امي ظلمتني ( قصة قريبتي ) المظلومه

مو انا قريبتي
القصه :
متزوجه وعندها اطفال وتسكن في مدينه ربي رزقها بوظيفه في منطقه نائيه طبعاً احتارت في السكن والاولاد والزوج ووافق ابوها وامها يروحوا يسكنو معاها في هذي القريه مرت ثلاث اشهر تقريباً وهم في سعاده تعرفوا ع اهل القريه وارتاحوا كثير وحبوا القريه واهلها وبعد ثلاثه اشهر مرض ابوها (طبعاً زوجها في المدينه يجيهم من فتره لفتره)
المهم سافر ابوها يتعالج وبقيت هي وامها واولادها الصغار والشغاله في البيت وبعد سفر والدها بيومين تقريباً صاااارت الحادثه:
استعدت كالعاده للدوام من الليل استحمت وجهزت اغراضها عشان لو صحيت متأخره تكون مجهزه كل شي وراحت لسريرهاتنام وسمعت صوت مشي خفيف في الدور الثاني وحست انو في شي واخذت جوالها وخرجت تمشي شوي شوي عشان امها ماتسمعها وتخاف هي كانت خايفه ع امها تشوف شي وتخاف وراحت للدور الثاني ووصلت بنص الدرج وحست انو فيه حركة وخااااافت ونزلت جرررررري وهي نازله صادفت امها وسألتها امها اشفيك وفين كنتي؟؟ قالت البنت لأمها كنت فوق انفخ خيمة الساونا ...خبت اللي سمعته ع امها خافت يصير في امها شي من الفجعه المهم اصرت الأم انها تطلع تشوف وراحت هي والبنت للدور الثاني وهنااااااااااك كانت المفاجأه
خلف واحد من الأبواب رجااااااااال متخبي
انفجعت الام والبنت وجلسوا يسألونه من فين جيت وكيف دخلت البيت واحنا مقفلين
رد عليهم : انا ماعندي اقامه
قالت الام ماراح تهرب وهددهم بالقتل او يفتحوا له الباب ويخرج
طبعاً هذا الكلام صار في الليل الساعه 2 تقريباً
وبعد تهديداته بالقتل رموا له مفتاح الباب وفتح وخرج مذعور
هنااااااا بعدما خرج اتهمت الأم بنتها ام الاطفال بمواعدتها للشاب وانها هي اللي دخلته البيت وطلعته الدور الثاني وانها حاولت النوم معاه وصارت الام تهدد بنتها بالقتل بحجة انها دخلت رجال البيت
طبعاً الام في هذي الأثناء اصابتها الهستيريا والجنون وبدأت تهدد بالقتل وتتكلم بكلام ماصار نهائي
انجنت البنت واتصلت ع زوجها وعلى اخوها وعلى جيرانهم وراح اخوها وزوجها اخذوهم من هذي القريه بعدما اخذت اجازه اضطراريه وسااافرت وحالياً امها مقاطعتها وتفرش سجادتها وتدعي ع بنتها وتبرأت منها وهي اصلاً البنت مظلومه ماسوت شي بريئه براءة الذئب من دم يوسف
وبعد يومين من الحادثه اتصل صاحب البيت اللي البنت مستأجرته منه وقال لهم انو فيه شاب حوثي مريض نفسي ماعنده اقامه يسكن القريه ويدخل بيوت اهلها بدون اذنهم وقال لهم انو دخل بيته ثلاث مرااااااات
لكن المصيبه في الأم لازاااالت مصره ع ظلمها وقذفها لبنتها ومو مصدقه انو مريض نفسي تقول لا هي مواعدته ..!!!!!!!البنت تعيش حاله نفسيه سيئه بسبب ظلم امها ومقاطعتها لها ...... انتهت القصه....
لم اذكرها للتسليه وانما طمعاً في دعائكن اخواتي الفاضلات بأن يظهر الحق ويزهق الباطل عاجلاً غير آجل ويحنن قلب هذه الأم ع بنتها وترجع حياتهم مثلما كانت وافضل

تحيااااااتي