امي رجعت تدرس

السلام عليكم حابه اقولكم حلم امي الي كانت تتمناه واليوم والحين قدامي جالسه بيتحقق الحييييييين
امي تزوجت وهي عمرها ١٦ سنه يعني كانت بالثنويه ومن يوم انا دخلت المدرسه وهي تقولي ادرسي والدراسه اهم شي فحياتك وتقولي ما رح اخليك تتزوجين الا بعد لا تخلصين دراسه كانت تقولي انه لو يرجع فيها الزمن كانت كملت دراسه واحياناً تبكي وتقول لي ولأخواتي اذا متت اوعدوني انكم بتكملون دراسه
قلبي كان يتقطع كنت اتمنى اني احقق لها حلمها الي كانت تتمناه بس تقول ابوي مو راضي يقول لها اقعدي من بعد هالعمر بتدرسين وا وا وا.. ووعدتني اذا انا تخرجت هي بترجع تدرس من جديد
بعد ما تزوجت تقول لأبوي بتكمل بس ابوي ما يرضا ويوم قبل يخليها تدرس حملت بأختي
الحين اختي متخرجه ولله الحمد انا كان باقي سنتين واتخرج لاكن ابوي مات وقتها فراق ابوي كان يوجججع وكان مالي نفس اسوي اي شي بعد اصرار امي رحت كملت وكنت منكسره اي شي ينقال عن ابوي حت لو شي عادي كنت ابكي واحس قلبي يعورني وللحين احس ياليت لو يرجع ابوي واضمه لو مره بس الله يرحمه ويجعل مثواه الجنه يااااا رب
تخرجت وصرت ممرضه والحمد لله بس ما اشتغلت
يوم الي تخرجت فيه حسيت وكأني انجزت شي كبير بعده قلت لأمي ترجع تدرس وهي ما راضت وضليت الح عليها وما ترضا
اليوم اختي الكبيره دقت لي الصبح انه راحت هي وأمي واختي الصغيره سجلو بالامتحان الي يحدد فيه الجامعه الي بتروح لها اختي وسجلت لأمي معها والله كان على بالي مزح اقسم بالله
صحيت زوجي وصلني بيت اهلي
يوم دخلت شفت امي جالسه بتدرس ياااالللله كنت مو مصدقه وللحين مو مصدقه
اختي كانت بتدرس اخر سنه ثنوي وامي كانت تنتضر اختي عشان تدرس معها
الحين هم جالسين قدامي وانا اكتب الموضوع
كتبت الموضوع هنا احس من الفرحه حبيباتي ادعو لها امانه الله
يوفقكم يا رب ويسعدكم ويحقق الي فبالكم ❤️❤️❤️❤️