمري عليها تزوجت وماتوفقت رجعت لنا مطلقة ولي خاطبها اعزب وممتاز لها
انا قلت خلوها بنفسها تزوجت اول مرة ماكملت كم شهر اخواني طلقوها عاشت بجحيم عند اهل طليقها
سألت اختي قالت لي تشوفه الوالدة ماعندي كلام
قلت براحتكم مابتدخل خلاص ليه اوجع راسي فيكم سلامات سوي لي تبغيه يا يما
ماحبيت اتكلم عن الولد ما ابغى اخرب ولا ابغى اخليهم ياخذون فكرة غلط عنه بس بنفس الوقت خايفة على اختي ماتتوفق مرة ثانية
الولد ماعليه قاصر محترم بس مشكلته انه صاحب مشاكل شوي مع اهله وهدف ام زوجي بتزويجه انه يعقل
ما اسمع غير فلان انطرد فلان اخوه ضربه فلان تهاوش مع اهله وزوجي يقولي والله محترم وطيب بس حقه مهضوم بالبيت عشانه الصغير ابوي ربانا ووكل تربيته لنا واخونا الكبير شديد واختي الصغيرة تموت اذا ماسوت مشاكل معانا
هو الولد يخاف من اخواته بعد
اخوات زوجي سعلوات مشاكل وقوة شخصية مابعمري شفت بنات مثلهم كلهم قويات ومسيطرين يبغالهم وحدة اقوى منهم تربيهم وسبحان الله نصيب زوجي واخوانه حريم محترمات ماعدا زوجة الكبير هي لي مأدبتهم وطليقة زوجي طلعت عيونهم من قبل خلتهم يعضون شحم السلوقيات
اسفة طلعت عن الموضوع بس متضايقة
لي من امس افكر كثير على اختي معهم اذا تزوجت هم مهجولين الحين بالصغير ولا تكلم الاب وقف ضده مع بناته بكرى بيفحطون فيه وفي اختي معاه بعد والله خوفي يخلوها خدامة بس يخسون والله ساعتها على طلاقي غير ادعس ببطنهم دعس
انا والله اشيل هم اخوي واختي التؤام لاني احبهم بمقدار محبة الوالد الله يرحمه لهم كان يموت عليهم وتيتمو صغار عمرهم ١٤ سنة ووصى فيهم لما اشتد عليه مرضه وعرف انه مغادر للحياة وكان اخر طلب له قبل مايتوفى بساعتين انهم يجونه وحضنهم كأنه يودعهم الوداع الاخير عشان كذا اشيل همهم كثير
امي رمت الاخ لخالتي وبنتها والحين بترمي اختي مرة ثانية حق هالولد هذا والله مدري متضايقة بس قاعدة ادعيلها كل يوم الله يختار لها الخير
والله مدري ايش اتكلم بس فضفضة
bdoor5 @bdoor5
محررة
يلزم عليك تسجيل الدخول أولًا لكتابة تعليق.
@--@
•
ما يصير تسكتين .. امسكي أختك حرام واجب عليك توعينها ..
قولي لها الوحدة تتزوج واحد عاقل و راسي ، و برضووو ما تسلم من المشاكل معاه !! وعدم التوافق .. مابالك إذا خذت واحد يعتبر بزر / ومشكلجي / ومتعود عالمشاكل و الطردة من البيت والجو الغير مستقر
قوليلها هي الوحيدة بتضرر ، ولو تطلقت مرة ثانية ، وعمرها ما عدا 24 ، وقتها تحلم تاخذ حتى معدد !! حتى الشايب المعدد بيقول أكيد فيها بلاء كيف رجالين طلقوهـا ؟؟ ورى بعض و بظرف سنتين ثلاثة ؟؟ أكيد بيشك كيف تتطلق مرتين وهي صغيرة (لا سمح الله)
قوليلها ترحم نفسها من خوض تجارب محكوم عليها بالفشل ..
وقوليلها هي صغيرة و حلوة و ما معها عيال ، يعني مرغوبة الحمدلله ، تصبر لين تاخذ العاقل المحترم الجاد ، مو ترمي نفسهـا ترى كثرة الطلاقات حساسة جداً للبنت !!
قولي لها الوحدة تتزوج واحد عاقل و راسي ، و برضووو ما تسلم من المشاكل معاه !! وعدم التوافق .. مابالك إذا خذت واحد يعتبر بزر / ومشكلجي / ومتعود عالمشاكل و الطردة من البيت والجو الغير مستقر
قوليلها هي الوحيدة بتضرر ، ولو تطلقت مرة ثانية ، وعمرها ما عدا 24 ، وقتها تحلم تاخذ حتى معدد !! حتى الشايب المعدد بيقول أكيد فيها بلاء كيف رجالين طلقوهـا ؟؟ ورى بعض و بظرف سنتين ثلاثة ؟؟ أكيد بيشك كيف تتطلق مرتين وهي صغيرة (لا سمح الله)
قوليلها ترحم نفسها من خوض تجارب محكوم عليها بالفشل ..
وقوليلها هي صغيرة و حلوة و ما معها عيال ، يعني مرغوبة الحمدلله ، تصبر لين تاخذ العاقل المحترم الجاد ، مو ترمي نفسهـا ترى كثرة الطلاقات حساسة جداً للبنت !!
@--@ :
ما يصير تسكتين .. امسكي أختك حرام واجب عليك توعينها .. قولي لها الوحدة تتزوج واحد عاقل و راسي ، و برضووو ما تسلم من المشاكل معاه !! وعدم التوافق .. مابالك إذا خذت واحد يعتبر بزر / ومشكلجي / ومتعود عالمشاكل و الطردة من البيت والجو الغير مستقر قوليلها هي الوحيدة بتضرر ، ولو تطلقت مرة ثانية ، وعمرها ما عدا 24 ، وقتها تحلم تاخذ حتى معدد !! حتى الشايب المعدد بيقول أكيد فيها بلاء كيف رجالين طلقوهـا ؟؟ ورى بعض و بظرف سنتين ثلاثة ؟؟ أكيد بيشك كيف تتطلق مرتين وهي صغيرة (لا سمح الله) قوليلها ترحم نفسها من خوض تجارب محكوم عليها بالفشل .. وقوليلها هي صغيرة و حلوة و ما معها عيال ، يعني مرغوبة الحمدلله ، تصبر لين تاخذ العاقل المحترم الجاد ، مو ترمي نفسهـا ترى كثرة الطلاقات حساسة جداً للبنت !!ما يصير تسكتين .. امسكي أختك حرام واجب عليك توعينها .. قولي لها الوحدة تتزوج واحد عاقل و راسي ،...
معها..
الصفحة الأخيرة
اختك طالعه من تجرب صعبه لازم تعرف وش داخله عليه هي
قولي عن الشاب وخواته وامهم
المهم يعرفون واذا وافقوا بعدين بكيفهم المهم ماتلومين نفسك بعدين ليتي قلت ووو ولا اذا صار مشاكل قالوا ماعلمتينا قولي بس بعلمكم والقرار لكم
هذا وجهة نظر وانتي ابخص باهلك