امي حياتي احزنتني الله يسامح من كان السبب

كل عام ونتم بخير بدخل الموضع مباشره امي الله يخليها لنا ويحفظها كبيره تقريبا ب 70 اواكثر المشكله هي عند اخي الكبير ومتعلقه فيه وفي اولاده وزوجته ماتبيها تهينها وتكلم عليها واحيانن ماتزين لها اكل تروح تاكل مع الاطفال صامولي اوشابوره اي شي والله ياخواتي انها هي تصرف عليهم من الضمان واي شي يبونه تنفذه لاكن زوجته قليلة خاتمه والان توظفة مستخدمه في مدرسه هي وزوجها وشافة نفسها على امي وماتبيها وامي متعلقه فيهم عندها 3 عيال وهذا الرابع ومتعلقه فيه وعيت تروح مع اخواني الثانين لانهم عسكريين وفي شقق صغيره وكل واحد في منطقه واحد بشمال والثاني شرق والثالث بالرياض وهي رافضه هذي المناطق متعوده على منطقتها والبيت دور الرضي لاكن المصيبه هذي الزوجه اما ان سالتن عن دور اخي للاسف ماذا اقول لايهش والاينش اذا زعلت الزوجه زعل معها الراي رايها والمصيبه انه مايشوف اخطائه وفعايلهم باامي دايم يقول افلان لعبتن عليه زوجته افلان ماعنده شخصيه الي يسمع كلامه يقول ماشاءالله مافيه مثله للاسف امي تبيهم في المدارس تداوم هي واخي بعد الفجر ويتركون الاطفال عندها تصيهم وقت المدرسه واذا رجعو تستقبلهم تفتحلهم الباب ومرتاحه امي تحس ان عندها مسئوليه والله ياخواتي ان عندها موعد لعيونها بالرياض وقت الدراسه وعيت تروح تقول ماني مخليتن الاطفال وراح عليها الموعد لما جت الاجازه راحة الزوجه لاهلها وامي جت عندي وبعد اسبوع راح يتمشون لما رجعو للبيت امي راحت عندهم يومين جلسة وقالت زوجة اخوي بروح لاهلي     قالت امي حرام عليكم انا توجيتكم الان وين الروح الرجع لنسيبي مره ثانيه ردة عليها انا حره ومالك فيه دخل رجعت امي عندي مكسور خاطره قلت ياامي ياحبيبتي بكره رمضان وسعي بالك والمسجد قريب من بيتي صلي والبيت بيتك حتى زوجي جزاه الله خير رحب فيها لاكن هي منحرجه ومنقهره تقول ليه يسون فيه كذا انا وش سويت فيهم الله لايسامحهم والان تقول بعد العيد وين الروح والله ياخواتي انها تمشي الصباح حتى القهوه ماتزينها لها تصور عجوز كبيره هي تزين لنفسها وحتى الفطورماتفطر انا الان همي كبر الجبال دلوني ماذا افعل بعد العيد امي بترجع للاهانه والجوع والله يابنات عملتلها كشف وصار عندها ضغط وفقر دم الله لايعافيهم هي رافضه تجلس عندي لانها حساسه واخواتي كلهن قريبات عندي ويطلبنها تجي عندهن لاكن هي رافضه تنحرج من الزواجهن المشكله ان اخي هذا وزوجته بعيدين عنا تقريبا 100 كيلو ماقدر اجي عندها اذا راحو لدوام وانا بناتي بالمدارس وزوجي دوام والله اني في هم لايعلمه الا الله سبحانه الدعو لاخي ان الله يحنن قلبه على امي ويهدي زوجته يارب ياكريم تجعل امي راضيه عني وتنصرها على كل من ظلمها ونزل قيمتها والدنيا دواره اه اه يارب وحمتك وعفوك