امي خلتني اعيش بدون .......

قبل ماابدا بالموضوع حابع اقولكم انه دانيت بالشوكولاته اعطتنيمعرفها وهي استغنت عنه . انا بنت عمها
مرحبا ...
انا عمري 24 متخرجه . يوم كنت بالكليه كنت مع شله تسع بنات وكنا نطلع بشاليه مع اهلنا .. طبعت معهم يمكن ثلاث مرات وكنا نسوي حفلات للي بتتزوج وكذا . طبعا صديقاتي اغلبهم بنات ماديتهم جدا عاليه ماشاء الله وانا لا عاديه وكانت القطيه تكون بحدود 300 او 400 يتكلفون بشاليه غالي او يحطون بوفيه مو زي لما نطلع مع اهلنا اعمامي او خوالي تكون اقل من الميه . وحتى بعد ماتخرجنا استمروا بالطلعات كل ثلاث شهور او شهرين يطلعون صارت امي ترفض اني اطلع معهم بحكم انه هم مهايطيات وتكلف علينا القطيه ماحبت اطباعهم امي حتى ماحبت امهاتهم تقول كل كلامهم هياط بهياط اغنياء . تقول اذا بتطلعون اطلعوا بدون تكاليف . وطلعوا ثلاث مرات ولا رحت معهم والمره الرابعه والله اشتقت لهم . هم كانوا بيستاجرون شاليه جدا غالي وعشاء فخم فاقترحت عليهم تكون طلعاتنا بسيطه وقلت خل نطلب من المطعم الفلاني فقاموا اضحكوا علي وتطنزوا بي ووحده جدعت علي كلام والله يقهر وفشلتني بالقروب قدام البنات وذلتني . بعدين قلت لامي ايش قالوا لي وحمقت عليهم وقالت شفتي ماوراهن خير ماهميتيهم ولا قدروا مشاعرك اللي يذلك لاتصادقينه اتركيهم بس وحتى لو يطلعون ***** الله ببر ولافيه قطيه خلاص ماراح نطلع معهم ابد . ( للمعلوميه هم كل بنتين او ثلاث صديقات بالمره وانا ماكان لي احد منهم مقربه لي يعني صديقات جلسه ووناسه مو صديقات حقيقيات لو تغيب وحده مثلا مايقولون ولا ياحسافتك . ) انا سمعت كلام امي ولاهموني البنات لاني اساسا مااعتبرهم صديقات وفيات . المشكله مو هنا هنا المشكله هي كالتالي :
انه بعد ماتخرجت دخلت دوره لمدة سنه وتعرفت على ثلاث بنات بعد ماخلصت الدوره ثنتين انقطعن ماندري عنهن بخبر ابد وبقت معي وحده تتواصل معي هي اكبر مني تقريبا بسبع سنوات ومعاها ولدين وانا ماتزوجت قالت لي شرايك نتشاوف نطلع للمول ونجلس بالكوفي اللي بالمول قلت اشاور اهلي وارد لك قلت لامي ورفضضضضضت . مو قصدها انه ماتبغى اطلع لمول مع صديقه . قصدها انه صديقتي هذي ماتعجبها طبعها تقول انا ماابغاك اصلا تصادقينها هذي وحده شر ( صديقتي هذي بينها وبين حمولتها مشاكل وقاطعتهم لمدة سنتين ولما اسولف لامي عنها تقول اوووه هذي وحده راعيه مشاكل وتحب تمشي الناس على كيفها وحتى يوم كنا ندرس بالدوره كانت تحب تخلي رايها يمشي على الكل )
امي رفضت رقض تام اني اطلع معها تقول اطباعها ماتعجبني اخاف تخربك علينا !! وبعدين فيه احد يصادق احد اكبر منه وعنده عيال ! وخبله انتي اول مايقولك احد خل نطلع تقولين ايه !


امي تبغاني اعيش بدون صديقات كرهتني بشله الكليه وفشلت نفسي عندهم يوم قلت لهم ابغى طلعاتنا تكون بدون تكاليف وتهاوشت معهم وذلتني وحده وكرهتهم كله بسبب امي ماتحب التكاليف وقطعت تسع بنات .
والعاشره هذي اللي تقولي بنطلع للمول . طيب يابنات انا شدخلني بالمشاكل اللي بينها وبين حمولتها ( اهل زوجها ) عشان اقطعها !!؟؟ وليش تخربني زي ماتقول امي ؟ مو مراهقه هي عشان تخربني ولا عندي حموله عشان اقلدها !
وبسالكم سؤال هل صحيح انه مايصلح الواحد يصادق اكبر منه ؟؟ لو حنا اطفال او مراهين صح هالكلام لكن كلنا كبار واحس تفكيرها زي تفكيري تماما مااحس اني اصغر منها ابد
لو كان صحيح هالكلام اجل اذا توظفت شلون يكون عندي صديقات شي طبيعي ماراح نكون كبر بعض مو زي الدراسه . اسال وحده وحده كم عمرها عشان اختار ؟؟؟؟ عز الله عشت بدون صداقات اسالكم بالله جاوبوا يعني لو توظفت ومالقيت احد كبري اجلس لحالي ؟؟؟


خلاص الحين ماعندي ولا صديقه . اقول لامي خليني اطلع معها مافيه احد صفاته كامله لازم كل بنت فيها عيوب . وقسم بالله يابنات انها اخلاقها مثلي يعني مو مهايطيه ولا متفتحه مره ولا صايعه . عاديه بس انها فيها طبع تحب تمشي الناس على كيفها وتعتبر نفسها دايم على حق .
وهذا مو سبب ان امي ترفض استمر صداقتي معاها . ولاهمتني الطلعه قد ماهمني اني اكون ماعندي صديقات هي الوحيده اللي تسأل عني وتتواصل معي عكس حقين الكليه ليش اقطعها ماصدقت القى وحده تسأل عني وتهتم بي .شعور سيئ الوحده والفراغ




ولاتنسون تجاوبون على سؤالي من ناحيه العمر والصداقه ؟؟؟ غلط هالشي ؟؟ انا اشوفه شي طبيعي بعد الجامعه بنختلط مع ناس اكبر منا ونتوظف ونلاقي ناس اكبر منا ونصادقهم .
وتكفون طلب يابنات ادعوا لي بظهر الغيب بالزوج الطيب الحنون الكريم اللي يحترمني ويقدرني
ويرزقني ربي صديقات بدال العشره اللي خسرتهم من امي . لاتكتبون الدعاء قدامي ابغاه بظهر الغيب


كيف اقنع امي ؟؟؟