بريق الماسه :

سعيد اختي مبارك صحيح كلامك اختي انا كل الي عطيته أمي سواء ملابس او ذهب تجمعه وتكدسه خزانتها تخوف من كثر الاكياس المربوطه وماترضى حد ينظفها تظن بيسرقوها قلبها قوي بدون عاطفه ماتحب عيالها وانا البنت بينهم تكرهني اكثر وحده مع اني اساعدها اكثر من الاولاد تنظر لي نظرات مخيفه لما كنت صغيره تقولي ادري انك عدوه وقلبك حاقد علي وتقول كلام كثير والله مافهمه كنت صغيره وخبرتي ولا شي في الحياه لأني مسجونه معاها بالبيت حتى ماتصدقون لين تزوجت وانا ماعرف مفردات الكلام لاني ساكته طول الوقت اخاف اتكلم تهجم علي او تأذيني والناس مايزورونا يمكن ينفرون منها وتحركاتها مش طبيعيه كانت تتكلم لوحدها وتأشر كأن قدامها حد بس مافيه حد وكنت اسمع بعض الكلمات انها تقول والله انهم اذوني وانا مسكينه يعني نفس الي بالمحاكمه ويدافع عن نفسه تحب تسرق حتى اغراضي اي شي تعطيني عمتي اقوم الصبح مالقاه والتفت لها اشوفها بآااااخر الحوش قاعده تشوفني ومبتسمه فأعرف انها ماخذته من ظمن كلامها لي لما ابوي يعطيني مصروف واوزع على اخواني على ريالين او ثلاث هي تخاف من ابوي اول مايطلع تقولي ليتني نزلتك دم وماجيتي للدنيا والله اني عرفت هالمصطلحات وانا لسه صغيره تعلمت الصلاة لحالي لانها غرفه وحده الي لنا وهي معنا والثانيه لأبوي فصلاتي في الليوان واقرا قرآن من كتاب المدرسه كانوا قبل يوزعون علينا مصاحف أمي كنت اشوفها برمضان تغسل المواعين بالحوش وتاكل البقايا من القدر استغفر الله العظيم مش زي حركات الأنسان احيانآ اشوفها فيها حيوانيه زي لما تضرب اخوي تعضه وتشمخه بوجهه وتحاول تغرز اظافرها بقوه لانها مالها اظافر ماكلتهم كلهم شكلهم مخيف ولما تاكل بالحوش تجلس بطريقه استغفر ربي كيف القرد يجلس نفسه وتملا يدها وتاكل وتشوف قدامها ما كأني اشوفها تتصرف بغرابه ماتتروش لها ريحه قويه ولا مره من انولدت شفتها تصلي وتكذب وتصدق كذبتها وتسبنا على انها مظلومه تخبي الفلوس بأماكن غريبه بين شقوق الحيطان وتحت الزوليه ومن سابع المستحيل لو نموت قدامها ماتعطينا فلوس لا للمدرسه ولا لغيره ماتفتقدنا لو نغيب نرجع نشوفها مقابله الحيطه تتكلم لحالها ومنفعله يعني فيه موضوع مهم وهي تدافع فيه عشت بخوف من وانا طفله واتخيل كل الناس تشوفني اذا رحت المدرسه ومابي حد يعرف عن أمي بالثانويه انخطبت وشلت هم الناس كيف بيجون بيتنا واشتغلت علي سب وحذف واتهامات ليه الناس يبونك انتي وش فيك غير ترى البنات أحسن منك كلام انقال شهووووور لين تزوجت بدون فرح وحمدت ربي كثييييير ان مافيه فرح وناس وسبحان الله هو وأمه جو خذوني وكانت أمي ساااااااكته مدري خايفه منهم ماعرف ليه الحين بعد سنييييين من المعاناه أمي فقدت نظرها وانا الي بقيت لها ابوي توفى واخوي والاهل مايجونا وبديت انا ارتب كل أمورها باقي فيها من الطبيعه القديمه لكن اقل بكثيييير من قبل وصارت تصلي وأحيانا ادخل عليها بيتها اشوفها تصلي عكس القبله لانها عميا فأعدل سجادتها تقولي ماعليه انا بس اقرا الفاتحه وقل هو الله احد بالصلاة اقولها عادي لأَنِّي جبت لها تسجيل المصحف كامل حاولت تحفظ لو سوره قصيره غيرهم ماقدرت اسمعها بعد الصلاة تستدعي للأموات ابوي اخوي عمتي كلهم راحوا بدون ماتدري اني جيت اسمعها بس لا زالت تتكلم لحالها لكن بصوت واطي لان صار عندها شغاله جبتها لها من حوالي شهرين خرب المكيف جيت واتصلت للمصلح يجي واشرف عليه اخاف اخليها لحالها خلصت وحاسبته وراح وسلمت عليها بطلع كم خطوه الا اسمعها تقولي الله يحفظك وتردين بيتك سالمه اول مره تستدعي لي وصوتها صار خفيف ماهو القوي الأولي صار عمري فوق الخمسين اول مره اسمع أمي تدعي لي ماتدعي علي ودي ارد لها نظرها تشوف عيالي وتشوف الدنيا لكن حكمة رب العالمين

سعيد اختي مبارك صحيح كلامك اختي انا كل الي عطيته أمي سواء ملابس او ذهب تجمعه وتكدسه خزانتها تخوف...