السلام عليكم
اول شي اشكر اختي الم العمر انها اعطتني معرفها
مدري كيف ابدا
بس والله والله قلبي مجروح من جوا
انا البنت الوسطى لامي
وعندي اربع خوات غيري
يابنات والله والله اني ابي رضا امي وابي اساعدها وهي تعبانه شوي وابي اكسب رضاها
بس الي تسويه معي يحبطني ويتعبني
يابنات والله احنا بيتنا وسيع كل يوم اشتغل بالمطبخ واغسل االمواعين وماانام الا وانا
مغسله المطبخ ومرتبته واحيانا امسك الصالات واكنسهم وارتبهم وامسك الحمامات واغسلهم وانظف الدور
الي تحت كله بس لو دعوه منها وربي اطير فرح بس وربي مالقى ولا كلمه مدح
والله والله محد يشتغل من اخواتي مثلي
انا اكثر وحده مكروفه بينهم
المهم دايم امي تهاوش قدام ابوي مافيهن فايده ولا يسوون شي وانا ادافع عن نفسي واقول اشتغل
تجي تقول لابوي والله تسوين شغله وحده ولاعاد تسوين غيرها وابي اتكلم ادافع عن نفسي بس ماقدر
اكيد ابوي يصدق امي وتجمعني مع خواتي اني م اسوي شي ولا فيني فايده سويت شغله ماسوي غيرها
المهم وانا جالسه معها امس وعندي اخت ب اول متوسط
وتسولف كثيرر وتسال كثير
قلت لها يمه انا كنت زيها رجيتك باسالتي
قامت تقول قدام اختي وين والله انك بوز وتجيبين الهم وغير مبوزه واختي تتريق وتضحك وربي حسيتها حسره
بقلبي
واليوم كنا جالسين بالصاله قلت لها يمه ليش تنكرين قدام ابوي اني ماشتغل ولا اسوي شي
قامت تقولي انتي ماتسوين الا شغله وحده ولاتساعدين الا مره وحده وادافع عن نفسي واصارخ
اقولها ابي منك حافززز دعم معنوي عشان اشتغل واجتهد بالشغل معك قالت لي ماعندي لك دعم معنوي
ولاتشتغلين ولا تسوين شي ارتاحي بس قلت لها يمه انا اكثر وحده تساعدك من خواتي
تخيلو وش قالت كانت جالسه معها اختي الي باول متوسط وقالت لي والله فلانه تساعد اكثر منك
ودايم يدها بيدي يوم احضر شي
تبون تعرفون اختي وش تسوي تسوي شاهي تحضر نواشف تكنس المقلط الي نقلط فيه تشيل سفره احيانا وتودي السفره
طلعت احسن مني انا الي اكرف واغسل مواعين وابي رضاها ماتشوفون لحظتها اختي كيف فرحت
يوم امي تمدحها وربي بس شالت السفره حقت العشاءء ابوي يمدحها ويقول قدامي ادعي الله يصلح الصغيره لك
عشششششششششششششانها شالت سفره وتقول الله يصلحها ويحفظها
قلت لها خلااص خلي اختي هذي هي الي تغسلك المواعين وهي الي تحضرلك كل شي
وربي ي بنات شابه نار بقلبي دايم تحسسني اني اقل من اختي
وحتى بالششكل دايم تقولي فلانه تهبلللللللللللل
لدرجه سرت اغار منها من والسبب امي
واليوم اختي هذي تقولها الي باول متوسط يمه ليش م شلتيني معك السوق اليوم
ليش شلتي فلانه
الي هي انا
قالت لها والله انها طفشتني بوز واختي تضحك
وربي امي حطمتني ي ناسسسسس وربي قلبي يعورني
والنوم طار من عيوني وانا صاحيه من الصباح
وشوفو الحين كل خواتي نامو واهلي نامو والمطبخ مليان مواعين
ودي اغسله وانظفه بس مهما سار امي م تشوفني شي
واخاف اذا م غسلته تزعل علي
وربي تعبت وتعب قلبي من جرحها لي ومقارنتها لي باختي الصغيره
وسارت م تشوفني شي ابدد
شورو علي وش اسسسسسسوي
يلزم عليك تسجيل الدخول أولًا لكتابة تعليق.
الزمي الاستغفار وادعي ربنا يسخرها لك وكمان اذا اشتغلتي احتسبي الاجر من الله فقط ولاتستني مدح ولاثناء من احد عشان ماتنصدمي وتزعلي كل ماسويتي شي قولي يارب ابتغي فيه مرضاتك وحاولي تبرين بامك والله يرزقك ماتتمني من خيري الدنيا والاخره
منى 85
•
فديتها أمج حبيتها من كلامج عنها الله يخليها لج
عادي أختي مو لازم تمدحج
الله معنا يمكن الله ينبهج لشي أنتي غافلتي عنه أنتي تسوي العمل هذا لله أو شي ثاني جددي النية قولي اللهم أني أعمل هذا العمل لوجهك الكريم لا أريد به جزاء ولا شكور
وقبلي لي أمج
عادي أختي مو لازم تمدحج
الله معنا يمكن الله ينبهج لشي أنتي غافلتي عنه أنتي تسوي العمل هذا لله أو شي ثاني جددي النية قولي اللهم أني أعمل هذا العمل لوجهك الكريم لا أريد به جزاء ولا شكور
وقبلي لي أمج
الصفحة الأخيرة
انتي سوي غش غل أختك الصغيرة وحاولي الصغيرة تأخذ شغلك
وبعدين لاتتتحسسين كثيرر سوي اللي عليك والآجر عند الله
بوكر تروحين بيت زوجك وتعرف مكانتك