امي زعلت علينا من نقاش عادي

كيفكم بنات وش اخباركم ان شاء الله طيبين
نحي لخلاصة الموضوع اليوم مجتمعين اخواتي وكنا نتعشى مدري وشلون نطيت وتكلمت وحد النقاش بين امي وأختي الكبيرة خلوني اقولكم السالفه من أولها
احنا ساكنين في الرياض وخالتي جالسين في القريه الي احنا منها وعندهم بيوت واحنا يوم توفى ابوي ترك لنا هناك بيت يُجنن وكبيرررر وش اقولكم قصر ومعه مزرعه كبيره بس يابنات ماارتحنا فيه مع انه في طرف الديره بس ماارتحنا صار بيتنا هاذا فندق عماتي أعمامي يجون ويجلسون الأعياد صارت عندنا كل سنه مو مشكله بس يابنات احنا نبي ناخذ راحتنا في بيتنا والله حتى حفرة المندي والحوش والمسبح ماانبسطنا فيها غير انه صار منتجع مو بيت مع ان أعمامي اثنين واحده عنده بيت والثاني كان عنده مزرعه المهم اخوي قرر يبيع هالبيت وبعناه ومرة السنين واستأجرنا بيت صرنا كل كم سنه نستأجر بيت دور واحد وسط الديره عشان نصير قريبين من خالتي والبيت ضيق يابنات وكل عيد عندنا وطالع وداخل ماناخذ راحتنا خالتي رممو بيتهم وبناتها مايبون احد يجيهم ومن ثلاث سنوات كان فيه ارض لأبوي الله يرحمه امي قدمت على البنك وبنت بيت يهبل وكبير ووسيع عاد يوم قرب التشطيب زارتنا زوجة عمي زوجة عمي هاذي من ايام المزرعة حقتهم وبعدها بنو بيت تروح هي وعيالها وبناتها فقط لاغير لاتستقبل احد ولا تودع احد امي من تروح وهالحريم يجون بقهاوي وعشيات وكل اهل الديره يتعازمون عندها وامي حرمه كبيره مريضه تبي ترتاح اذا راحت تبي تنسدح وينومون عندها احياناً قريبه لنا طيب ليش امي تبي تنسدح تبي ترتاح مو كل يوم وهم كل يوم جايين رايحين اخواتي اذا راحو مايقعدون ناس داخله وناس طالعه قالت لها زوجة عمي الله يجزاها بالخير اذا جو عيالك في بيتكم هاذا لاتستقبلين احد خلي البنات وبناتهم وولدك وعياله ينبسطون سكتنا وخلص البيت راحت هي واخواتي هناك العطله وصلحو البيت وكل شي اليوم اجتمعنا عندها هنا في الرياض قلت يمه اذا جينا نبي ننبسط لاني اشوف سناب بنت عمي لحالهم شوي وكريب وشابين حطب انا اقول اذا اجتمعنا نصير لحالنا لان الصراحه من نروح الين نجي وانا استقبل وودع واخوي مايجلس مسكين ساعه على بعضها معنا او يرتاح ويقدر يدور في البيت على راحته واذا صرتي لحالك بكيفك اعزمي ونادي تحسبنا نقصد خالاتي قلت وانا المدقه كل يوم عندنا وبيوتهم مايبون احد يجيها والعيد خلاص يصير كل عيد رمضان عند وحده هنا انفتحت اختي الكبيرة وقالت ان خالتي ماتبي احد وجلسنا اسبوع ماقالت تعالو لو مره هنا امي زعلت وبنت اختي قالت خلاص يمه وسكتت بس امي تنكدت وطول الطريق وانا راجعين بنت اختي تنتقد تصرف امها مع ان اخواتي تكلمو بس كلنا كان صوتنا هادي بس اختي الكبيرة انفتحت وارتفع صوتها وهاذا اسلوبها الله يهديها عاد بنت اختي تقول بكره بتكلم مع امي كذا مايصلح جدتي عجوز ومريضه وماتتحمل انا الحين ضايق صدري مع اني رجعت سولفت معها وهي طنشتني وكأنها زعلت من كلامي مع انه انا ماقلت شي يزعل وصوتي كان عادي انا كنت أناقشها مجرد مناقشه بس والله مناقشه وصح يابناتً معي حق وش نبي بالبيت الكبير والجمعه وانا ماناخذ راحتنا فيه وعشان نروح لوً نلقى راحتنا بنروح له دايم ولا انا غلطانه