امي عطتني كلام من الاخر واحبطني لي اليوم

كيفكم بنات
طبعا عارفين زوجي دوم ماعنده فلوس وماعنده والحين حاسبه لبعدين لما بولد ان شاءالله بالسلامه يارب اولد طبيعي.. اخر ولاده عمليه والحين كمل ولدي٤ سنوات يعني في امل اولد طبيعي؟
ومن جهه خايفه اذا ولدت طبيعي او عمليه لاني بكون وحدي فالمستشفي.. امي قالت ما اقدر اجلس معك فالمستشفى واختي عندها دوام!؟ وانا من النوع الي اتعب وايد بعد الولاده ينهد حيلي لي اسبوع تقريبا.. ادري في ممرضات يساعدو الحمدلله لكن ساعات راحتهن مثلا او اذا انشغلن الممرضات او بليل شو راح اسوي اذا تعبت ومحد عندي؟!
بجد خايفه وحاسبه الف حساب.. ولما قلت لامي بجيب شغاله معي قالت وعيالك من راح يغسلهم ويبدلهم ويوكلهم.. يعني ابدا ما في تعاون وانا الي اساعدهم فمقاضي وغيره..
ومن جهه زوجي متاكده١٠٠٪‏ ماراح يجيب لي مقاضي بعد الولاده ولا راح ياخذ ملابس للطفل..
الي فيني مكفي تعبانه نفسيتي من التفكير..
عندي سؤال اخير بنات شو تسوون عشان تولدو طبيعي؟؟ هل في وصفات او مشروبات او اي شي مجرب ساعدون