امي في ذمة الله

مساء الخير وعيدكم مبارك
الحمدلله من قبل ومن بعد
انتقلت امي لجوار ربها يوم الخميس الماضي ليلة الجمعة
ماتت واحنا حولها ومنتظرين طلوع روحها بأي لحظة
بعد مااقالو لنا الاطباء ان امكم ماباقي لها بهالدنيا الا ساعات
كان موقف صعب وشعور مادري كيف ممكن اوصفه
واحنا عارفين ان امنا بتموت
واحنا مابيدنا شي
عيوننا مصوبة عليها وعلى الشاشة اللي فوقها
ونشوف كيف ضربات القلب والتنفس قاعدة تنزل
وصوت الجهاز يدوي ويرن في الغرفة لما وصل للصفر
ليعلن وفاة امي
يارب بكل الم وتعب ووهن
مر بأمي
يارب اكتبلها بيه اجر وترفيع درجات
وتكفير ومحو ذنوب
وان شاءالله انها من الشهداء لأنها ماتت مبطونة
وان شاءالله تكون بمأمن من عذاب القبر لأنها ماتت ليلة الجمعة
والحمدلله اتوفت بأيام فضيلة وبكي عليها الصغير والكبير
والغريب قبل القريب