امي دعت علي بالفجور والنتيجه

السلام عليكم ورحمة الله وبركاته
اما بعد

عندي مشكله واتمنى القى حل عندكم مشكلتي ان امي دعت علي بالفجور
سبب الدعوه اني قبل كم سنه كنت متخرجه من الثانوي وكنت شايله هم النسبه وكل ماجو اهلي اشكي لهم ماكنت داريه ان امي طفشت مني قامت ودعت علي

قالت جعلي اشوفك فاجره او بمعنى هالكلمه قاعده اكتب لكم هالدعوه وانا ابكي وميته من البكا
كل ماذكر اليوم ذاك اتعذب مليون مره

انا والله كنت احفظ القران ووصلت نصه اللهم لك الحمدوخايفه ربي وصاينته غير اهلي كلهم
واقرب للطاعه لله سبحانه لا اغاني ولا شي ربي حاميني وهاديني الحمد لله

وبعدها على طول شفت استجابه دعوة امي انفتنت بشكل مو طبيعي بقريب لنا حبيته وكلمته وشوي شوي واحد ورى الثاني

وربي اقفل الخط وانا ابكي ما ابي ..لكن شي يجبرني ما اقدر وربي فتنه فتنه فتنه انفتنت بالرجال بشكل غريب

ياناس انا الى يومكم وانا احاول بشتى الطرق اني ابعد عن هالشي وادعي ربي دااااايم واستغفر مابي ارجع للذنب هذا
دايم اسمع عظات وتذكير بالموت لكن تجيني مثل الغمه ماااااشوف والله ماشوف وش اسوي
ما انتبه لنفسي الا بعد اسابيع وارجع اتوب وربي استحيت من ربي

ابي اعرف الان وابي احد يريح بالي ابي اتاكد هل دعوه امي راح تستمر معي طول عمري؟
تسامحت منها وتقربت بعد وذكرتها بدعوتها حاولت بكل الطرق انها تكون راضيه عني


لكن الدعوه مازالت تستجاب
وماشافتني بعينها امي فاجره الى الان..دايم ادعي لنفسي بالستر
الحمد لله متوفقه باموري الا هالشي (الزواج)
واخاف من العقوبه يجي يوم واتزوج واحد يسوي فيني مثل ما اسوي من الاولاد
واخاااف يوم القيامه ربي يعاقبني بسبب دعوتها وادخل النار
انا تعبت خلاااااااااااااص ما تحممممل من سنيييييييين وانا اتعذب وابكي واتذكر
طلبتكم نصيحه دعوه ريحوا بالي
الى متى راح يبقى وضعي كذا والله مابي اكلم رجال والله مابي الا الستر والعفاف
اتمنى العفاف ياااااااااااااارب ياكريم ارزقني ما اتمنى يارب يارب استر علي ياحي ياقيوم

طلبتكم لاتدعون على امي او تسبونها مالها غيري ومالي غيرها
اللي تبي تدعي تدعي لي انا بالستر والعفــــاف

اختكم
................................