vip_sa :

الله يفرج لك ، حبيبتي وش الدكتور اللي تراجعين عنده، مو كل طبيب شاطر ، دامك مافيك اكتئاب اطلبي الطبيب يبدا بسحب الدوا من جسمك ، والعارض النفسي مو عيب ، تبين شوري لازمي سورة البقرة يوميا ، حددي لنفسك برنامج يومي ، من تصير الساعه ١٢ هليك بغرفتك ، اغسلي جسمك وادهني زيت زيتون لو مسح مو ضروري ترطيس (انفثي الفاتحة بالزيت وكل ماقريتي انفثي فيه) ولاتستصعبين القراية ، استمري مدة غير محددة شهر شهرين ، اختمي البقرة كل يوم مع الفاتحة سبع مرات وادعي ربي يوميا ، لو تقدرين تقرين البقرة بالوتر ممتاز ولو ماتقدرين عادي استقبلي القبلة على فراشك واقري واقري ولا تسمعين لوسواس النفس اللي يقول لك صعبه او يقول لك مافي فايدة ، لاتوقفين ابد ، واهلك طنشيهم الله يسعدك وعاملي والديك بالاحسان حتى لو اساءو لك واحتسبي الاجر ، الدعاء يوميا ، ولله ان ربي موب رادك ، متخيلة انك يوميا تقرين وتدعين وماتملين ولاتيأسين ، متخيلة ان الله نازل للسماء الدنيا وانت تدعين وهو يسمعك ، اطلبي الله الخير ، اطلبيه العافية ، اطلبيه يشرح صدرك ويسعدك سعادة الدارين ، اطلبيه يحنن قلب والديك ويجعلك انسانه مباركة ، ترى سورة البقرة تجلب البركة ، والاستغفار والحوقلة والصلاة عالنبي يفرجون الكرب ، حتى اهلك يوم يشوفون لك برنامج خاص فيك تدرين غصب بيكفون اذاهم عنك لأن الله بيحميك ، اطلبي الله العز لك واطلبيه رفع المكانه بالدنيا والاخرة ، وباذن الله فترة قليلة وتبشرينا بصلاح حالك وشراحة صدرك وانتهاء كل همومك

الله يفرج لك ، حبيبتي وش الدكتور اللي تراجعين عنده، مو كل طبيب شاطر ، دامك مافيك اكتئاب اطلبي...