نرجع للمطبخ سويت غدانا صينية خضار حوة وسهله واهم شي انها عجبت امي الله يخليها لي يارب
نبدأ بسم الله المقادير والطريقه مع بعض
اول شي نقطع بصل شرايح بالطول و عريضه ونحمسه بشوي زيت وبعدين نضيف له ثوم مقطع شرايح ونحمسهم مع بعض واذا بدا البصل يذبل شوي نحط عليه جزر شرايح مدورةونتركهم شوي عالنار
بعد مايذبل الجزر شوي نضف عليه كوسه مقطعه شرايح مدورة وشوي فطر (اللي ماتحب الفطر عادي لاتحط)وبعد كذا نتبلهم بالملح والبهارات والفلفل الاسود والكمون واللي تحبينه من البهارات ونحركهم زييييين ونغطيهم شوي لحد مايقربون يستوون يعني ربع ساعه تقريبا مع التحريك كل شوي عشان مايلزق بالقدر
وهنا بعد ربع ساعه
نجهز بشامل 2ونص كوب مويه مع 4ملاعق طحين و4ملاعق حليب بودرة و2ملعقه قشطه وشوي ملح وفلفل عالنار الين يثقل
ونكون مجهزين لحمه مفرومة مثل حشوة السمبوسة بس ماصورتها
نجيب صينيه بايركس ونحط فيها الخضار
وبعدين نحط عليها الحشوة
وفوقه نحط البشاملوبعدين ندخلها الفرن من فوق وتحت الين تتحمر
وهنا من الجنب
وهذا صحن للجوعانه
وعليكم بالف عافيه
والله الله بالردود الحلوة والتقييم