امي ظالمه الكل واولهم انا..

تعبت يابنات والله تعبت عايشه على هالحاله تقريبا25سنه اشوف الظلم بعيني واشوف الكذب بعيني لدرجة تحلف بالمصحف كذب وتحلف بالله كذب وتحلف فينا كذ..
ظلمها تعدى معنى كلمة الظلم ظلمت ابوي وجرحته وكرهت اهله فيه وبعدها تزوج وهجرته بالمرررهوهو سايرها وخلاها عايشه معنا بعدها ظلمت امها وتعبتها وهجرتها 8سنوات ولحظة ما مرضت زارتها وظلمت اخوي كانت تغطي عليه لحد ماصار مدمن وتعب بحياته ولاعمره نجح بشي بحياته ورجعت على زوجته تشيش اخوي عليها يحبسها واذا ضربها قدامنا تسوي نفسها معنا ومن ورانا اسمعها تشجعه على تصرفه زوجة اخوي اجنبيه امي تشيشه تقول بتهرب باولادنا احبسها قفل الباب لاتطلع الامعك واذا غاب اخوي هي تقفل وتقوم بدوره كان لزوجة اخوي بيت وتعبت وجات عندنا وامي ماصدقت شيشت اخوي لحد ما جبرها تجلس عندنا على طول واللحين جاء الدور علي تتلفظ علي قدام الكل بكلام يسيئ لسمعتي انت فيك وفيك وفيك لدرجة والله حتى صديقاتي سمعوا كلامها وهي تسب وتتكلو ولو احد جاء يزورني من صديقاتي تقلب وجهها فيهم وتبين ان مالها نفس يجون عندها الكل ماصار يزورني ولو حبيت اروح لاحد ابوي يرفض اروح لوحدي لازم امي معي وهي عناد فيني ماتروح..
اليوم جلست امزح واقول ليش تاخذي لولد اخوي حلاوه وبنته لابطريقة المزح الله لايوريكم وش سوت كل الكلام اللي ماينقال قالته لي كل انواع السب والشتم وانا ماتحملت طلعت كل اللي بقلبي لها ادري اني اغضبت ربي وكسبت عقوق بس والله معاد قدرت اتحمل خلاص احسها تحب تفرق بيننا دائم تتعامل على هالاساس ليش ما ادري اللحين رجع الدور على ولد اخوي تركهه في امه واخته واهل امه تشيشه مايروح ولا يحب امه.
كان يجيب كل شي لاخته اللحين يخبي حتى الحلاوه عنها يكره امه ويكره اهل امه وكل هذا منها..
انا تعبت يابنات والله اذا تكلمت وسكتت انقهر احس الكل يصدقها واكيد بتتصدق لانها امي لدرجة انا عمري اللحين25وما انخطبت والسبب امي وتعاملها مع اهل ابوي ومع الناس لدرجة كرهوني والسبب امي وهذا الكلام سمعته كثير يقولون طالعه لامها مع ان والله انا عكسها تمام..
واذا تكلمت اخاف اكسب عقوق وهي لو قلت كلمة الحق تدعي علي دعاء تقشعر له الابدان وانا اخاف..
واذا تكلمت معها بهدؤ ما تسمعني نهائي..
صرت والله اتجنبها لدرجة ماصرت اجلس معها اتحجج بالنوم اسهر طوال الليل لوحدي وانام للمغرب اهملت نفسي واهملت صلاتي وواجباتي وهي السبب..
انا تعبانه والله خلاص اتمنى اموت وارتاح من حياتي كل ماحاولت اقرب انصدم وكل مابعدت اخاف من الذنب محتاره وابيكم تساعدوني وتدعون لي اتزوج وارتاح..
اخواتي اللي من ابوي اصغر مني واللحين زواجهم لان امهم ماشاء الله عليها مطلعه سمعتهم فوق الكل لكن انا سمعتي بالحظيظ والسبب امي..
ابي منكم دعوه بظهر الغيب ان ربي يعوضني بالزوج الصالح مع اني صرت اخاف من دعائها علي..